Tu âs cirût la peraule
bilengâl monolengâl
Tu âs cirût la peraule
pieno
torne indaûr

bilengâl

pieno adi., s.m.
  • 1

    s.m. fuart, colm, colme, penç, colmace Copie

    [CO] (moment plui intens di alc)
    nel pieno dei lavori = su la colmace dai lavôrs
    nel pieno dell'acquazzone = tal fuart dal scravaç
    nel pieno dell'inverno = tal colm dal Invier
    nel pieno di una notte molto buia = tal penç di une gnot une vore scure
  • 1a

    adi. plen Copie

    (cun significât di rinfuarç, une vore plen)
    cassetti pieni zeppi di cose = casselins plens râs oppure fodrâts di robis
    un bicchiere pieno fino all'orlo = une tace plene rase

    adi. plen Copie

    [FO] (che al ten dut ce che al pues tignî)
    con la bocca piena = cu la bocje plene oppure imboconât
    il sacco è pieno, dentro non ci sta più nulla = il sac al è plen, dentri nol sta plui nuie

    adi. colm, plen Copie

    (specificant il contignût)
    una scatola piena di bottoni = une scjatule plene oppure colme di botons
  • 1b

    adi. plen Copie

    [FO] (cun tante int)
    il cinema era tutto pieno = il cine al jere dut plen
    quella casa è sempre piena di gente = chê cjase e je simpri plene di int
  • 1c

    adi. plen Copie

    [FO] (che al à dentri un mismàs di robis)
    un discorso pieno di spropositi = un discors plen di falopis
    un negozio pieno di cianfrusaglie = une buteghe plene di strafaniçs

    adi. plen, dut plen Copie

    (cun tantis robis)
    un cielo pieno di nuvole = un cîl plen di nûi
    una strada piena di buche = une strade dute plene di busis
  • 2

    s.m. penç, plen Copie

    [CO] (part plui plene, plui penze di alc)
    il pieno dei muri = il plen dai mûrs
    nel pieno del bosco = tal penç dal bosc
  • 2a

    adi. plen Copie

    [FO] (di cdn., che al à bondance di alc)
    è pieno di debiti = al è plen di debits
    quella famiglia è piena di soldi = chê famee e je plene di bêçs
    siamo pieni di impegni = o sin plens di impegns
    un inverno pieno di neve = un Invier plen di oppure cun tante nêf
  • 2b

    adi. cjariât, plen Copie

    [FO] (che al à un sintiment predominant)
    ha una vita piena di calore = al à une vite plene di calôr
    siete partiti pieni di speranze = o sês partîts cjariâts di sperance
    un cuore pieno di poesia = un cûr plen di poesie

    adi. plen, dut Copie

    (che al à un spirt particolâr)
    le guardie sono scappate piene di spavento = lis vuardiis a son scjampadis dutis spauridis
    un bambino pieno di capricci = un frut plen di mateçs
    un uomo pieno di buone qualità = un om plen di buinis cualitâts

    adi. plen Copie

    (cun tantis robis)
    avrò una settimana piena = o varai une setemane plene
    ha la testa piena di idee = al à il cjâf plen di ideis
  • 2c

    adi. plen Copie

    [FO] (che al cognòs une vore di int)
    è sempre pieno di donne attorno = al è simpri plen di feminis ator
  • 3

    adi. plen, suplît Copie

    [FO] (passût)
    sono pieno da scoppiare = o soi plen tant che une gubane
    sono pieno fino agli occhi = o soi plen fin parsore i voi

    s.m. plen, jemple Copie

    [CO] (cjarie complete)
    ha fatto il pieno di vino all'osteria = al à fate la jemple di vin in ostarie
    ho fatto il pieno di gasolio = o ai fat il plen di gasoli
  • 4

    s.m. plen Copie

    (limit di valôr massim che la assicurazion e acete di garantî par un viaç par mâr)

    s.m. plen Copie

    [TS] cum. (impuart massim di une assicurazion)
  • 4a

    adi. plen, madûr Copie

    [CO] (ben formât)
    le spighe sono piene = i spîs a son madûrs
  • 4b

    adi. plen, massiç Copie

    [CO] (che nol è çondar)
    legno pieno = len massiç
    muro pieno = mûr plen
  • 5

    adi. plen, complen, in cjar Copie

    [CO] (che al sta ben in cjar)
    braccia piene = braçs in cjar
    faccia piena = muse plene

    s.m. plen Copie

    [CO] (te caligrafie e paleografie, la part di une letare tirade cul ingjustri)
  • 6

    adi. cûr, biel, plen Copie

    [CO] (che al è in plene fuarce)
    in piena notte = a dute gnot oppure tal cûr de gnot
    in pieno giorno = di plene dì oppure di biel dì
    in pieno inverno = tal cûr dal Invier
    in pieno mezzogiorno = di biel misdì
  • 7

    adi. complet, plen, totâl Copie

    [CO] (totâl)
    l'accordo è pieno = l'acuardi al è complet oppure totâl
    nel pieno possesso delle proprie facoltà mentali = intal plen dai siei sintiments
    una confessione piena = une confession plene
  • 8

    adi. grues, plen, gravit Copie

    [CO] (gravide, massime des feminis di animâi, ma, par mateç, ancje des feminis)
    abbiamo la vacca piena = o vin la vacje plene
  • 9

    adi. di buine schene, di schene, di cuarp Copie

    [CO] (di vin, che al à cuarp e savôr)
    un vino pieno = un vin di buine schene oppure un vin di cuarp
  • 10

    adi. plen Copie

    [TS] erald. (di scût, che al à la part metaliche cence nissune figure)
  • 11

    adi.

    [TS] bot. (cjale doppio)

locuzions

    a pieno carico
  • dut cjamâtCopie
    [CO] (cjamât ad in plen)
    il treno viaggiava a pieno carico = il tren al viazave dut cjamât
    • a pieno ritmo
  • a plen, a dute ande, a plui podê, a dut podê, a piês podêCopie
    [CO] (cun dute la sveltece che si rive, ancje fig.)
    la fabbrica produce a pieno ritmo = la fabriche e prodûs a dut podê
    • a pieno titolo
  • par ducj i efiets, a titul plenCopie
    [CO] (vê ducj i dirits che a coventin)
    ricopre la carica a pieno titolo = al à la funzion a titul plen oppure par ducj i efiets
    • a stomaco pieno
  • cu la panze plene, dopo mangjâtCopie
    [CO] (daspò di vê mangjât)
    medicine da assumere a stomaco pieno = medisinis di cjoli daspò di vê mangjât
    • a tempo pieno
  • a timp plenCopie
    [CO], [TS] burocr. (dute la zornade normâl di lavôr)
    adesso lavoro a tempo pieno = cumò o lavori dute la zornade
  • dut il dìCopie
    [CO] (par dute la zornade, cence timps libars)
    quel lavoro la occupa a tempo pieno = chel lavôr le cjape dut il dì
  • a timp plenCopie
    [CO] scol. (te scuele, ancje il dopomisdì, restant ancje a gustâ)
    martedì i bambini hanno scuola a tempo pieno = martars i fruts a àn scuele a timp plen
    • arco a pieno centro
  • [TS] arch. (cjale arco a tutto sesto)
    • fare il pieno
  • dâ la pleneCopie
    (ingosâsi, suplîsi, imboconâsi)
    ha fatto il pieno di polenta = al à dât la plene cu la polente
  • fâ il plenCopie
    [CO] (meti carburant tant di jemplâ il serbatori)
    ho fatto il pieno di super proprio adesso = o ai fat il plen di super juste cumò
    • in pieno
  • a plen, justCopie
    [CO] (cun precision)
    colpire in pieno = cjapâ just
  • ad in plen, a plen, biel avuâl, a bot plenCopie
    (totalmentri)
    le nuvole coprono in pieno i monti = i nûi a cuvierzin a plen lis monts
    • otre pieno di vento
  • bufule sglonfade, buiace montadeCopie
    [CO] (persone che si svante cence reson)
    è solo un otre pieno di vento = al è dome che une bufule sglonfade
    • pieno come un uovo
  • plen tant che une cope, plen tant che un scusCopie
    [CO] (riferît spec. a locâl, plen di int)
    una discoteca piena come un uovo = une discoteche plene tant che un scus
  • plen e passût, plen tant che un scus, plen tant che un gût, plen tant che un purcit, plen tant che un ôc, plen tant che une gubaneCopie
    [CO] (passût, suplît)
    si è alzato da tavola solo quando era pieno come un uovo = al è jevât de taule dome cuant che al jere plen tant che un scus
    • pieno di fumo
  • spandon, plen di fum, svanton, plen di aiars, sglonfonCopie
    [CO] (cui che si da une vore di impuartance ancje se al vâl pôc)
    è pieno di fumo ma vale poco = al è svanton ma al vâl pôc
    • pieno di sé
  • plen di se, plen di argoment, plen di se stesCopie
    [CO] (che si da une vore di impuartance)
    arrivava piena di sé come una regina = e rivave plene di argoment come une regjine un ragazzo pieno di sé = un fantat plen di se stes
    • punteggio pieno
  • [CO] (il massim dai ponts pussibii)
    è l'unica squadra a punteggio pieno = e je la uniche scuadre che e à fat ducj i ponts

monolengâl

cûr s.m.
Orghin vitâl che al pompe sanc intal cuarp
esemplis
"masse sâl al fâs alçâ la pression e cressi il pericul di malatiis dal cûr e de circolazion"
gjavât fûr di "Mangje san 2" di Guglielmo Pitzalis
"Eve e sintì il cûr a cori plui svelt"
gjavât fûr di "Ombris tal infinît" di Carlo Sgorlon
"secui di vite ferme disgotâts moment par moment, respîr par respîr, batude par batude di cûr, un compagn di chel altri"
gjavât fûr di "La aghe da pît la cleve" di Dino Virgili
cûr s.m.
Chel orghin di animâi macelâts, tant che aliment o ingredient
esemplis
"comprâ doi cûrs di purcit in becjarie"
cûr s.m.
Part dal pet in corispondence di chel orghin
esemplis
"al veve metude une man sul cûr che al sbalçave e lui sal sintive a sbalçâ come un crot dentri de cjamese"
gjavât fûr di "La aghe da pît la cleve" di Dino Virgili
cûr s.m.
Forme plui o mancul triangolâr, a ponte sot e cun doi lobis parsore, che e somee un cûr
esemplis
"al curiosave fra i ex voto picjâts sù pal mûr di un altâr, cruchiis, gjambis e braçs di len, cûrs di arint, cuadruts piturâts a vueli"
gjavât fûr di "Ta la ombre dal santuari" di Pieri Somede dai Marcs
"a plante [di lavaç di cais] e à fueis in forme di cûrs cun pecol, chês da pît une vore grandis (a rivin fintremai a 40 o 50 cm. di largjece)"
gjavât fûr di "Jerbis salvadiis inte cusine furlane" di Giorgio Pascoli
cûr s.m.
[CO] (zûcs) Tal pl., un dai cuatri pâi des cjartis di zûc francesis
esemplis
"regjine di cûr"
cûr s.m.
Sît dai afiets e des emozions, part emozionâl de persone (fig.)
sinonims
anime
esemplis
"cun lôr, il gno cûr nol à plui segrets"
gjavât fûr di "Trê feminis" di Gianni Gregoricchio
"in cûr un sens di vite plene, di ligrie profonde che a i faseve dismenteâ la strade, il frêt che i taiave la muse, il troi di clapigne"
gjavât fûr di "O sielç lis stelis" di Pieri Somede dai Marcs
"l'è ben vêr che jo mi slontani / dal paîs ma no dal cûr. / Sta pûr salde tu ninine / che jo o torni se no mûr"
gjavât fûr di "L'è ben vêr" di Popolâr
"«A na è biela mê fia, ma a à cjâf e cour e na buna dota che a na è mai massa»"
gjavât fûr di "Li streci rossi" di Novella Cantarutti
cûr s.m.
Capacitât, disposizion e sintiment di volê ben o inamorament (fig.)
sinonims
amôr, afiet, ben
esemplis
"tancj pinsîrs e suposizions e un tremaç di zenoi tant che in chê dì che lui le veve bussade pe prime volte. Il cûr, e pensave, nol ven mai vieri"
gjavât fûr di "Il muc" di Roberto Ongaro
"al cûr no si po comandâ"
gjavât fûr di "Vilie di Nadâl" di Pieri Somede dai Marcs
cûr s.m.
Fuarce di spirt, mancjance di pôre (fig.)
sinonims
coragjo, ardiment, amit, olse, fiât, coraç
esemplis
"al scugnì zirâ i voi di une altre bande, Berto, par cjatâ il cûr di meti fûr ce che i pesave sul stomi"
gjavât fûr di "Trê feminis" di Gianni Gregoricchio
cûr s.m.
Part centrâl (fig.)
sinonims
centri, mieç, nucli, nusel, plen
esemplis
"il cûr de citât, di dimensions vivibilis come grandece e come int, al à la basiliche, il palaç dal vescul e chel dai cjalunis, la universitât, il palaç de aministrazion civîl, il 'seminari, il convent di Sant Francesc, l'ospizi pai pelegrins, trasformât in albierc di lus, l'istitût pe lenghe e pe culture galiziane, i cuartîrs dal marcjât, dai mistîrs, lis stradis che a rivavin i pelegrins, lis glesiis, lis buteghis, ma dut armonizât, cence contrascj e cence sfuarçaduris"
gjavât fûr di "Sant Jacum, là che al finìs il mont" di Antoni Beline
cûr s.m.
Part essenziâl, plui impuartante
esemplis
"i nestris paris fondatôrs a àn savût lâ al cûr de cuistion furlane, la autentiche e uniche cuistion, che e segne la diference fra il sucès e il faliment di ogni nestre iniziative"
gjavât fûr di "Sessante agns di profezie " di Antoni Beline
detulis
"a Pasche Tafanie, il râf al piert il cûr e la anime"
"al è râr di cjatâ une frute che di cuarp e di cûr e sedi sane dute"
"al nûl e al cûr nissun no i comande"
"al timp e al cûr nissun no i comande"
"al timp, al cûr e al cûl nissun no i comande"
"al vâl plui il cûr content che no dut l'aur di chest mont"
"al vâl plui il cûr content che no pan di forment"
"ce che no si à in cûr, si à in gjambis"
"ce che no si à in cûr, si à in lenghe"
"ce che si à in cûr si à di vê in lenghe"
"cjantâ no si po ben se dal cûr nol ven"
"cuant che dal cûr nol ven, cjantâ no si po ben"
"cui che al à in cûr al à in lenghe"
"cui che si lasse cridâ al è paron dal so cûr"
"cui che si lasse vuidâ al è paron dal so cûr"
"dispès la bocje a spude fûr cemût che al judiche e che al sint il cûr"
"dulà che il cûr al tire lis gjambis a puartin"
"il cûr al resone a so mût"
"il prin amôr nol scjampe mai dal cûr"
"il segret al è la clâf dal cûr"
"il voli al è il spieli dal cûr"
"l'om nol cognòs il cûr e la ment dal altri om"
"la femine e à il cûr a fetis e, se lis da, no son mai netis"
"lis gjambis a puartin là che il cûr al tire"
"lontan dai voi, lontan dal cûr"
"man frede, cûr cjalt"
"nissun om nol cognòs il cûr dal altri om"
"no si po ridi ben co dal cûr no ven"
"no si po volê ben cuant che dal cûr nol ven"
"ogni cûr il so misteri, ogni cjase il so costum"
"plui piçul al è il cûr des feminis, plui lungje la lenghe"
"une idee e nas tal cjâf ma e cres tal cûr"
"une nuviçute co a va a marît cu la bocje e vai e cul cûr e rît"
torne sù
torne sù