Hai cercato la parola
bilingue monolingue
Hai cercato la parola
pagina
Torna indietro

bilingue

pagina
  • 1a

    s.f. pagjine Copia

    [FO] (ognidune des dôs façadis di un sfuei, sei di un libri, di un gjornâl, e v.i.)
    questo libro ha duecento pagine = chest libri al à dusinte pagjinis
  • 1b

    s.f. cjarte, sfuei, pagjine Copia

    [FO] (il sfuei stes, componût di dôs façadis)
    ho scritto l'appunto su una pagina di giornale = o ai scrit la note su di une pagjine di gjornâl
    la pagina era strappata = la pagjine e jere sbregade
  • 2

    s.f. sfuei, pagjine Copia

    [FO] (ce che al è scrit su di chel sfuei)
    le prime pagine del saggio sono le più interessanti = lis primis pagjinis dal studi a son chês plui interessantis
  • 3

    s.f. pagjine Copia

    [CO] (la sezion di un gjornâl che e trate di un argoment specific)
    la pagina culturale del quotidiano = la pagjine culturâl dal gjornâl
  • 4

    s.f. pagjine Copia

    [CO] (part di un libri o di un articul)
    non riesco a capire alcune pagine del testo = no rivi a capî cualchi pagjine dal test
  • 5

    s.f. pagjine Copia

    [TS] (inte critiche leterarie, stîl di scriture)
    la pagina di Dino Virgili è ricchissima di lessico = la pagjine di Dino Virgili e je une vore siore di lessic
  • 6

    s.f. pagjine Copia

    [CO] (fat de storie)
    la nascita del ducato longobardo rappresenta una pagina importante nella storia del Friuli = la nassite dal ducât langobart e je une pagjine impuartante inte storie dal Friûl
  • 7

    s.f. pagjine Copia

    [TS] (ognidun dai viers di une fuee)
  • 8

    s.f. pagjine Copia

    [TS] (ogni aree fissade di memorie dal ordenadôr)
  • 9

    s.f. pagjine Copia

    [TS] (ce che al è stampât su la façade di un sfuei)

locuzioni

    a piè di pagina
  • da pît de pagjineCopia
    [CO] (intun test stampât, di zontis metudis tal fonts de pagjine)
    nota a piè di pagina = note da pît de pagjine
  • da pît de pagjineCopia
    (ancje loc.av.)
    inserire a piè di pagina = meti da pît de pagjine
    • al vivo della pagina
  • a dute justece, a dute pagjineCopia
    [TS] (massime di cliché, che al rive fin tal ôr de pagjine cence lassâ un margjin)
    una stampa al vivo della pagina = une stampe a dute pagjine
    • andare in pagina
  • lâ in stampeCopia
    [TS] (di une notizie, jessi stampade)
    l'articolo è andato in pagina = l'articul al è lât in stampe
    • prima pagina
  • prime pagjineCopia
    [CO] (tai gjornâi, pagjine di viertidure)
    hanno messo l'incidente di ieri in prima pagina = l'incident di îr lu àn metût in prime pagjine
    • sbattere in prima pagina
  • sgnacâ in prime pagjineCopia
    [CO] (sui gjornâi o par television, dâi lûs scandalistiche a un fat o a une persone)
    sbattere il mostro in prima pagina = sgnacâ il mostri in prime pagjine
    • terza pagina
  • tierce pagjineCopia
    [CO] (tai gjornâi, la pagjine dedicade ae culture)
    • voltare pagina
  • voltâ vele, voltâ cjarte, voltâ pagjineCopia
    [CO] (cambiâ un mût di jessi, di puartâsi)
    prima aveva dei problemi con la droga, ma adesso ha voltato pagina = prime al veve problemis cu la droghe, ma cumò al à voltât cjarte
  • voltâ vele, voltâ cjarte, voltâ pagjineCopia
    (calcolâ finide par simpri une esperience)
    quell'amore ormai è finito e tutti e due hanno voltato pagina = chel amôr aromai al è finît e ducj i doi a àn voltât cjarte

monolingue

cjarte s.f.
(cjar-te)
Materiâl in sfueis fat lavorant fibris vegjetâls, doprât par scrivi parsore, par fâ pacs e v.i.
esempi
"un sfuei, une risme, un rodul di cjarte"
"un toc di cjarte"
"cjarte blancje, colorade"
"cjarte a cuadris, a riis"
"cjarte grese, fine, fuarte"
"riciclâ la cjarte"
"Tai agns '60 e '70 lis cjarteris de Cjargne, specializadis te produzion di cualitâts particolârs di cjarte e di carton, a jerin un dai complès industriâi plui impuartants a nivel talian in chest setôr"
da "La mont furlane" di Mauro Pascolini, Andrea Guaran
"a son stâts realizâts dome tal ultin trieni 307 imprescj didatics su cjarte e 177 struments didatics digjitâi"
da "Insegnament dal furlan – la norme “in situazion”: tra regulis e plan de ufierte formative" di Patrizia Pavatti
"'Sese e met dut in ordin, e impie lampions sfodrâts di cjarte a colôrs, e tire festons di flôrs e franzis di cjarte, e met a puest cualchi ramaç di vert"
da "A la oselade" di Pieri Somede dai Marcs
cjarte s.f.
(cjar-te)
Cualsisei sfuei o toc di chel materiâl, ancje cun scritis parsore che i dan une cierte funzion o carateristiche
sinonimi
sfuei
esempi
"al cjapà in man chês cjartis. A jerin doi biliets di Belgrât a Berne"
da "In viaç di domenie" di Agnul di Spere
"cuant che il cjapitani al sintì ce che ur jere tocjât, al deventà blanc tant che une cjarte"
da "Il muc" di Roberto Ongaro
cjarte s.f.
(cjar-te)
Ognidun dai tocs di cjarte, fat di dôs façadis, che al forme un libri, un fassicul e v.i.
sinonimi
sfuei, pagjine
esempi
"al tirà fûr un libron che al cjapave dut il taulin, si sentà da gnûf lecantsi il dêt poleâr. Al voltave cjarte, il sfuei grant al scrosopave"
da "La aghe da pît la cleve" di Dino Virgili
cjarte s.f.
(cjar-te)
Cualsisei document scrit
esempi
"za prime a Tresesin, tal Cuatri e Cinccent, par chel che si lei su lis pieris e su lis cjartis dal timp, i Pelôs a jerin int di pols"
da "Come tai romançs" di Alan Brusini
"a cjase tal ricuadri iluminât dal barcon, lu viodevin pleât su lis cjartis fin a straoris"
da "Il Bide di Miot" di Maria Forte
"al è un memoreâ e un cusî sbrendui di scrituris sepulidis sot des tantis cjartis che, ûs lis stratificazions gjeologjichis dai crets des nestris montagnis, mi contin di etis passadis de mê vite"
da "Memoriis di politiche linguistiche" di Adrian Cescje
cjarte s.f.
(cjar-te)
Document juridic, document cun valôr uficiâl
sinonimi
contrat, document, papîr
esempi
"si tornave indaûr, si balinave framieç di une confusion di cjartis, scrituris, mandâts testamentaris, come tun zûc di scuviertis e negazions des scuviertis, dulà che il nodâr e il podestât a parevin ognidun recitâ la sô butade"
da "Madalene" di Franco Marchetta
"une biele matine il miedi al firmà la cjarte de licence di convalessence"
da "Trê feminis" di Gianni Gregoricchio
"Enea nol podeve mai partî pal Venezuela par vie che lis cjartis i jerin tornadis indaûr uns cuatri voltis"
da "Amîs come prime" di Alan Brusini
cjarte s.f.
(cjar-te)
Ancje maiusc., declarazion di principis
esempi
"de Risoluzion suntune Cjarte des lenghis regjonâls e suntune Cjarte dai dirits des minorancis etnichis [...] la aule di Strasburc e à batût cun convinzion intal ricognossi une rilevance europeane ai dirits linguistics"
da "La libertât di lenghe tant che dirit fondamentâl. Atualitât e complessitât dai contignûts de “Cjarte di Chivasso”" di Marc Stolf
cjarte s.f.
(cjar-te)
Spec. tal pl., ognidun dai retangui di cjarte dure che par devant al è contressegnât di un numar o di une figure, intant che par daûr al è compagn di ducj chei altris dal stes mac, doprât par diviers zûcs
sinonimi
cjarte di zûc
esempi
"cjartis nostranis"
"cjartis trevisanis"
"cjartis napoletanis"
"cjartis francesis"
"cuatri oms a zuiavin di cjartis su di un taulin. Poiant la cjarte a pestavin i pugns vosant e blestemant"
da "I forescj" di Alan Brusini, Gian Paolo Linda
"i zuiadôrs si lechin i poleârs, a vierzin lis cjartis a parefresc, devant, a scomencin a zuiâ, cjalantsi, ad ogni pio, tai voi: une cimiade… un mot di bocje, di lavris, di voi, di spale…"
da "La aghe da pît la cleve" di Dino Virgili
cjarte s.f.
(cjar-te)
Element che al pues judâ a rivâ a un fin e che al pues mudâ di tant la situazion (fig.)
esempi
"vê ancjemò cualchi cjarte di zuiâ"
"un Friûl in grât di doprâ in maniere unitarie, fuarte e decisive la cjarte de sô identitât culturâl, storiche e linguistiche, la sô potenzialitât economiche e tecnologjiche"
da "Di ca e di là de aghe" di Antoni Beline
cjarte s.f.
(cjar-te)
Rapresentazion grafiche di une aree gjeografiche
sinonimi
cjartine, cjartute, mape
esempi
"il Shell al slargjave la cjarte sul taulin dal bar e al segnave cul dêt la strade"
da "La strade come un destin" di Dino Virgili
"la camarelute un fregul plui mugnestre nus presente une cjarte di Vignesie grande come un bleon"
da "Viaç a Vignesie" di Arturo Feruglio
cjarte s.f.
(cjar-te)
Intai ristorants, liste di robis di mangjâ o di bevi che si puedin ordenâ
sinonimi
menù, liste
esempi
"i siôrs vuelino viodi la cjarte dai vins?"
cjarte s.f.
(cjar-te)
Sfuei di chel materiâl o ancje di plastiche o altri, che al covente par tignî dongje, parâ o fâ biei pacs o robis dal gjenar
esempi
"biel planc, poiât il voluç sui zenoi, al veve disgropât il spali e disvoluçade la cjarte"
da "Grivôr" di Franca Mainardis
cjarte s.f.
(cjar-te)
Biliet di bancje, monede fate di cjarte
sinonimi
biliet, sfuei
esempi
"ogni cuindis dîs al lave [in bancje] a Tresesin a meti jù il so macut di cjartis di mil; i siei sparagns a cressevin sot i voi"
da "Prime di sere" di Carlo Sgorlon
"o calcolais che i paternoster e lis avemariis a sedin monede a valôr stabil, tant che lis cjartis di cent"
da "Lis predicjis dal muini" di Josef Marchet
cjarte s.f.
(cjar-te)
Piçule schede cun bande magnetiche o chip, leade a une posizion intun istitût di credit, che si pues doprâ par paiâ o par fâ operazions tai sportei automatics
sinonimi
cjarte di credit, cjarte di debit, bancomat
esempi
"no ai bêçs intor, ma o pues paiâ cu la cjarte"
proverbi
"cui che al à inventât la cjarte nol à savût dismetile"
"fortunât in amôr, disfortunât a cjartis"
"la cjarte e cjante"
"la cjarte e je paziente"
"la cjarte si lasse meti sù ce che si vûl"
"la cjarte si lasse scrivi"
"la peraule e svole, la cjarte e reste"
"no si po sfuarçâ lis cjartis"
"su la cjarte si po scrivi ce che si vûl"
Torna in Cima
Torna in Cima