Tu âs cirût la peraule
bilengâl monolengâl
Tu âs cirût la peraule
odiato
torne indaûr

bilengâl

odiato p.pass., adi.
  • 1

    p.pass.

    [CO] (cjale odiare)
  • 2

    adi. maledet, odeât Copie

    [CO] (che al fâs nassi sintiment di aversion fuarte, un tic enfatic)
    ci aspetta l'odiato compito di matematica = nus spiete chel maledet di compit di matematiche
    comincia l'odiato lavoro = al tache il lavôr maledet oppure il lavôr odeât

monolengâl

maledet adi., s.m.
(ma-le-det)
Che, cui che al è ogjet di une maledizion, che i si brame une punizion divine o sorenaturâl o une disgracie
esemplis
"su las puartas di Glemona / I ai viodût il mio amôr / maledet chel che a lu roba / maledet l'imperadôr"
gjavât fûr di "Maledet l'imperadôr" di Popolâr
maledet adi., s.m.
(ma-le-det)
Che, cui che al è trist, traditôr e sim. e che al merete la condane divine, ancje tant che ofese gjeneriche
sinonims
anime discuside, anime nere, danât, disgraciât, infam, malandret, sacraboltât, sborât, sfonderât, sfondrât, stramaledet, osteât, sacramentât
esemplis
"il paron di cjase Rusin al salte fûr dal porton porconant e businant plen di madonis cuintri chei bastarts, maledets, galeris, manigolts che se us cjapi!"
gjavât fûr di "Impresis" di Laurin Zuan Nardin
maledet adi., s.m.
(ma-le-det)
Di alc, che al fâs dam o che si calcole negatîf, ancje tant che espression gjeneriche di rabie (ancje iperb.)
sinonims
danât, disgraciât, infam, malandret, sacraboltât, sborât, sfonderât, sfondrât, stramaledet, osteât, sacramentât
esemplis
"dentri [te letare] e jere scrite la fin dal puar soldât. In chê volte e si sintì a gotâ sul cûr dut il sanc de la vuere maledete"
gjavât fûr di "Il cjan blanc di Alturis" di Catarine Percude
"si cjapavin malatiis tant che polmonite, pleurite, bronchite e la maledete “durchfalle”, la dissentarie"
gjavât fûr di "Buchenwald 1944" di Max Mauro
"chel maledet di un timp nol vûl metisi a bon"
gjavât fûr di "Resurezion a Pontinie" di Pieri Somede dai Marcs
maledet adi., s.m.
(ma-le-det)
In paragons e espressions enfatichis, par dâ un valôr di superlatîf, di alc di estrem, esagjerât (fig.)
sinonims
malandret, danât, sacraboltât, osteât
esemplis
"al mangje come un maledet"
gjavât fûr di "Contis sot spirt" di Raffaele Serafini
"dispès al sintive tal cerviel une confusion maledete"
gjavât fûr di "Ombris tal infinît" di Carlo Sgorlon
maledet adi., s.m.
(ma-le-det)
[TS] (let.) Ancje cun iniz. maiusc., che, cui che al faseve part dal grup di poetis francês decadents definît di Paul Verlain dai poètes maudits, o plui in gjenerâl artist cuntun talent straordenari ma no ricognossût de sô societât, che si compuarte in maniere distrutive e autodistrutive
esemplis
"al leieve Baudelaire, Rimbaud e ducj i Maledets"
gjavât fûr di "Don Franziskus e Iskander" di Checo Tam
torne sù
torne sù