Tu âs cirût la peraule
bilengâl monolengâl
Tu âs cirût la peraule
legione
torne indaûr

bilengâl

legione s.f.
  • 1

    s.f. legjon Copie

    [CO], [TS] stor. (unitât tatiche e organiche dal esercit roman, formade pal plui di fants)
    le legioni scoprirono di avere il potere di designare l'imperatore = lis legjons a scuvierzerin di vê il podê di imponi l'imperadôr
  • 2

    s.f. schirie, bataion Copie

    [CO] (numar une vore grant)
    una legione di tifosi segue la squadra in ogni campo = une schirie di tifôs e va dûr de scuadre in ogni cjamp

locuzions

    Legione straniera
  • Legjon foresteCopie
    [CO] (cuarp militâr francês componût di volontaris di cualsisei paîs)

monolengâl

schirie s.f.
(schi-ri-e)
Grup di armâts, o ancje di mieçs militârs, ordenâts daûr des dibisugnis di une bataie o ancje in sfilade o intun moviment coordenât
sinonims
rie, file
esemplis
"il nono si sierave sul cjast e là ti piturave sui mûrs il Gjenerâl [...]. E, daûr di lui, une schirie di garibaldins a pît, une trupe colôr ros che e cjapave dôs parêts"
gjavât fûr di "Come tai romançs" di Alan Brusini
"ogni gnot si sintive a passâ schiriis di soldâts che a lavin o che a tornavin dal front"
gjavât fûr di "Il muc" di Roberto Ongaro
schirie s.f.
(schi-ri-e)
Grup di personis, o ancje di bestiis o veicui o altris robis, une daûr di chê altre o une dongje di chê altre o ancje cence un ordin ma in grande cuantitât
sinonims
rie, file
esemplis
"une volte i cjars dai gjermaniots, lant insù, si cjalavin in chel spieli: la schirie e passave dilunc, intun nûl di pulvin"
gjavât fûr di "La aghe da pît la cleve" di Dino Virgili
"tornant a cjase si tignive il fros o il fîl di fier cu la schirie dai pes in man, alt"
gjavât fûr di "A pescje tal suei" di Lucio Perès
"une schirie di culinis cuintri dal cîl viert e piche sù cjampanii e cjistiei"
gjavât fûr di "Friûl di Sierade" di Dino Virgili
"al passà un moment di cidin smaraveât su la schirie des feminis pletis su lis pieris bagnadis"
gjavât fûr di "Varc di confin" di Maria Forte
schirie s.f.
(schi-ri-e)
Complès di robis o elements o fats, spec. se a vegnin un daûr di chel altri, ancje in sens cronologjic o ancje dome se a son in grande cuantitât
sinonims
rie, file, filaine, secuence
esemplis
"al à let un avîs dal delegât di Udin cuntune schirie di proviodiments cuintri di chei che a fasin disordin e publiche violence"
gjavât fûr di "Int di masnade" di Alviero Negro
"une schirie di informazions che si ingrume di continui te mê ment, si ingruesse simpri plui"
gjavât fûr di "La maree nere" di Checo Tam
"o cjatìn une schirie di nazions e di culturis che a àn crodût di jessi lis miôr tal mont: i grêcs, i romans, i ebreus, i todescs e vie indenant"
gjavât fûr di "Il cjâf dai furlans" di Franc Fari
torne sù
torne sù