Tu âs cirût la peraule
bilengâl monolengâl
Tu âs cirût la peraule
molto
torne indaûr

bilengâl

molto adi.indef., pron.indef., av.
  • 1a

    adi.indef. tant, cetant, une vore Copie

    (cun nons numerabii o coletîfs, che al è in grant numar)
    molta gente = tante int oppure une vore di int
    molte strade = une vore di stradis
    non avere molte possibilità = no vê tantis pussibilitâts

    adi.indef. tant, cetant, une vore Copie

    (cun daûr 'più')
    oggi ci sono molti più centri commerciali = vuê a son une vore di centris comerciâi di plui oppure vuê a son tancj plui centris comerciâi

    adi.indef. tant, cetant, une vore Copie

    (iterât cun valôr enfatic, par esprimi un superlatîf)
    con lui devi stare molto ma molto attento = cun lui tu âs di stâ tant ma tant atent oppure di stâ atenton

    adi.indef. trop, tant, cetant, une vore Copie

    (in espressions elitichis)
    hai atteso molto? = âstu spietât tant?
    non ci ha messo molto = no i à metût trop
    non ne so molto di quella questione = no 'ndi sai trop di chê cuistion
    spendere molto per un vestito = spindi une vore un vistît

    adi.indef. tant, cetant, une vore Copie

    [FO] (cun nons no numerabii, che al è in grande cuantitât, in grande misure)
    avere molta speranza = vê une vore di sperance
    è venuta molta pioggia = e je vignude jù tante ploie
    non avere molta sicurezza = no vê tante sigurece
  • 1b

    adi.indef. tant, cetant, masse Copie

    [FO] (masse)
    gli aspetti negativi erano molti = i aspiets negatîfs a jerin tancj
    rispetto ai posti a sedere le persone sono molte = cuintri i puescj di sentâsi lis personis a son cetantis
  • 2a

    pron.indef. tant, cetant, unmont, un grum, un mont, une vore Copie

    [FO] (grande cuantitât, grande misure)
    la tensione nella sala era appena percettibile, ma nei corridoi ce n'era molta = la tension inte sale si sintive a pene, ma intai coridôrs a 'nd jere unmonte oppure un mont

    pron.indef. tant, cetant, unmont, un grum, un mont, une vore Copie

    (grant numar)
    di giornalisti come lui ne ho conosciuti molti = di gjornaliscj compagns di chel o 'nd ai cognossûts un grum
    su questo argomento di articoli ce ne sono molti = su chest argoment di articui a 'nd è une vore

    pron.indef. ben, trop, tant Copie

    (cun valôr neutri)
    da qui alla periferia non c'è molto = di chi ae perifarie nol è trop
    è già molto che sia venuto = al è za ben che al è vignût
    non ci vuole molto a capirla = no i vûl tant a capîle
  • 2b

    pron.indef. tancj di lôr, cetancj di lôr Copie

    [FO] (tal pl., grant numar di personis)
    molti hanno scelto quella strada = tancj di lôr a àn sielzude chê strade
  • 3a

    av. tant, cetant, un grum, un mont, une vore Copie

    [FO] (daûr di un verp, cun intensitât, fuarce e v.i.)
    ha imparato molto = al à imparât une vore
    ieri ho lavorato molto = îr o ai lavorât tant oppure lavoronât
    non mi piace molto = no mi plâs tant

    av. biel, ben, tant, cetant, une vore Copie

    (se i ven daûr un averbi o une locuzion averbiâl al infuartìs la espression)
    essere molto all'interno = jessi une vore indentri
    molto piano = biel planc
    molto presto = tant adore oppure adorone

    av. tant, cetant, un grum, un mont, une vore Copie

    (cun daûr un comparatîf)
    molto più grande = tant plui grant

    av. tant, cetant, un grum, un mont, une vore Copie

    (cun daûr un adietîf cualificatîf o un averbi di mût, al à valôr di superlatîf)
    è molto simpatico = al è tant simpatic oppure simpaticon

    av. tant, cetant Copie

    (daûr di un articul definît o di une preposizion articolade)
    al molto caro amico = al amì tant cjâr
    il molto atteso ospite = l'ospit cetant spietât

    av.

    (daûr di un adietîf al à valôr enfatic)
    è simpatica molto = e je tant simpatiche oppure e je simpaticone

    av. tant, cetant, un grum, un mont, une vore Copie

    (cun daûr un non)
    quel vestito fa molto dirigente = chel vistît al fâs une vore dirigjent
  • 3b

    av. tant, dispès Copie

    [FO] (cun grande frecuence, in tancj câs)
    vai molto al cinema? = vâstu dispès al cine?

locuzions

    a dir molto
  • [CO] (cjale a dir tanto)
    • né poco né molto
  • pôc o nuie, ni pôc ni trop, ni piç ni poç, pôc e nuie, ni pôc ni piç, ni ce ni coCopie
    [CO] (par nuie)
    non mi è piaciuto né poco né molto = no mi à plasût ni pôc ni trop

monolengâl

tant adi.indef.
Cun nons no numerabii, che al è in grande misure, intensitât e sim.
sinonims
cetant, grant
esemplis
"«O ai tant gust, e us viôt vulintîr. Comodaitsi»"
gjavât fûr di "Salams" di Meni Ucel
"so pari si viodeve che al stave daûr di ce che al jere ator di lui cun tante fadie e che nol veve masse voie di fevelâ"
gjavât fûr di "I prâts des Savodagnis" di Agnul di Spere
tant adi.indef., pron.indef., av.
In corelazion cun costruzions consecutivis
sinonims
cussì tant, cussì
esemplis
"i è vignude tante pôre che si è metude a cori"
gjavât fûr di "Lis leiendis di Buie" di Pieri Menis
"Tite nol jere tant batocj di fâ restâ malapaiât un che al veve di domandâi un plasê"
gjavât fûr di "Il muc" di Roberto Ongaro
tant adi.indef., pron.indef.
In proposizions comparativis o in corelazions, par indicâ corispondence di numar o cuantitât
esemplis
"Guri al cor da pît [...], i va daûrji a Rosute [...]. Tancj pas jê e tancj Guri"
gjavât fûr di "La aghe da pît la cleve" di Dino Virgili
tant adi.indef., pron.indef.
Cun frazions o cun espressions che a segnin un multipli, par sotintindi dute une comparative
esemplis
"cuant che si duar ben, si met dongje cun mieç tant mangjâ"
gjavât fûr di "I furlans e i frutins" di Riedo Pup
"Vera tai siei [çucui] e sta dentri dôs voltis tant che no rive nancje a alçâju, ju strissine"
gjavât fûr di "Storie di Min" di Ivano Urli
"fighets citadins slacaiôs plens di bêçs! E che a pain trê voltis tant chel che e costarès la stesse robe"
gjavât fûr di "Donald dal Tiliment" di Stiefin Morat
tant adi.indef., pron.indef.
Intune cuantitât gjeneriche che no si pues o no si vûl determinâ
esemplis
"cu la patrie uficiâl bisugne stâ atents: e à confins, bandieris, carabinîrs, sclopis… cartulinis; e cun dut achel ogni tancj agns, o pûr ogni tancj secui, e cambie"
gjavât fûr di "Filosofie padronâl" di Riedo Pup
"o vin viodût cemût che si stave cuinçant la mignestre a Rome, par opare dai Setante o dai Cinccent e tancj"
gjavât fûr di "Par intindisi" di Josef Marchet
tant adi.indef.
In cuantitât grande, di mût che si pues calcolâle esagjerade
esemplis
"aromai e jere ore passade che pre Aristico al ves une promozion, dopo tantis vitis"
gjavât fûr di "Pre Pitin" di Antoni Beline
"i americans si dan di maravee che in Italie, cun tancj bêçs e cun tante robe che lôr a àn mandade ca, si vebi fat cussì pôc par rimeti in sest la nazion"
gjavât fûr di "Amôr di patrie!" di Josef Marchet
tant pron.indef.
Tal pl., grant numar di personis
sinonims
cetant, diviers, putrop
esemplis
"tancj a jerin lâts a fâsi la doce, par rafrescjâsi prime di lâ fûr in jessude libare"
gjavât fûr di "Preiere" di Gianfranco Pellegrini
"tancj che no crodevin come te, dopo si son cjatâts contents…"
gjavât fûr di "La maghe no fale" di Pieri Menis
tant pron.indef.
Cun valôr neutri e sens che si lu capìs dal contest, une vore di timp, di distance, di inteligjence e v.i.
sinonims
une vore
esemplis
"mi visi che nol mancjave tant a Nadâl"
gjavât fûr di "Visâsi di chel puint radio" di Agnul di Spere
"o vin determinazion e energjiis par dâ tant ae cause furlane"
gjavât fûr di "Memoriis di politiche linguistiche" di Adrian Cescje
tant pron.indef.
Numar o cuantitât che no si pues o che no si vûl specificâ
sinonims
tot
esemplis
"a veve segnadis ancje lis ufiertis: tant par lui, tant pai capelans e tant pe glesie"
gjavât fûr di "Pre Pitin" di Antoni Beline
tant av.
In grande cuantitât, misure, intensitât e v.i.
sinonims
un grum, un mont, une vore
esemplis
"jê i plaseve tant, e veve un so mût maraveôs di sei ninine, e saveve volê ben"
gjavât fûr di "Chê dì che al neveà a Vignesie" di Agnul di Spere
"sul lavôr, po, al faseve pal so cont lui, cu la sflacje, cence rompisi tant par nissun"
gjavât fûr di "La gjambe di Zaneto" di Riedo Pup
tant av.
In maniere limitative o esclusive
sinonims
dome, juste, nome
esemplis
"il diretôr, che a prin intro al scoltave cun fâ disvoiât tant par dâi un content, a la fin dal contâ, al jere interessât pardabon"
gjavât fûr di "Il muc" di Roberto Ongaro
"il miedi al coreve mo ca, mo là, ma ce podevial fâ se nol veve nuie cun se? Cuatri garzis tant par meti un blec"
gjavât fûr di "I ribei" di Alan Brusini
tant av.
Cun valôr aversatîf o conclusîf
sinonims
dut câs, in fin dai fats, in ogni câs, istès, par altri
esemplis
"la gnot e jere state malabiade, ma tant, aromai, mi jeri usât"
gjavât fûr di "I forescj" di Alan Brusini, Gian Paolo Linda
"al jevà prime des siet, tant nol jere nissun gust a stâ tal jet di bessôi"
gjavât fûr di "Prime di sere" di Carlo Sgorlon
tant s.m.
Grande cuantitât
esemplis
"meti adun intun libri, ledrant e resentant il miôr dal tant cjatât, i fruçons de vôs dal passât"
gjavât fûr di "Jentrade a Sacheburache" di Celso Macôr
tant s.m.
Misure o cuantitât indefinide, che no si vûl o no si sa specificâ
sinonims
tot
esemplis
"si puedin contâ tantis robis di chel disevot che al veve disponût un tant di patiments e un tant di cuiete par dute la famee"
gjavât fûr di "Cjase di Dalban" di Maria Forte
"al pensave di domandâi par un tant al mês che i preparàs un bocon di cene"
gjavât fûr di "Prime di sere" di Carlo Sgorlon
detulis
"campagne tante che si po viodi, cjase tante di stâ a sotet"
"cjase tante di stâ, braide tante di coltâ, prât tant di cjalâ"
"cuntune redine si va drets, cun tantis si va tal fossâl"
"daspò tancj agns e tant timp la aghe a torne al so mulin"
"miôr pôc che tant e trist"
"Sant Pauli lusint, tante paie e tant formint"
"si robe in tantis manieris"
"tal grant al sta il pôc e il tant"
torne sù
torne sù