SuperDizionari

Tu âs cirût la peraule

per tutti i diavoli

bilengâl

per tutti i diavoli

pofardie inter.
(po-far-di-e)

[BF] Par pandi sorprese, disaprovazion, amirazion, impazience e v.i.

esemplis

"[...] No le cognossis cheste scuele? / Oh pofardie, ce zoventût de ghele! / E ben, eco cumò. / Us e insegnerai jo. / Staimi duncje a sintî"

gjavât fûr di "La gnot di sant Zuan Batiste" di Giuseppe Dondo

Viôt ancje: pofarbio

pofardie s.f.
(po-far-di-e)

Ande di cui che al vûl mostrâsi plui di ce che al è o plui di chei altris

sinonims

albasie, bote, braùre, burbane, caghe, pompe, scaghe, smafare, supierbie, arie, presunzion, muse rote, borie, prepotence, ale, fum, mafie, mierde, arogance, baldance, buleç

esemplis

"al jere un alc di rogante pofardie ta chel so cjalâlu: si sintive sigure la fantate, sigure di plasêi e di podê menâ la polente a so mût"

gjavât fûr di "Cretevierte" di Roberto Ongaro

"cuntune pofardie pardabon fastidiose, no nus à degnâts di une rispueste"

gjavât fûr di " Chei che a scjampin" di Dree Valcic

pofardie s.m.
(po-far-di-e)

Cui che al mostre mancjance di rispiet par chei altris, voie di superioritât, volontât di imponisi

sinonims

braurôs, smafar, smafaron, supierbeôs, supierp, insurît, mafiôs, presuntuôs, scaghet, spucet, prepotent, bulo, pofarbio

esemplis

"torne in cusine, dute ingjalide, cuntune muse di pofardie, stant che si spiete di viodi il frari a fâ maron"

gjavât fûr di "Gjats spiritâts" di Giovanni Gortani

torne sù