Tu âs cirût la peraule
bilengâl monolengâl
Tu âs cirût la peraule
mediare
torne indaûr

bilengâl

mediare v.tr., v.intr.
  • 1

    v.tr. mediâ Copie

    [CO] (tratâ tra pretesis diferentis par cjatâ une soluzion che e ledi ben a ducj)
    la diplomazia ha mediato un buon trattato = la diplomazie e à mediât un bon tratât
  • 2

    v.tr. mediâ Copie

    [TS] mat. (fâ une medie tra plui valôrs)
  • 3

    v.tr. mediâ Copie

    [TS] filos. (meti alc in relazion logjiche cun altri)
  • 4

    v.intr. cumbinâ, mediâ Copie

    [CO] (metisi tant che mediatôr)
    ha mediato fra loro due = al à mediât oppure cumbinât tra di lôr doi

monolengâl

cumbinâ v.tr.
(cum-bi-nâ)
Meti dongje dôs o plui robis, ancje secont un criteri o par vê un ciert risultât
sinonims
acuardâ, amalgamâ, armonizâ, compagnâ, conciliâ, cubiâ, incubiâ, justâ, leâ, messedâ, miscliçâ, misturâ, svicinâ, unî
esemplis
"mangjâ san, svariant e cumbinant il plui pussibil lis diviersis mangjativis al è il mût plui facil e sigûr par garantî un apuart adeguât di energjie e di sostancis"
gjavât fûr di "Mangje san 1" di Guglielmo Pitzalis
"[il popul catalan] al à vude de sô bande la glesie, che e à savût cumbinâ religjositât e culture, libris pe anime e libris pe ment"
gjavât fûr di "Sant Jacum, là che al finìs il mont" di Antoni Beline
Viôt ancje: combinâ, cuminâ
cumbinâ v.intr.
(cum-bi-nâ)
Jessi in armonie
sinonims
confâ, tacâ, cordâ, cordâsi, cumbinâsi
esemplis
"al sucedeve dispès che il coro di chei che a jerin in glesie nol cumbinàs cul coro di chei che a jerin difûr, cundut che un capelan si scanàs e si disbraçàs su la puarte de glesie par vuaiâ lis vôs des dôs schiriis"
gjavât fûr di "Otavari a Madone" di Meni Ucel
cumbinâ v.tr.
(cum-bi-nâ)
Fâ in maniere di vê o che cualchidun altri al vedi
sinonims
procurâ, fâ vê, rangjâ
esemplis
"a comprâle gnove i varessin coventâts almancul 400 mil francs, ma lui le veve cumbinade ben"
gjavât fûr di "Il svol dal Falcone" di Antescûr
"un ben primari: cumbinâ un sflic di tiere di proprietât e fâsi sù, magari un tic a la volte, une cjase che nissun podès plui parâti fûr"
gjavât fûr di "La cjase dai contents" di Roman Michelot
"se tu vuelis tabac di troi, disimi che tal cumbini ben jo"
cumbinâ v.tr.
(cum-bi-nâ)
Rivâ a fâ alc che al à bisugne di une cierte organizazion, di un ciert ordin, di une cierte presentazion e v.i.
sinonims
dâ, fâ, meti in at, meti in vore, petâ, realizâ, sistemâ, meti sù
esemplis
"o vevi fevelât cul deputât dal Pci Arnalt Baracêt, che al menave la cause de tutele des minorancis linguistichis, par che nus cumbinàs un incuintri cu la Jotti"
gjavât fûr di "Memoriis di politiche linguistiche" di Adrian Cescje
"Margarite, la parone, i voleve ben par chel so mût di fâ, chel contentâ i clients in dutis lis manieris, chel cumbinâ lis robis che nissun nol jesseve de buteghe cence vê comprât"
gjavât fûr di "Amîs come prime" di Alan Brusini
cumbinâ v.intr.
(cum-bi-nâ)
Rivâ a fâ alc, cjapâ une decision, cjatâ une soluzion
sinonims
rivâ
esemplis
"cumbinistu o âstu bisugne che ti judi?"
"il plevan - se o ai capît dret - al à cumbinât cuntun predissut di Udin, che al vegni a dî messe a Gargagnà dutis lis fiestis, fintremai che nol capitarà un altri capelan"
gjavât fûr di "Lis predicjis dal muini" di Josef Marchet
"lu cîr un pocjis di voltis e no si rive insom di nuie... e rive la ultime zornade par presentâ la ufierte e mi dîs che nol cumbine di viodimi"
gjavât fûr di "Piçulis storiis di mafie furlane" di Sandri Carrozzo
"no stâ a vê pôre, in cualchi maniere o cumbinìn"
cumbinâ v.intr.
(cum-bi-nâ)
Rivâ a sedusi
sinonims
tirâ sù
esemplis
"e je pocje frice ca ator ma usgnot o cumbinarìn cun cualchi todescjone in discoteche, fiditi!"
gjavât fûr di "Milions di agns" di Checo Tam
cumbinâ v.intr.
(cum-bi-nâ)
Metisi dacuardi
esemplis
"po ben, cumbinarìn, è miserie di dut cumò, mi darês un pocje di blave che non si 'nd cjate in nissun lûc"
gjavât fûr di "Vilie di Nadâl" di Pieri Somede dai Marcs
cumbinâ v.tr.
(cum-bi-nâ)
Decidi prime un risultât cuntun imbroi (fig.)
sinonims
comprâ, justâ, trucâ
esemplis
"i presidents des dôs scuadris a àn cumbinade la partide"
detulis
""se" e "ma" no san ce cumbinâ"
torne sù
torne sù