SuperDizionari

negatîf adi.
(ne-ga-tîf)

Che al pant o al à dentri une negazion

esemplis

"la propueste e à cjatât une rispueste negative de bande des istituzions"

gjavât fûr di "Paîs Basc: lis rispuestis ae propueste de ezkerra abertzale e la iniziative di EA" di Carli Pup

negatîf adi.
(ne-ga-tîf)

Che al compuarte o che al è caraterizât di dificoltâts, problemis, insuficience, che si indrece o che al puarte al mâl

sinonims

aviers, contrari, ledrôs

esemplis

"i procès di consum e di produzion a puedin vê une vore di consecuencis negativis, come l'incuinament, la cimentificazion, la distruzion di bens culturâi"

gjavât fûr di "Dal Prodot Interni Lort aes misuris dal benstâ" di Marzi Strassolt

"fra i fats negatîfs di chei mês di ditature e va segnalade la pierdite di Osôf (14 di Otubar), avigniment une vore dolorôs par Cavedalis"

gjavât fûr di "Zuan Batiste Cavedalis - Une vite esemplâr" di Giovanni Pillinini

negatîf adi.
(ne-ga-tîf)

Che al prossume che lis robis a laran mâl, che i mancje entusiasim

sinonims

pessimist

esemplis

"no stâ sei tant negatîf"

negatîf adi.
(ne-ga-tîf)

Che intune scjale numeriche al è sot dal zero

esemplis

"te zone dai lâcs di Fusinis si regjistrin temperaduris polârs, cualchi volte dongje dai 40° negatîfs"

gjavât fûr di "La mont furlane" di Mauro Pascolini, Andrea Guaran

negatîf adi.
(ne-ga-tîf)

[TS] (biol.) Di esam o analisi di laboratori, che al à escludût la presince di ce che si cirive

esemplis

"al è pussibil che une infezion no puedi jessi rilevade se al è pôc timp che la persone si è infetade. In chest câs [...] [il sanc] al podarès passâ la malatie ancje se lis provis che a son stadis fatis a dan un risultât negatîf"

gjavât fûr di "ABC... Dona!" di AAVV

negatîf s.m.
(ne-ga-tîf)

[TS] (fotogr.) Imagjin che e à i colôrs contraris de realtât

sinonims

imagjin negative, negative

esemplis

"il Fonts fotografic Pellis al conte 7.156 negatîfs su lastre e pelicule"

gjavât fûr di "I Fonts" di SFF

monolengâl