Tu âs cirût la peraule
bilengâl monolengâl
Tu âs cirût la peraule
lavorare
torne indaûr

bilengâl

lavorare v.intr., v.tr.
  • 1a

    v.intr. lavorâ Copie

    [FO] (meti lis fuarcis fisichis e inteletuâls intune ativitât, spec. produtive)
    sto lavorando e ne ho per tre ore = o soi daûr a lavorâ e mi coventin trê oris

    v.intr. lavorâ Copie

    (cu la specificazion de vore che si fâs o dal strument che si dopre, dedicâsi a une ativitât)
    lavora a un nuovo progetto = al lavore suntun progjet gnûf
    lavora con la pala = al lavore cu la pale
    lo hanno messo a lavorare col computer = lu àn metût a lavorâ cul ordenadôr
  • 1b

    v.intr. lavorâ, jessi a vore Copie

    [FO] (vê un mistîr, une profession)
    lavora in banca = al è a vore in bancje
    lavora in proprio = al lavore par so cont
    lavorare per vivere = lavorâ par vivi
  • 2

    v.intr. lavorâ Copie

    [FO] (di bestiis, spindi fadie spec. a pro dal om)
    il bue lavorava nei campi = il bo al lavorave tai cjamps
  • 3

    v.intr. lâ, cori, lavorâ, jessi in vore Copie

    [FO] (sei in azion, funzionâ)
    il motore lavora bene = il motôr al lavore ben
    lavorano solo due pistoni = a son in vore dome doi pistons

    v.intr. lavorâ Copie

    (cun riferiment a parts dal cuarp uman)
    i muscoli devono lavorare per stare in forma = i muscui a àn di lavorâ par stâ in forme
    lo stomaco lavora bene = il stomi al lavore ben
  • 4

    v.intr. lavorâ Copie

    [FO] (riferît a un studi, a une buteghe, vê une clientele, fâ afârs)
    il ristorante lavora molto = il ristorant al lavore une vore
    quell'osteria non lavora più come una volta = chê ostarie no lavore plui come une volte
  • 5

    v.intr. lavorâ, lavorâ parsot, lavorâ sot vie Copie

    [FO] (tramâ)
    sembra sincero ma lavora contro di noi = al somee sincîr ma al lavore parsot cuintri di nô

    v.intr. lavorâ Copie

    (fâ, agjî)
    il male lavora dentro = il mâl al lavore par dentri
    il tempo lavora a suo favore = il timp al lavore par lui
  • 6

    v.tr. lavorâ Copie

    [FO] (tratâ par ridusi a la forme che si vûl)
    lavorare il ferro = lavorâ il fier
    lavorare il legno = lavorâ il len
    lavorare la campagna = lavorâ la campagne
  • 7a

    v.tr. lavorâ Copie

    [TS] sport (fâ une azion di scuniment dal aversari, massime tal pugjilât)
    lo ha lavorato a lungo per poi finirlo = lu à lavorât a dilunc par finîlu insom
  • 7b

    v.tr. lavorâ Copie

    [CO] (imbussulâ, convinci cu la persuasion a fâ ce che si vûl)
    hanno lavorato il principale per ottenere un aumento di stipendio = a àn lavorât il principâl par vê un aument di paie

locuzions

    andare a lavorare
  • lâ a vore, lâ a lavorâCopie
    [CO] (fâ un mistîr, une ativitât)
    a sedici anni è andato a lavorare = a sedis agns al è lât a vore
    • lavorare di cervello
  • lavorâ cul cjâfCopie
    [CO] (doprâ la inteligjence)
    cerca di lavorare di cervello = viôt di lavorâ cul cjâf
    • lavorare di cesello
  • lavorâ di filigrane, lavorâ di finCopie
    [CO] (lavorâ cun tante curie)
    ha lavorato di cesello = al à lavorât di filigrane
    • lavorare di fantasia
  • lavorâ di fantasie, inventâ, contâ stocs, contâ bufulis, contâ balis, çavariâCopie
    [CO] (meti dongje robis no veris, interpretâ la realtât a so mût)
    alla tua età, smettila di lavorare di fantasia = ae tô etât, vonde lavorât di fantasie lavori troppo di fantasia tu = tu inventis masse tu oppure tu çavariis tu
    • lavorare di ganasce
  • gramolâCopie
    [CO] (mangjâ une vore di buine voie)
    ha lavorato di ganasce per un'ora = al è stât a gramolâ par une ore
    • lavorare di gomito
  • dâ di comedonCopie
    [CO] (dâ pocadis cui comedons)
  • dâ di comedon, lavorâ di comedonsCopie
    (cirî di fâsi strade in ogni maniere)
    ha il brutto vizio di lavorare di gomito senza guardare in faccia a nessuno = al à il brut vizi di dâ di comedon cence cjalâ in muse di nissun
  • dâ di comedon, lavorâ di comedonsCopie
    [CO] (sburtâ, fâsi strade)
    • lavorare di lima
  • lavorâ di filigrane, lavorâ di fin, lavorâ di lustrifinCopie
    (perfezionâ cun cure e atenzion)
    l'autore ha lavorato di lima = l'autôr al à lavorât di filigrane oppure di lustrifin
  • limâCopie
    [CO] (semplificâ)
    ora serve lavorare di lima = cumò al covente di limâ
    • lavorare di mano
  • slungjâ lis mansCopie
    (palpâ)
    attenta a quello che gli piace lavorare di mano = sta atente a chel là, che i plâs di slungjâ lis mans
  • jessi svelt di manCopie
    [CO] (robâ cun abilitât)
    è finito in galera per aver lavorato di mano = al è finît in galere par vie che al jere stât svelt di man
    • lavorare di mascelle
  • [CO] (cjale lavorare di ganasce)
    • lavorare di spalle
  • [CO] (cjale lavorare di gomito)
    • lavorare in fabbrica
  • jessi a vore in fabriche, lavorâ in fabricheCopie
    [CO] (fâ l'operari)
    ha lavorato sempre in fabbrica = al à lavorât simpri in fabriche
    • lavorare la terra
  • lavorâ la tiere, lavorâ i cjampsCopie
    [CO] (fâ il contadin)
    mio nonno lavorava la terra = gno von al lavorave la tiere
    • lavorare per la gloria
  • lâ in plovi, lavorâ in ploviCopie
    (lavorâ cence sei paiât in voris di utilitât sociâl)
  • lavorâ pe glorieCopie
    [CO] (lavorâ cence une paie)
    fino ad ora ha lavorato solamente per la gloria = fin cumò al à lavorât dome pe glorie
    • lavorare per le spese
  • lavorâ pes spesisCopie
    [CO] (lavorâ e rivâ a paiâ dome lis spesis)
    lavora solo per le spese = al lavore nome pes spesis
    • lavorare sodo
  • lavorâ fuart, dâi di sonone, petâ dentri di sonone, lavoronâ, petâi di vene, petâi di schene, dâi di vore, petâi dentri, dâi di scheneCopie
    [CO] (lavorâ cun tant impegn)
    ho lavorato sodo tutto il giorno = i ai petât di sonone dute la zornade lavora sodo e avrai quello che vuoi = petii dentri e tu varâs ce che tu vuelis se vuoi raggiungere il tuo obiettivo devi lavorare sodo = se tu âs di rivâ al to obietîf tu âs di lavoronâ

monolengâl

cori v.intr.
(co-ri)
Lâ a pît svelt, cuntune ande li che i pîts no tocjin mai ducj i doi par tiere tal stes moment
sinonims
lâ di corse
esemplis
"Lukas al jere sui cutuardis e al veve l'at seren di so pari. La sûr di Lukas cuant che e coreve e someave une pavee, i codins a jerin lis alis"
gjavât fûr di "Int no consumade" di Agnul di Spere
"alore al tacà a cori come un mat lunc la Lindenstrasse"
gjavât fûr di "Donnerwetter" di Checo Tam
cori v.intr.
(co-ri)
Lâ svelt, cun cualsisei pas, ancje dome cjaminant (fig.)
esemplis
"al veve clamât Guri e ducj i jerin corûts dongje"
gjavât fûr di "La aghe da pît la cleve" di Dino Virgili
cori v.intr.
(co-ri)
Lâ svelt cuntun veicul o ancje a cjaval di une bestie
esemplis
"co o jeri jo fantat o jerin cinc o sîs che in chei agns, 1937-38, o corevin in biciclete"
gjavât fûr di "I coridôrs di Tresesin" di Alan Brusini
cori v.tr.
(co-ri)
Passâ par une cierte zone, ancje cun chê di visitâle, cognossile, esplorâle o par vie di cualchi ativitât
sinonims
traviersâ, zirâ
esemplis
"la valade e jere dute il gno ream, e jo le corevi par cognossile"
gjavât fûr di "Il dolfin" di Carlo Sgorlon
"al veve corût il mont in lunc e in larc "
gjavât fûr di "Il tesaur di done Cheche" di Pieri Menis
cori v.intr.
(co-ri)
Movisi svelt in gjenerâl, ancje di animâi che no àn o no doprin i pîts o di robis inanimadis
sinonims
filâ, pedalâ, talpinâ, svolâ, navigâ
esemplis
"se si bute un toc di pan ta la aghe a corin i pes a mangjâlu"
"jù pal flum a corevin lis çatis di lens taiâts a mont"
gjavât fûr di "La aghe da pît la cleve" di Dino Virgili
"il tren al coreve te sere che e deventave gnot, tune arie colôr violet scûr, segnade dai lusôrs des cjasis e des fabrichis"
gjavât fûr di "In viaç di domenie" di Agnul di Spere
"la lune, par un efiet otic, e someave che e corès, cuant che invezit a cori al jere il nûl"
gjavât fûr di "Gjoldiments forescj" di Checo Tam
"i lamps a sclapavin fûr par fûr il cîl plen di nûi, che a corevin a balons bas e neris, puartâts vie dal aiar"
gjavât fûr di "Il burlaç" di Pieri Menis
cori v.intr.
(co-ri)
De aghe, o ancje di un altri fluit o o flus o materiâl, vê un moviment determinât de inclinazion, de gravitât, de pression e v.i.
sinonims
lâ, lâ fûr, lâ jù, spissulâ
esemplis
"la aghe e cor clupant. I mulinârs a àn tal sanc chê musiche li... "
gjavât fûr di "Il mulin" di Dino Virgili
"a vevin lassade la puarte de cjamare in sfese, tant di fâ cori un fîl di aiar"
gjavât fûr di "Trê feminis" di Gianni Gregoricchio
"intai reticolâts cui isoladôrs al cor l'eletric a doi mil volts"
gjavât fûr di "Storie di Min" di Ivano Urli
"l'am si jere impirât tal mieç de mê man, e il sanc al coreve"
gjavât fûr di "A pescje tal suei" di Lucio Perès
"lis lagrimis i corevin jù pe muse"
gjavât fûr di "Il testament" di Pieri Menis
"la bire che e coreve jù frescje pal gargat, al pareve che e smolàs pinsîrs e sintiments"
gjavât fûr di "Une letare par Bepo" di Pieri Menis
cori v.intr.
(co-ri)
Di timp, passâ svelt o jessi percepît che al passe svelt (fig.)
esemplis
"o scuen decidi! Se il timp al cor cussì svelt! A son cinc, ca di un moment! "
gjavât fûr di "Il rucjin" di Laurin Zuan Nardin
cori v.intr.
(co-ri)
Fâ une azion svelt, di presse, cence pierdi timp, ancje in esortazions o ordins e ancje in cumbinazion cun altris verps (fig.)
esemplis
"se o volìn finî il lavôr par usgnot o vin di cori"
"cor a mangjâ, e dopo zin subit in Glesia"
gjavât fûr di "I Turcs tal Friûl" di Pier Paolo Pasolini
" (Une scampanelade) Oh! Cor viôt cui che al sarà"
gjavât fûr di "Co l'amôr al cimie" di Costantino Smaniotto
cori v.intr.
(co-ri)
Di sensazion fisiche, psicologjiche, sintiment e v.i., fâsi sintî, notâ, viodi, passâ par une part dal cuarp, pal pinsîr, passâ tra plui personis e v.i.
sinonims
lâ, passâ, zirâ
esemplis
"un sgrisul di frêt i jere corût jù pe schene, sgrisul che lu veve fat dreçâ in pîts a bot e sclop"
gjavât fûr di "La liende dal riûl" di Franca Mainardis
"e cjapave une pôre malandrete che i coreve par dutis lis venis e i faseve pensâ di sei finide dongje un cimitieri"
gjavât fûr di "Come tai romançs" di Alan Brusini
"tal sanc a Mirco i corevin lis voiis che al veve simpri scugnût platâ"
gjavât fûr di "Par stradis lungjis" di Alan Brusini
"mi strenzeve il cûr e tal cjâf mi corevin peraulis vueidis che a davin forme a pinsîrs dissavîts"
gjavât fûr di "Ricuarts e inlusions" di Enrico Martina
cori v.intr.
(co-ri)
Di une strade, di une costruzion o di cualsisei struture di une cierte lungjece, vê une cierte direzion, une cierte forme, ancje in relazion cun altris elements
sinonims
lâ, disglagnâsi
esemplis
"Laurinç al cjalà te strade che e coreve dilunc dal lât"
gjavât fûr di "Usgnot partide di balon" di Agnul di Spere
"la muraie che e coreve dulintor, e cjapave dentri il curtilon"
gjavât fûr di "Trê feminis" di Gianni Gregoricchio
"la mont furlane e cjape dentri une zone alpine vere e proprie, che si pues individuâ te Cjadene Cjargnele o Alps Cjargnelis, dulà che al cor il spartiaghis principâl, che al fâs ancje di confin cu la Austrie"
gjavât fûr di "La mont furlane" di Mauro Pascolini, Andrea Guaran
cori v.intr.
(co-ri)
Indreçâ il pinsîr, la atenzion o une facoltât mentâl a un ciert ogjet, moment e v.i.
esemplis
""Bundì! Bundì" - al rispuindè il fantat, intant che cul voli al coreve framieç il trop des lavanderis par viodi se jere ancje chê che al cirive lui"
gjavât fûr di "Cretevierte" di Roberto Ongaro
cori v.intr.
(co-ri)
Di un resonament, discors, test e v.i., vê un ciert procediment o, in assolût, vê un procediment svelt, lizêr, facil di capî (fig.)
sinonims
filâ, scori
esemplis
"pre Pieri nus à letis un pocjis di pagjinis dal libri che si clamarà Storie dal popul furlan che i vin comissionât cualchi setemane indaûr. Al à une biele narative, e cor vie facile"
gjavât fûr di "Memoriis di politiche linguistiche" di Adrian Cescje
cori v.intr.
(co-ri)
Sei in vore, funzionâ
sinonims
funzionâ, lâ, zirâ, lavorâ
esemplis
"pe nestre dibisugne o rivaressin ben adore di proviodi di bessôi e no nus capitarès, come che dal sigûr al tornarà a capitâ di chi a un pâr di mês, di restâ a scûr e di fâ cori lis machinis di gnot, par mandâ la fuarce [eletriche] di altris bandis"
gjavât fûr di "Fevelâ par dibant" di Josef Marchet
"si vevin dismenteâts di tirâ sù la suste e l'orloi nol coreve"
cori v.intr.
(co-ri)
Vê une progression
sinonims
lâ indevant, lâ sù
esemplis
"si à di stâ atents cui prestits, che i interès a corin"
cori v.intr.
(co-ri)
Sucedi cuntun ciert procediment, o, in gjenerâl, cuntun procediment svelt o cun bon sucès (fig.)
sinonims
lâ dilunc, lâ indenant, procedi, scori, vignî dilunc
esemplis
"il lavôr al è ben inviât e al cor cence intops"
"tai agns dal bum la economie e coreve e al pareve che no ves plui di fermâsi"
cori v.intr.
(co-ri)
Vê validitât
sinonims
valê
esemplis
"lis liris no corin plui di cuant che al è l'euro"
cori v.intr.
(co-ri)
Impegnâsi intune cualsiei competizion (fig.)
esemplis
"si preparave a cori in campagne eletorâl"
gjavât fûr di "Memoriis di politiche linguistiche" di Adrian Cescje
cori v.intr.
(co-ri)
Vê circolazion, vê difusion tra la int
sinonims
circolâ, lâ ator, slargjâsi, zirâ, passonâ
esemplis
"cuissà cemût là dentri, e coreve la vôs che i universitaris, chest colp, a vevin ducj di lâ soldâts"
gjavât fûr di "I universitaris" di Alan Brusini
"cun chês pocjis novitâts che a corevin, bastave un reful par dismovi i borcs"
gjavât fûr di "Il muc" di Roberto Ongaro
"se dut chel che al cor inte rêt comunicative globâl al è par inglês ce puest restial pal furlan?"
gjavât fûr di "Un Friûl difarent: i 90 mhz di Onde Furlane" di Max Mauro
cori v.intr.
(co-ri)
Scugnî lâ svelt a fâ i bisugns, soredut par dissentarie (eufem.)
esemplis
"al à mangjât robe lade di mâl e dopo al à ben vût di cori dute la gnot"
cori v.tr.
(co-ri)
Vê di frontâ une situazion malsigure
esemplis
"par sigurâ la femine che no cor nissun pericul, ni jê ni i fruts, i rispuindè cun vôs calme ma ferme "
gjavât fûr di "La cjase di Toni" di Tarcisio Venuti
detulis
"a fuarce di cori sù e jù, ancje la cuarde e fruie la piere dal poç"
"al à di cori il sanc pes sôs venis"
"altri al è cori, altri al è rivà"
"âstu presse? cor a messe"
"bisugne onzi il cjar par che al cori"
"cui che al cor al cor e cui che al scjampe al svole"
"di Fevrâr cor a masanâ se no la roie si impetrìs"
"Diu de int nol vûl jessi adorât corint"
"dulà che no son surîs nol cor il gjat"
"i bêçs a son fats taronts par che a corin"
"il cjar par che al cori bisugne onzilu"
"il Signôr al lasse cori ma no trascori"
"il timp che al cor a Sant Suan al cor dut l'an"
"l'orloi nol cor bessôl"
"la aghe no cor simpri par chel agâr"
"lasse che la aghe a cori pal so mulin"
"lasse cori la magne pe campagne"
"lis cuaiis no corin simpri par un agâr"
"no si à di cori cuintri vint ni cuintri aghe"
"no si po cori cuintri vint e cuintri aghe"
"no stâ corii daûr a cui che al scjampe"
"par che il cjar al cori, bisugne onzi lis ruedis"
"par chê strade che no si vûl lâ al tocje di cori"
"trê robis impussibilis: fâ stâ fers i fruts, fâ cori i viei, fâ tasê lis feminis"
"une volte al cor il cjan e une volte al cor il jeur"
torne sù
torne sù