Hai cercato la parola
bilingue monolingue
Hai cercato la parola
muffa
Torna indietro

bilingue

muffa
  • 1

    s.f. mufe Copia

    [AU] (strât di pelucs blancjiçs o verdulins, fat di foncs microscopics, che al cres massime su la robe di mangjâ, vegjetâi e bestiis in decomposizion)
    sul muro c'è una macchia di muffa = sù pal mûr e je une magle di mufe
  • 2

    s.f. mufe Copia

    [CO] (caratar di veglece, di lontanance de modernitât)
    sono concezioni che sanno di muffa = a son concezions che a san di mufe

locuzioni

    fare la muffa
  • fâ la mufeCopia
    [CO] (lâ di mâl)
    la ricotta ha fatto la muffa = la scuete e à fate la mufe
  • fâ la mufe, fâ il carûl, lâ in semence, lâ di semence, inrusinî, clucî sui ûfsCopia
    (ancje fig.)
    è rimasto tutto il giorno a fare la muffa = al è restât dut il dì a fâ la mufe se non esci a divertirti farai la muffa = se no tu jessis a straviâti tu fasarâs la mufe

monolingue

mufe s.f.
(mu-fe)
Formazion sfiliose o magle blancjice, verduline o di altris colôrs, produsude di foncs microscopics su la robe in decomposizion o tocjade de umiditât che e favorìs la proliferazion di chei foncs
esempi
"si sa che une cjase sierade e patìs, si dissipe; un lûc al à bisugne di sei doprât par mantignîsi san di mufis, di carûi"
da "Cretevierte" di Roberto Ongaro
""No viodistu che e je dome une bolp muarte?" E jere une bolp dute verde di mufe"
da "Sense" di Checo Tam
mufe s.f.
(mu-fe)
Timp meteorologjic une vore umit, cun fumate, nûi, sbivicje e v.i. (fig.)
esempi
"«Cun chest timp, siôr dotôr, tocje stâ atents, vuardâsi des corentiis, dai sbalçs de clime. Viodial? Ca dentri al è un cjalt! E difûr al è un crût e une mufe [...]»"
da "Tant parom" di Meni Ucel
mufe s.f.
(mu-fe)
Caratar di veglece, di lontanance de modernitât (fig.)
sinonimi
lisp, ramatic
esempi
"la linie e il risultât che a vuelin al è compagn: trasformâ il furlan intune lenghe muarte. Dome che prime le volevin muarte tal ledan: no son rivâts e cumò le vuelin muarte te mufe"
da "L'Antifurlan" di Sandri Carrozzo
"o soi partît cu la gole di chel disordin creatîf dal Spirt che al bute par aiar lis cjartis plenis di (sante) mufe"
da "Fîs dal concili" di Antoni Beline
mufe s.f.
(mu-fe)
Sens di fastidi e di discomut, umôr stufadiç (fig.)
sinonimi
cagnate, cjativerie, ipocondrie, lubie, nausie, stufe, smare
esempi
""Dulà mo, Pieri, intindistu di lâ?" i disè il Signôr. "Ma, par passâ vie la mufe, jo disarès, Signôr, di tirâmi tal paîs dei Contents." "Va pûr cun Gjo: baste che tu ti ricuardis di no stâ masse.""
da "Contents e malcontents" di Catarine Percude
mufe s.f.
(mu-fe)
Ande di superioritât (fig.)
sinonimi
puce sot dal nâs, mierde, caghe, scaghe, mafie, albasie, braùre, pofardie
esempi
"cemût che a mi cjale chê siorine, dal alt al bas, cuant che i si scontrìn a mercjât, o cuant che i voi a messe in parochie, tal so paîs! Se i vedessis cun ce arie di pietât, di mufe... "
da "A passe la scalmane" di Anute Fabris
proverbi
"a stâ fers e ven la mufe"
"amôr cence barufe al sa di mufe"
"ogni biel bal al stufe, ogni bon pan al fâs la mufe"
"ogni biel zûc al stufe, ogni bon pan al fâs la mufe"
Torna in Cima
Torna in Cima