Tu âs cirût la peraule
bilengâl monolengâl
Tu âs cirût la peraule
pastoso
torne indaûr

bilengâl

pastoso adi.
  • 1

    adi. pastôs, tenar, mossit Copie

    [CO] (che al à une consistence tenare, tant che une paste)
  • 2

    adi. taront, cjalt, pastôs Copie

    [CO] (di sun, massime de vôs, cjalt e modulât)

monolengâl

taront adi.
(ta-ront)
Che al à forme di cercli, sfere o cilindri o che al somee un cercli, une sfere o un cilindri, ancje cence regolaritât perfete
sinonims
tont
esemplis
"su la taule taronde al jere un grant macet di rosis"
gjavât fûr di "A scuele" di Pieri Menis
"taronde come un formadi tal cîl, la Lune e iluminave il Cormôr, la roie e i prâts dulintor"
gjavât fûr di "La strie di Basandiele" di Christian Romanin
"un cjariesâr cul tronc taront e dret come une colone"
gjavât fûr di "Prime di sere" di Carlo Sgorlon
Viôt ancje: toront
taront adi.
(ta-ront)
Che al è caraterizât di une forme o di un profîl a arc
sinonims
tont
esemplis
"i mobii, di linie taronde, lustris, lis poltronis di vilût colôr mîl, cu lis franzis, a jerin robe che si viodeve nome al cine"
gjavât fûr di "Ombris tal infinît" di Carlo Sgorlon
"lis ombrenis ponte cun ponte, mani cun mani, e i manis taronts voltâts parsot"
gjavât fûr di "Il bal spasimât des ombrenis" di Maria Forte
"il Freikofel lontan, cuintri il cîl, nût e crût, cu la cime taronde come la cupule di une grande glesie di clap"
gjavât fûr di "La vuere sul Freikofel" di Pieri Menis
taront adi.
(ta-ront)
Di numar, intîr, cence decimâi o justât su la desene plui dongje (fig.)
sinonims
just, tont
esemplis
"a fuarce di pocâ e di slungjâ francuts o rivi a dusinte francs taronts"
gjavât fûr di "Viaç a Vignesie" di Arturo Feruglio
taront adi.
(ta-ront)
Che al da une sensazion o une impression di plenece e di armonie (fig.)
sinonims
tont
esemplis
"cirî chel [cacau] che i des ce che al voleve lui, la armonie perfete di fuarce e tenarece. Une fuarce plene, taronde, esplosive"
gjavât fûr di "Gjelât di cjocolate" di Spirt Anonim
taront adi.
(ta-ront)
Che al è caraterizât di completece, perfezion (fig.)
sinonims
tont
esemplis
"no vin plui puescj dulà rivâ e robis di fâ. E che o stin ben achì, nô cussì cjocs di malvasie e refosc, che cjalant denant mi ven tal cjâf di dî: “taront”. Denant al è dut taront"
gjavât fûr di "Donald dal Tiliment" di Stiefin Morat
"al provave une sodisfazion plene e taronde, che e rivave fin dentri la anime"
gjavât fûr di "Ombris tal infinît" di Carlo Sgorlon
taront adi.
(ta-ront)
Che al è caraterizât di une ricorence o ripetizion (fig.)
sinonims
tont
esemplis
"alì sot, a vignivin a niâ lis cisilis: un svol taront dute la mari dal dì"
gjavât fûr di "I arcs" di Maria Forte
"cidule, jù pe rivis tu sês / tu che tu impiis chist vivi taront"
gjavât fûr di "Cidule" di Loris Vescul
taront adi., s.m.
(ta-ront)
Pôc inteligjent
sinonims
tont, stupit, biât
esemplis
"mi fasin vignî la fote chei tancj che a discorin simpri di cjochis [...] no capissin cetant mâl che a fasin e si tegnin in bon di fâlu. Si puedial jessi plui taronts di cussì?"
gjavât fûr di "Lis predicjis dal muini" di Josef Marchet
taront s.m.
(ta-ront)
Cualsisei robe di forme taronde o cu la sezion circolâr
sinonims
cercli, tont
esemplis
"il taront colôr norance si ficjave tant che une lame di fûc tes montagnis turchinis de Istrie. Il riflès dal soreli tes aghis si distudave a planc"
gjavât fûr di "Int no consumade" di Agnul di Spere
taront s.m.
(ta-ront)
[TS] (art) Tes arts figurativis piture dentri une forme taronde
sinonims
tont
esemplis
"cuatri taronts cui Profetis a mieç bust"
gjavât fûr di "Storie de art in Friûl" di Bepi Agostinis
taront adi., s.m.
(ta-ront)
[TS] (tipogr.) Caratar latin normâl, dret, in oposizion a corsîf
sinonims
roman
esemplis
"la colone a çampe, in corsîf, e je par talian, chê a drete, in taront, par furlan"
gjavât fûr di "La cundizion sociolinguistiche dal furlan" di Linda Picco
taront adi., s.m.
(ta-ront)
Zergon, lengaç segret dai stagnins (zerg.)
esemplis
"cuatri sentesins cha a i bastavin justa pa la bocjada e il got dal vin, pa la contorta e il scàbit come che a si diseva par taront, il lengaç che a dropavin i stagnins tra di lour, che nissun ju capiva"
gjavât fûr di "Il stagnin" di Novella Cantarutti
detulis
"al vâl plui un pan taront che no un mus in taule"
"cui che al nas cuadri al crepe taront"
"i bêçs a son fats taronts par che a corin"
"i bêçs a son taronts: a stan pôc a lâ"
"il mont al è taront e a no savê nadâ si va a fonts"
"il mont al è taront e cui che al sa nadâ nol va a fonts"
"il sporc e il malmont a àn il cûl taront"
"la lune no je simpri taronde"
"soç e mont a fasin il cûl taront"
"sporc e mont a fasin il cûl taront"
torne sù
torne sù