Tu âs cirût la peraule
bilengâl monolengâl
Tu âs cirût la peraule
nero
torne indaûr

bilengâl

nero adi., s.m.
  • 1a

    adi. neri Copie

    (cun determinazions che a individuin la tonalitât)
    nero come il carbone = neri tant che il cjarbon oppure neri tant che il cjalin oppure tant che un cjarbonaç
    nero corvino = neri tant che il corvat oppure tant che une ale di corvat
    nero fumo = neri fum

    adi. neri Copie

    [FO] (il colôr plui scûr)
    i merli hanno le piume nere = i mierlis a àn lis plumis neris

    adi.

    (metaf.)

    adi. neri Copie

    [TS] fis. (un cuarp che al assorbìs dutis lis radiazions)
  • 1b

    adi. neri, brun Copie

    [FO] (riferît al corot)
    un tempo le vedove portavano il vestito nero per anni = une volte lis veduis si vistivin di neri oppure a neri oppure a brun par agns
  • 2

    adi. neri Copie

    [FO] (di alc di scûr a confront cun alc plui clâr)
    un bambino con gli occhi marroni, anzi neri = un frut cui voi maron, anzit neris

    adi. neri Copie

    (scûr)
    c'è il sole, metti gli occhiali neri = al è il soreli, met sù i ocjâi neris

    adi. neri Copie

    (une vore nulât)
    cielo nero = cîl neri
  • 3

    adi. neri Copie

    [FO] (deventât scûr cul soreli)
    anche se è bello diventare neri, stare troppo al sole fa male = ancje se al è biel deventâ neris, stâ masse tal soreli al fâs mâl

    adi. neri Copie

    (moro)
    capelli neri = cjavei neris
    sono sorelle ma una è nera, l'altra è bionda = a son sûrs ma une e je nere, chê altre e je bionde
  • 4

    s.m. neri Copie

    [FO] (di raze umane, cu la piel scure)
    i neri d'America = i neris di Americhe
    il protagonista del film è un nero = il protagonist dal film al è un neri
  • 5a

    adi. neri Copie

    [FO] (sporc)
    avere le ginocchia tutte nere = vê i zenoi ducj neris
    colletto nero = golet neri
    unghie nere = ongulis neris
  • 5b

    adi. neri Copie

    [CO] (sporc te cussience)
    avere l'anima nera = vê la anime nere

    adi. neri Copie

    (vituperevul)
    la più nera cattiveria = la tristerie plui nere
  • 5c

    adi. neri Copie

    [FO] (no legâl)
    contabilità nera = contabilitât nere
    fondi neri = fonts neris
    lavoro nero = lavôr neri
    mercato nero = marcjât neri

    adi. neri Copie

    (aministrât in mût clandestin dai privâts invezit che dal stât)
    lotto nero = lot neri
    mercato nero = marcjât neri
  • 6

    adi. neri Copie

    [FO] (cun disgraciis)
    un sabato nero per gli incidenti dopo la serata in discoteca = une sabide nere pai incidents daspò de serade in discoteche

    adi. neri Copie

    (tant disfortunât)
    una settimana nera = une setemane nere

    adi. neri Copie

    (cun valôr intensîf, di alc, une vore brut)
    miseria nera = miserie nere
  • 7a

    adi. neri Copie

    [FO] (pessimist)
    vede sempre tutto nero = al viôt simpri dut neri

    adi. neri Copie

    (rabiôs)
    lasciatemi stare perché oggi sono nera = lassaitmi stâ parcè che vuê o soi nere oppure o ai il fum

    adi. neri Copie

    (ancje cun funzion averbiâl cun valôr intensîf)
    arrabbiato nero = rabiôs neri
  • 7b

    adi. scûr, neri Copie

    [FO] (che al è avilît o gnervôs)
    essere nero in volto = jessi scûr in muse
    faccia nera = muse nere

    adi. neri Copie

    (pessimist)
    avere pensieri neri = vê pinsîrs neris
  • 8

    adi. neri Copie

    [TS] let. (gjenar leterari cun carateristichis di misteri, di violence)
    romanzo nero = romanç neri
  • 9a

    adi. neri Copie

    (reazionari, conservadôr)

    adi. neri Copie

    [TS] polit. (che al à simpatiis clericâls)
  • 9b

    s.m. neri Copie

    [TS] polit. (che, cui che al è fassist)
    squadracce nere = scuadratis neris
  • 10

    adi. neri Copie

    [TS] stor. (di fazion politiche florentine che inte Ete di Mieç e steve de bande dal pape)
  • 11

    s.m. neri Copie

    [FO] (il colôr dal cjarbon)
    tingere in nero = piturâ cul neri
    vestirsi di nero = vistîsi di neri

    s.m. neri, brun Copie

    (in corot)
    biglietto listato di nero = biliet listât di neri

    s.m. neri Copie

    [TS] fis. (colôr che si viôt cuant che e je assorbide ogni radiazion dal spetri solâr)
  • 12

    s.m. neri Copie

    [FO] (part nere o scure di alc)
    il nero degli occhi = il neri dai voi
  • 13

    s.m. neri Copie

    [FO] (ogni sostance di colôr neri che e piture di neri)
    una mano di nero = une man di neri

    s.m. neri Copie

    [TS] chim. (non di colorants scûrs)
  • 14

    s.m. neri Copie

    [TS] petr. (non di calcâr o marmul di colôr neri, doprâts par decorâ)
  • 15

    s.m. neri Copie

    [TS] metal. (polvar fin di cjarbon doprât par fâ lis tieris di fondarie e par parâ lis formis)
  • 16

    s.m. neri Copie

    [TS] chim. (inte industrie dal mercuri, il dipuesit che si forme intai condensadôrs)
  • 17

    s.m. neri Copie

    [FO] (in contrast cun 'bianco', par dî il contrari)
    far credere bianco il nero = fâ viodi blanc il neri
    oggi vuole bianco, domani nero = vuê al vûl blanc, doman neri
    prendere nero per bianco = cjapâ neri par blanc
  • 19a

    s.m. neri Copie

    [TS] zûcs (intai zûcs de dame e dai scacs, toc scûr in oposizion a chei clârs)
    io tengo i neri = jo o ten i neris

    s.m. neri Copie

    (zuiadôr che al ten chei tocs)
    vince il nero = al vinç il neri
  • 19b

    s.m. neri Copie

    [TS] zûcs (inte roulette, colôr di metât dai numars)
    puntare sul nero = pontâ sul neri
  • 20

    s.m. neri Copie

    [TS] tipogr. (caratar tipografic tra il clâr e il nerut, ancje adi.)

    s.m.

    (cjale neretto)
  • 21a

    s.m. neri Copie

    [TS] reson. (in contabilitât, chel che al è in atîf)
  • 21b

    s.m. neri Copie

    [CO] (jentradis no contabilizadis par evadi lis tassis)
    farsi pagare in nero = fâsi paiâ in neri
  • 23

    s.m. neri Copie

    [TS] erald. (un dai cuatri colôrs principâi)

locuzions

    abito nero
  • vistît neriCopie
    [CO] (vistît di om une vore elegant, di cerimonie)
    • basco nero
  • basc neriCopie
    [CO] (spec. tal pl. par anton., carabinîr)
    i baschi neri gli intimarono l'alt = i bascs neris i intimarin di fermâsi
  • basc neriCopie
    (cjarist)
    il basco nero guidò il carro armato fino alla piazza principale = il basc neri al menà il cjararmât fin inte place principâl
    • caffè nero
  • cafè neri, cafè scletCopie
    [CO] (cafè cence lat)
    una tazzina di caffè nero = une cjicare di cafè neri
    • cavolo nero
  • verze di sfueâCopie
    [CO] (cauli di un colôr vert scûr tipic de Toscane)
    • continente nero
  • continent neriCopie
    [CO] (la Afriche)
    le lingue del continente nero = lis lenghis dal continent neri
    • di umore nero
  • [CO] (cjale di cattivo umore)
    • effluente nero
  • efluent neriCopie
    [TS] idraul. (efluent fat di aghe di scolament des cjasis e des industriis)
    • fagiolo nero
  • fasûl neriCopie
    [CO] (cualitât di fasûl dal Sudameriche)
    • fare nero
  • da jù, macolâ, batiâ, onzi, molâ une lungje e une curte, bati, dâ la vene, petâ, pestâ, pacâ, smacaiâ, çocâ, fruçâ, masanâCopie
    [CO] (dâ jù pachis)
    ci hanno fatti neri = nus àn dade la vene meriterebbe di essere fatto nero = al meretarès macolât
  • bati, dâ la vene, pestâ, smacaiâ, fruçâ, masanâCopie
    [CO] (sbaraiâ, dâi une dure scuaiade a cdn., vincilu intun confront)
    • fondo nero
  • fonts neriCopie
    [CO] (spec. tal pl., tal lengaç gjornalistic, cuantitât di bêçs destinade a fins ilegâi e duncje no metude a belanç o ancje, in politiche, finanziament ilegâl)
    i fondi neri del partito = i fonts neris dal partît
    • giovedì nero
  • joibe nereCopie
    [CO] (dome sing., par anton., joibe ai 24 di Otubar dal 1929, cuant che al fo il crac de borse di Wall Street)
    • guelfo nero
  • vuelf neriCopie
    [TS] stor. (te Ete di Mieç, vuelf di ideis radicâls)
    • in bianco e nero
  • in blanc e neriCopie
    [CO] (di riproduzion, no a colôrs, in neri, blanc e tons di grîs)
    diapositive in bianco e nero = diapositivis in blanc e neri
  • in blanc e neriCopie
    (che al mande figuris no a colôrs)
    un televisore in bianco e nero = un televisôr in blanc e neri
    • in nero
  • in neriCopie
    [CO] (cence contrat)
    lavorare in nero = lavorâ in neri mi avrebbero assunto solo in nero = mi varessin cjapât a vore dome in neri
  • in neriCopie
    [TS] econ. (in atîf)
    • libro nero
  • libri neriCopie
    (brute considerazion de bande di cdn.)
    è nel libro nero del capo = al è intal libri neri dal paron
  • libri neriCopie
    [CO] (liste di int suspietade o colpevule)
    inserire nel libro nero = meti intal libri neri
    • mettere nero su bianco
  • meti neri sul blancCopie
    [CO] (scrivi une declarazion, un contrat e v.i.)
    prima di mettere nero su bianco troviamo un accordo = prime di meti neri sul blanc cjatìn un acuardi
  • meti il neri sul blancCopie
    (fissâ in mût definitîf une situazion)
    riguardo all'eredità ha messo nero su bianco = pe ereditât al à metût neri sul blanc
    • nero di seppia
  • neri di sepe, ingjustriCopie
    [TS] zool. (licuit sul neri che cierts cefalopots a butin fûr di une sachete in câs di pericul, par scjampâ vie cence sei viodûts, doprât par ingjustris speciâi o in gastronomie)
    • non distinguere il bianco dal nero
  • no cognossi il blanc dal neriCopie
    [CO] (no capî nuie)
    • olio nero
  • vueli neriCopie
    [TS] chim. (vueli scûr di cualitât plui basse, gjavât dal petroli, doprât tant che lubrificant in machinis e ingranaçs li che nol covente di doprâ vueli di cualitât superiôr)
    • oro nero
  • aur neriCopie
    [CO] (petroli)
    il prezzo dell'oro nero è aumentato = il presit dal aur neri al è lât sù
  • [TS] mineral. (cjale bismutaurite)
    • pane nero
  • pan brun, pan neriCopie
    [CO] (pan di farine interie, di farine di siale, di sarasin)
    • papa nero
  • pape neriCopie
    [CO] (il cjâf dal ordin dai Jesuitis)
    • pepe nero
  • pevar neriCopie
    [CO] (pevar une vore aromatic gjavât des pomis no maduris dal Piper nigrum)
    • picchio nero
  • pic, picot, picot neriCopie
    [TS] ornit.com. (pic dal gjenar Dryocopus, lat.sient., Dryocopus martius, che al è lunc uns 45 cm e al è neri)
    • pinot nero
  • pinot neriCopie
    [CO], [TS] enol. (vin neri, sec)
    bere un bicchiere di pinot nero = bevi une tace di pinot neri
    • pozzo nero
  • buse dal comut, poç neri, poç a pierdi, fuesseCopie
    [CO], [TS] idraul. (vascje pe racuelte des aghis neris)
    • punch nero
  • [CO] (punch cun rum e cafè)
    vuoi un punch nero? = vuelistu un punch di rum e cafè?
    • punto nero
  • puntin neri, pont neriCopie
    [CO], [TS] med. (pont di gras scurît tai pôrs de piel)
    ha dei punti neri sul naso = al à puntins neris sul nâs
  • magle nereCopie
    [CO] (magle, azion brute)
    un punto nero nella sua vita = une magle nere inte sô vite
  • pecjâtCopie
    [CO] (moment negatîf intune situazion positive)
    l'unico punto nero era la pioggia = l'unic pecjât al jere che al ploveve
    • tè nero
  • te neriCopie
    [CO] (te di fueis secjadis e po fermentadis e brustuladis)
    una tazza di tè nero = une cjicare di te neri
    • tordo nero
  • dordul neri, dordel neriCopie
    [TS] itiol.com. (pes dal gjenar Labrus, lat. Labrus merula)
    • umore nero
  • brut umôr, lune, cjativerie, ipocondrie, lune malade, lune stuarte, lune ledrose, fum, fumateCopie
    [CO] (stât psicologjic di gnervôs)
    oggi sono di umore nero = vuê o ai la lune malade oppure o soi neri
  • umôr neriCopie
    [CO], [TS] st.med. (inte medisine antighe, licuit dal organisim uman che al devente neri e che al da malinconie)
    • umorismo nero
  • umorisim neriCopie
    [CO] (umorisim che al fâs ironie su situazions macabris)
    un racconto basato sull'umorismo nero = une conte implantade sul umorisim neri
    • uomo nero
  • boboròsCopie
    [CO] (massime tal lengaç dai fruts, figure imagjinarie par spaurî i fruts)
    se non stai buono chiamo l'uomo nero = se no tu stâs bon o clami il boboròs
    • vedere nero
  • viodi neri, viodi dut neriCopie
    [CO] (jessi pessimist)
    ci sono altre soluzioni, non vedere tutto nero = di soluzions a 'nd è altris, no stâ a viodi dut neri
    • vedere tutto nero
  • [CO] (cjale vedere nero)

monolengâl

neri adi., s.m.
(ne-ri)
Colôr plui scûr di ducj, chel de mancjance complete di lûs
esemplis
"une frute cun dôs lungjis strecis neris"
gjavât fûr di "Storie di Vera" di Ivano Urli
"une Guzzi Falcone dal '54: 500 cc, motôr a cuatri timps monocilindric, rosse e nere tant che il diaul"
gjavât fûr di "Il svol dal Falcone" di Antescûr
"une bree piturade di neri"
gjavât fûr di "Ombris tal infinît" di Carlo Sgorlon
neri adi., s.m.
(ne-ri)
Scûr par vie che al è in ombre o pe presince di robis che a fasin ombre o pe presince di elements scûrs
esemplis
"il zûc des balis al jere neri di oms che a sberlavin"
gjavât fûr di "Par stradis lungjis" di Alan Brusini
"la citât e jere nere di int"
gjavât fûr di "Une letare par Bepo" di Pieri Menis
neri adi., s.m.
(ne-ri)
Une vore scûr, ancje se al pues jessi di fat une tonalitât di maron o di grîs
sinonims
scûr
esemplis
"Nardine invezit e varès puartade in dote dute chê biele tiere nere e grasse là jù sul ôr dal Cuar"
gjavât fûr di "Sul agâr" di Pieri Menis
"e rive la burascjade: nûi neris di ogni bande, vongulonis spropositadis che al pareve che a volessin gloti la nâf"
gjavât fûr di "Ricuarts e inlusions" di Enrico Martina
neri adi.
(ne-ri)
Scûr, di prodots che a puedin jessi in plui varietâts di colôr
esemplis
"medievâls a son lis primis atestazions dal Figo moro o Longhet, fîc neri tant preseât di Cjanive di Sacîl"
gjavât fûr di "Une regjon di cerçâ" di Sandri Carrozzo
"chê zoventût se gjoldeve tor une taule ben furnide di gracie di Diu, culà al fresc sot une piergule di ue nere"
gjavât fûr di "La Madalene" di Zuan Lurinçon
"moris blancjis e neris"
gjavât fûr di "I fruts di une volte" di Onorio Dose
neri adi., s.m.
(ne-ri)
Vin fat lassant la trape tal most intant de bulidure
esemplis
"denant di lui al è 'Sef dut scalmanât che al bagne il bec cu la tace di neri"
gjavât fûr di "La furlane" di Dolfo Zorzut
"int che e beveve vin neri misturât cun gasose"
gjavât fûr di "Il sorbet di limon" di Agnul di Spere
neri adi., s.m.
(ne-ri)
Che, cui che al à la piel scure di nature
esemplis
"vie i mucs e indenant chei altris: neris su la jeep, gome di mastiâ, sigarets americans, charleston e fox trot invezit di Lilì Marlene"
gjavât fûr di "Cuintristorie dal Nûfcent 1940-1950" di Angelo Floramo
"ta la mê imprese o ai scugnût cjapâ siet neris, parcè che no si cjatave nancje un blanc cun chê di tirâsi sù lis maniis da la cjamese"
gjavât fûr di "Eivissa mon amour" di Fabian Ros
neri adi., s.m.
(ne-ri)
Deventât scûr cul soreli
sinonims
scûr
esemplis
"i oms vistûts di fieste ti àn lis mans e il cuel neris e a grops tant che lidrîs di morâr"
gjavât fûr di "I forescj" di Alan Brusini, Gian Paolo Linda
neri adi.
(ne-ri)
Scurît par vie dal sporc
sinonims
contôs, cragnôs, sporc
esemplis
"i fruts ator dal fogolâr impiât o su lis bancjis dilunc i mûrs neris di cjalin"
gjavât fûr di "A uciei cu lis archetis" di Pieri Menis
"ongulis neris di morcje e un sotfont di odôr di vueli e di benzine che nol leve mai vie"
gjavât fûr di "Il svol dal Falcone" di Antescûr
neri adi.
(ne-ri)
Caraterizât di pecjât, colpe, disonôr e v.i. (fig.)
sinonims
contôs, cragnôs, trist
esemplis
"al jere nome il pecjàt dai oms che al rompeve la armonie dal mont, sgjarnant maglis neris tal araç infinît de creazion"
gjavât fûr di "Marc di Europe" di Carlo Sgorlon
neri adi.
(ne-ri)
Che al à a ce fâ cun ativitâts ilegâls o iregolârs (fig.)
esemplis
"fonts neris"
"lavôr neri"
"marcjât neri"
neri adi.
(ne-ri)
Caraterizât di disgraciis, dificoltâts, depression e v.i. (fig.)
sinonims
disfortunât, disgraciât
esemplis
"chê e je stade, par gno cont, la zornade plui nere di dute la anade"
gjavât fûr di "Lis predicjis dal muini" di Josef Marchet
"par dî il vêr, o ai passât un moment neri te mê vite. Ma ae fin o ai vût cheste fuarce, che e jere dentri di me, ancje se no le viodevi"
gjavât fûr di "Un cjargnel al Concerton di Rome dal Prin di Mai: lis emozions di Doro Gjat" di Oscar Puntel
neri adi., s.m.
(ne-ri)
Ancje in funz. av., in mût pessimist (fig.)
sinonims
scûr
esemplis
"che si calmi, pal amôr di Diu, jê e viôt dut neri"
gjavât fûr di "Vilie di Nadâl" di Pieri Somede dai Marcs
neri adi.
(ne-ri)
Tant che rinfuarcitîf di sostantîfs o adietîfs che a pandin un sens negatîf
esemplis
"la plui part de nestre int ancje inscuelade e vîf te plui nere ignorance di dut ce che al è fûr dai confins de Penisule"
gjavât fûr di "Lôr no molin e nô no molìn" di Josef Marchet
"fruts che no vevin un fregul di colôr, dome chel de miserie e de fam, che e je nere"
gjavât fûr di "Pre Pitin" di Antoni Beline
neri adi.
(ne-ri)
Di brut umôr o une vore rabiât, ancje tant che rinfuarcitîf
sinonims
rabiôs, invelegnât
esemplis
"soldâts e uficiâi talians a jerin neris di murî dibant e di viodisi tratâts di cjans di Cadorna"
gjavât fûr di "Cuintristorie dal Friûl dal 1866 fint in dì di vuê" di Francesc Placerean
neri adi.
(ne-ri)
[TS] (let.) Gjenar leterari cun carateristichis di misteri, di violence
esemplis
"contis par no durmî (gjenar neri, gotic e di orôr)"
gjavât fûr di "Vagon Gnot e S(a)lam Poetry" di Raffaele Serafini
neri adi., s.m.
(ne-ri)
(polit.) Che, cui che al è di diestre estreme
esemplis
"i sorestants a passin e il personâl al reste: simpri chel, cul re, cu la republiche, cui neris, cui ros, cui blancs, cui verts"
gjavât fûr di "Debil il cerviel ma fuarte la gramule" di Josef Marchet
"su la plaçute di Roncjâl al rivâ il «18 BL» cu la scuadrace nere"
gjavât fûr di "Devant di dut il cîl" di Dino Virgili
neri adi., s.m.
(ne-ri)
[TS] (zûcs) Intai zûcs de dame e dai scacs, toc scûr in oposizion a chei clârs
esemplis
"la posizion di partence de regjine e je simpri te casele dal so colôr (la regjine nere te casele nere, la regjine blancje te casele blancje)"
gjavât fûr di "Zuìn di scacs" di Nilde Teresa Negro
neri adi., s.m.
(ne-ri)
[TS] (zûcs) Inte roulette, colôr di metât dai numars
esemplis
"pontâ sul neri"
detulis
"a scûr dutis lis ocjis a son neris"
"a son i merlots che a restin neris, di cuant che a nassin fin cuant che a muerin"
"di gnot dutis lis pioris a parin neris"
"doi neris a fasin stâ ben la famee: predi e purcit"
"i spaurôs a viodin il diaul plui neri di chel che al è"
"il diaul nol è mai tant neri che lu fasin"
"il diaul nol è mai tant neri che lu piturin"
"la vacje nere e fâs il vidiel blanc"
"lei libris vieris, bevi vin neri, lâ cun feminis che no son zovinis"
"no bisugne fâ il diaul plui neri di ce che al è"
"tiere nere a fâs bon pan, tiere blancje e fâs ledan"
"tiere nere e fâs bon gran, farine blancje a fâs bon pan"
"tiere nere e fâs bon gran, tiere blancje e fâs murî di fam"
torne sù
torne sù