Tu âs cirût la peraule
bilengâl monolengâl
Tu âs cirût la peraule
pesare
torne indaûr

bilengâl

pesare v.tr., v.intr.
  • 1

    v.tr. pesâ Copie

    [FO] (misurâ il pês des robis)
    pesare il pane e la farina = pesâ il pan e la farine

    v.tr. pesâ Copie

    (ancje ass., riferît al strument di misurazion dal pês, che al funzione intune cierte maniere)
    la bilancia pesa male = la belance e pese mâl
  • 2

    v.tr. stazâ, pesâ, misurâ Copie

    [FO] (tignî cont di alc)
    non devi pesare ogni parola che dice = no tu âs di stazâ dut ce che al dîs

    v.tr. stazâ Copie

    [CO] (judicâ, in particolâr dal pont di viste morâl e inteletuâl)
    pesare una persona = stazâ une persone
  • 3

    v.tr. pesâ Copie

    [TS] stat. (marcâ cuntun pês daûr de lôr impuartance i tiermins di une serie di numars)
  • 4a

    v.intr. pesâ Copie

    [CO] (vê un pês)
    un litro di acqua pesa 1 kg = un litri di aghe al pese 1 kg

    v.intr. pesâ Copie

    (dâ une sensazion di un ciert pês)
    pesa come una piuma = nol pese nuie
    pesare molto = pesâ tant che un plomp
  • 4b

    v.intr. pesâ Copie

    [CO] (ass., jessi une vore pesant)
    il carico pesa, aiutami = la cjame e pese, dami une man
  • 5

    v.intr. contâ, pesâ, valê Copie

    [CO] (vê impuartance)
    la sua opinione pesa molto sul pubblico = il so pinsîr al conte tant tra la int
  • 6

    v.intr. pesâ Copie

    [CO] (cjalcjâ par vie dal pês)
    la cartella pesa sulle spalle = la cartele e pese su lis spalis

    v.intr. pesâ Copie

    (fâ fature a digjerî)
    il frico mi pesa sullo stomaco = il frico mi pese oppure lu ai sul stomi
  • 7

    v.intr. pesâ Copie

    [CO] (colâ)
    la famiglia pesa tutta sulla madre = la famee e pese dute su la mari
  • 8a

    v.intr. pesâ Copie

    [CO] (jessi sfadiôs, dûr)
    fa un lavoro che gli pesa molto = al fâs un lavôr che i pese une vore
  • 8b

    v.intr. pesâ Copie

    [CO] (jessi dûr di sopuartâ)
    gli pesa di essere rimasto in disparte = i pese di jessi restât in bande

    v.intr. pesâ, rincressi Copie

    (displasê)
    mi pesa non andarlo a trovare = mi rincrès di no lâ a cjatâlu
  • 8c

    v.intr. pressâ, pesâ Copie

    [CO] (produsi un stât psicologjic di opression o di malstâ, tant che se al fos un pês)
    una colpa gli pesa = une colpe lu presse

locuzions

    far pesare
  • fâ pesâ, butâ in voi, butâ in museCopie
    [CO] (meti in evidence marcade ce che si è bogns di fâ, in ce che si è superiôrs a altris, ce che si à fat par un altri, di ce che si è in credit e v.i.)
    far pesare il proprio titolo di studio = fâ pesâ il so titul di studi far pesare l'aiuto dato = butâ in muse di vê judât
    • pesare con la bilancia del farmacista
  • fâ il speziârCopie
    [CO] (stazâ in mût masse tichignôs)
    pesava tutte le proposte con la bilancia del farmacista = al faseve il speziâr cun dutis lis propuestis
    • pesare con la bilancia dell'orafo
    pesare con la stadera del mugnaio
  • judicâ un tant al sacCopie
    [BU] (judicâ in maniere superficiâl)
    • pesare le parole
  • pesâ lis peraulisCopie
    [CO] (stazâ ce che si dîs, dî alc cun judizi)
    pesare le parole è buona regola quando ci si presenta in un ambiente nuovo = pesâ lis peraulis e je buine robe cuant che si va intun puest gnûf
    • pesare sulla coscienza
  • pesâ su la cussienceCopie
    [CO], [TS] (dâ rimuars)

monolengâl

contâ v.tr.
(con-tâ)
Assegnâ un numar a robis, personis, elements e v.i., rivant a determinâ la lôr cuantitât
sinonims
calcolâ, contizâ, numerâ
esemplis
"aes 8.35 l'obietîf di une videocjamare e viodeve il diretôr che al tacave a contâ i macuts di biliets e il contabil a plaçâju te cassefuart"
gjavât fûr di "La rambe" di Fabian Ros
"denant il cuadri de Madone la flame e filave une glagn rosse e jê e contave i grignei dal Rosari pal so om"
gjavât fûr di "Slobar" di Maria Forte
"«Sino in trops a taule?...» [...] «In dodis, pari... si sta tant pôc a contâju»"
gjavât fûr di "Si disarès che e je inventade" di Pieri Menis
contâ v.tr.
(con-tâ)
Tignî in considerazion intun calcul, intune liste e v.i.
sinonims
cjapâ dentri, fâ calcul, tignî cont
esemplis
"il test de conte [...] al varà di vê une lungjece massime di 8 cartelis di 30 riis par 60 batudis contant ancje i spazis"
gjavât fûr di "Regolament dal concors Zâl par furlan" di Aministrazion Publiche
contâ v.tr.
(con-tâ)
Vê intune cierte cuantitât
esemplis
"une vile che e conte dibot votcent animis"
gjavât fûr di "Lis predicjis dal muini" di Josef Marchet
"il sucès de novitât al è dal moment fuartonon, ancje se sul imprin il sît al conte nome pocjis pagjinis"
gjavât fûr di "Un Friûl difarent: i 90 mhz di Onde Furlane" di Max Mauro
contâ v.tr.
(con-tâ)
Dâ o doprâ stant une vore atents di sparagnâ, cun pocje gjenerositât (fig.)
sinonims
dosâ, sparagnâ, strenzi, tirâ, misurâ
esemplis
"Vigji Trep, che dopo i otante al à scugnût cjoli lis gotis, lis contave une par une fin la ultime, e dopo al spacave il veri par che a 'nt colàs ancjemò une"
gjavât fûr di "I furlans e lis medisinis" di Riedo Pup
contâ v.tr.
(con-tâ)
(sport) Inte boxe e in altris sports di contat, contâ il timp che un atlete al passe a tapêt o no in cundizion di combati par vie dai colps cjapâts
esemplis
"lu àn contât dôs voltis"
contâ v.tr.
(con-tâ)
Cun daûr une proposizion obietive, previodi
sinonims
fâ calcul, fâ cont, intindisi, prometisi, proponisi, pensâ, stimâ, calcolâ
esemplis
"e tu contistu di stâ cu lis mans in man a spietâ?"
gjavât fûr di "Ah! la provincie" di Sandri Di Suald
contâ v.tr.
(con-tâ)
Dâ une cierte impuartance, tignî intune cierte considerazion
sinonims
calcolâ, stimâ, considerâ, preseâ
esemplis
"plen di devozion al tirave jù parinestris e avemariis. I de di voli sant Pieri e plen di rispiet al gjavà il cjapiel; ma il Signôr vie pe sô strade cence contâlu, cjalant di une altre bande"
gjavât fûr di "Il voli di chest mont" di Catarine Percude
contâ v.intr.
(con-tâ)
Fidâsi di alc o di cdn., poiâsi sul sô contribût, su la sô esperience, su la sô disponibilitât e v.i
sinonims
fâ afidament, fâ calcul, fâ stât, fidâ, fidâsi, infidâsi
esemplis
"no veve dote la mestre Marceline - lu veve savût - ma e jere la fantate juste. In chê cjase, che e contave su pocjis sumis di spindi, e varès parût bon"
gjavât fûr di "Cjase di Dalban" di Maria Forte
"di cumò indenant e varès pudût contâ su di lui"
gjavât fûr di "Il timp par ledrôs" di Mario De Apollonia
"par gjavâsi de dipendence dal tabac si pues contâ ancje su la poie di professioniscj e esperts"
gjavât fûr di "Stude i spagnolets!" di Guglielmo Pitzalis
contâ v.tr., v.intr.
(con-tâ)
Fâ savê descrivint a peraulis
sinonims
contâ sù, dî, esponi, riferî
esemplis
"cheste robe che us conti cumò e je stade sucedude, ma une vorone di agns indaûr cuant che pes monts sore Trep di Cjargne a jerin a stâ i maçarots"
gjavât fûr di "I maçarots di Trep" di Josef Cjargnel
"al contave di cuant che a lavin pal mont in Stirie, in Cucevie e in Carintie, che nol jere il vapôr ancjemò"
gjavât fûr di "Rosaris" di Meni Ucel
"i vignivin i sgrisui ancje a lui che le contave, chê tragjedie"
gjavât fûr di "Come tai romançs" di Alan Brusini
contâ v.intr.
(con-tâ)
Vê pês, vê impuartance, valôr, efiet e v.i.
sinonims
pesâ, valê, vê vôs
esemplis
"grancj events, là che a contin une vore i nons e i «testimonials»"
gjavât fûr di "Conoscenza o ‘con o senza’? O ‘senza’ e vonde?" di Marc Stolf
"il fat di Visc, che pôc al contà pal andament complessîf de vuere, al fo considerât a Udin une vitorie "
gjavât fûr di "Zuan Batiste Cavedalis - Une vite esemplâr" di Giovanni Pillinini
"E alore? noaltris doi… un par l'altri no contìno nuie?"
gjavât fûr di "Un pugn di moscjis" di Pieri Somede dai Marcs
detulis
"cuant che a son fatis si po contâlis"
"cui che al è stât al po contâlis"
"cui che al è stât in vuere al po contâlis"
"joibe vignude setemane jessude, ma cui che nol à ce mangjâ al à trê dizuns di contâ"
"joibe vignude, setemane jessude; ma cui che nol à ce mangjâ al à trê disons di contâ"
"lis feminis a contin vincjenûf e un sessante"
"nol conte jevâ adore, baste rivâ su la ore"
"nol è segret co si i al conte a un altri"
"nol vâl jessi conts e no vê ce contâ"
"un cont cence contâ al è come une bote cence cerclâ"
torne sù
torne sù