SuperDizionari

riferî v.tr.
(ri-fe-rî)

Meti in relazion

esemplis

"une sielte di grafie cence riferîle a une lenghe comune e a une stabilizazion de morfologjie e sarès stade çuete"

gjavât fûr di "Memoriis di politiche linguistiche" di Adrian Cescje

riferî v.tr., v.intr.
(ri-fe-rî)

Fâ savê a altris une informazion o un messaç, ancje puartantlu par cont di cdn. altri

sinonims

comunicâ, contâ, dî, motivâ, palesâ, pandi, partecipâ, puartâ, ripuartâ, fâ savê

esemplis

"i «Ricordi militari del Friuli» di E. Dagostini [...] al riferìs un grum di particolârs e al met adun une biele vore di documents"

gjavât fûr di "Cuintristorie dal Friûl dal 1866 fint in dì di vuê" di Josef Marchet

"lu mandarin prin a fâ l'osservadôr sul cjampanili de plêf di Feagne par che al riferissi al comant (che al jere propit tal paîs) su la ativitât che si induvinave cui fums e cui colps sul Cjars"

gjavât fûr di "Vigji il vuardian" di Lucio Perès

riferî v.intr.
(ri-fe-rî)

Di percezion, di mût di stâ fisic o ancje di malstâ, fâsi sintî intune cierte maniere o intun ciert pont, soredut secondari rispiet a chel principâl

sinonims

riferîsi

esemplis

"al veve metude une man sul cûr che al sbalçave e lui sal sintive a sbalçâ come un crot dentri de cjamese e i riferive tai timplis"

gjavât fûr di "La aghe da pît la cleve" di Dino Virgili

"il dolôr mi riferìs fin te schene"

gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

monolengâl