Tu âs cirût la peraule
bilengâl monolengâl
Tu âs cirût la peraule
pace eterna
torne indaûr

bilengâl

pace eterna
  • 1

    loc.s.f. pâs eterne, recuie eterne Copie

    [CO] (beatitudin daspò de muart)
    ormai riposa nella pace eterna = aromai al polse inte pâs eterne

    loc.s.f. recuie, pâs Copie

    [CO] (muart)
    ha trovato la pace eterna = al à cjatât la pâs

monolengâl

pas s.m.
Ognidun dai moviments che a fasin lis gjambis par cjaminâ
sinonims
varc
esemplis
"o fasei cualchi pas viers la fontane"
gjavât fûr di "Il dolfin" di Carlo Sgorlon
pas s.m.
Maniere di cjaminâ
sinonims
ande
esemplis
"al voltà vie cuntun pas strac e malsigûr"
gjavât fûr di "La Madalene" di Zuan Lurinçon
" al vignive indenant cul so pas comut, cjalant la lune"
gjavât fûr di "Cjase di Dalban" di Maria Forte
"'Sute e vignive indevant cul pas descul"
gjavât fûr di "La aghe da pît la cleve" di Dino Virgili
"o marcji par stradis mai viodudis, cun pas franc e sigûr, ancje se il cûr al è ansiôs"
gjavât fûr di "Viaç a Vignesie" di Arturo Feruglio
pas s.m.
Rumôr dai pîts cuant che si cjamine
sinonims
pescjarili, talpetâ, talpinâ, talpinament, trapetâ
esemplis
"dopo une orute o pôc di plui, a sintirin il pas de scuadre che e rivave a dâ di mude"
gjavât fûr di "Il muc" di Roberto Ongaro
pas s.m.
Distance aprossimative cuvierte cuntun sol moviment di un pît devant di chel altri, dispès in espressions che a vuelin dî une distance curte
esemplis
"lis seris de sierade, neris e fondis come poçs, di no viodi a un pas"
gjavât fûr di "Par stradis lungjis" di Alan Brusini
pas s.m.
Figure di danze
esemplis
"un pas daûr chel altri, i pîts a dissegnâ figuris sul paviment"
gjavât fûr di "Milonghe" di Antescûr
pas s.m.
Iniziative, azion par rivâ a un fin (fig.)
esemplis
"nol è stât fat de bande dai dirigjents dal partît un pas par judâ cheste imprese"
gjavât fûr di "Un Friûl difarent: i 90 mhz di Onde Furlane" di Max Mauro
"al è stât fat cualchi pas indenant significatîf inte atuazion de normative regjonâl di tutele"
gjavât fûr di "Masse planc e cence plans. L'ûs public de lenghe furlane" di Marc Stolf
pas s.m.
Toc di un test o di une opare leterarie o musicâl
sinonims
toc, bocon, pagjine, pont, passaç
esemplis
"intun pas di "1984" i pareve che il scritôr al fos rivât tant dongje a ce che al provave lui cuant che al faseve i bruts insiums"
gjavât fûr di "Vencul" di Checo Tam
pas s.m.
[TS] (tecn.) Distance fisse jenfri doi elements che a son in sucession intune tacadure, intune zonte, lis distancis dai filets di une vît
pas s.m.
[TS] (cinem.) Distance jenfri doi fotograms
pas s.m.
[TS] (autom.) Distance che e je tra l'as devant e chel daûr
pas s.m.
[TS] (ecuit.) Maniere naturâl di cori dal cjaval, mancul svelt dal trot
esemplis
"il cjaval al lave a pas sù par Cleve"
gjavât fûr di "La aghe da pît la cleve" di Dino Virgili
pas s.m.
Lûc par li che si passe
esemplis
"ju menà cun se, te sô farie, traviers un pas, fra la jerbe alte e dure che e nulive di mente salvadie e di camamilats"
gjavât fûr di "Cjase di Dalban" di Maria Forte
pas s.m.
Moviment migratori dai uciei
sinonims
passaç
esemplis
"tal cîl a grugjulavin lis lodulis dal pas"
gjavât fûr di "Come tai romançs" di Alan Brusini
pas s.m.
Sbassament tra dôs monts che al permet di passâ di une val intune altre
esemplis
"[Zuan Batiste Cavedalis al veve fat] il progjet pe costruzion di une grande strade comerciâl che e unìs il Friûl cu la Carinzie a traviers dal Pas di Mont di Crôs"
gjavât fûr di "Zuan Batiste Cavedalis - Une vite esemplâr" di Giovanni Pillinini
pas s.m.
Puest li che si passe un flum
esemplis
"a dismontarin da cjaval sul pas dal Racli, là che la Miduna, una volta, a deventava pi fonda e scura dal voli di un canai e, pal braç, al la menà di là dal puntisel"
gjavât fûr di "L'orloi fer" di Novella Cantarutti
pas s.m.
Il puartâ di une bande a chê altre di un flum
esemplis
"sul Tiliment la int e viveve di trê robis: len, pes e pas"
pas s.m.
Document personâl che al permet di passâ une frontiere
sinonims
passepuart
esemplis
"fintremai za trente agn par lâ a Triest nus coventave il pas come par lâ a Viene o a Londre"
gjavât fûr di "Sot di nissun" di Josef Marchet
detulis
"a fâ il pas plui lunc de gjambe, si romp il cavalot"
"a pas a pas si rive a Rome"
"bisugne cjalâ abàs prin di mudâ il pas"
"bisugne fâ il pas seont la gjambe"
"cuant che si crôt di là un pas indenant, si va doi indaûr"
"cui che nol à mistîr e al va a spas, si invie al ospedâl a grancj pas"
"dal cjaval e dal mûl trê pas daûr dal cûl"
"di Sant Tomâs a Nadâl al cres il dì un pas di gjal"
"dulà che si nas ogni jerbe e pas"
"fâs un pas a la volte e va lontan"
"prin dal an, pas di cjan; Pifanie, pas di strie"
"un pas daûr chel altri si rive a Rome"
"vuarditi dal om che al cjale bas e de femine che e à lunc il pas"
torne sù
torne sù