Tu âs cirût la peraule
bilengâl monolengâl
Tu âs cirût la peraule
preoccupazione
torne indaûr

bilengâl

preoccupazione s.f.
  • 1a

    s.f. preocupazion Copie

    [FO] (stât emotîf malcuiet, ansiôs, compagnât di pinsîrs che al sucedi alc di brut)
    non vuole mostrare la sua preoccupazione = nol à voie di mostrâ la sô preocupazion

    s.f. preocupazion, pinsîr Copie

    (pinsîr che al è motîf di pôre di alc di brut)
    la sua salute desta qualche preoccupazione = la sô salût e met in pinsîr oppure e met pinsîr

    s.f. preocupazion, cruzie, fastidi Copie

    (persone, cjosse, facende, che e preocupe)
    il suo futuro è la mia preoccupazione = il so avignî al è la mê cruzie
  • 1b

    s.f. preocupazion, pinsîr Copie

    [FO] (pinsîr che al cjape une vore la atenzion, che al domande cuasi dut l'interès di une persone)
    la famiglia è la sua preoccupazione = la famee e je la sô preocupazion

monolengâl

pinsîr s.m.
(pin-sîr)
Facoltât e ativitât di doprâ la inteligjence, la memorie, la imagjinazion par elaborâ concets, vê cussience di se e interpretâ la realtât
esemplis
"cheste memorie [la memorie di lavôr] e à une vore ce fâ cul pinsîr, la cussience e la pussibilitât di imparâ"
gjavât fûr di "Il cjâf dai furlans" di Franc Fari
"a suna di Nadâl. Un refal come di vints a i neta il pinseir e a jôt la vea di Nadâl par duta la vila"
gjavât fûr di "Deventâ stria" di Novella Cantarutti
Viôt ancje: pensîr, pensêr
pinsîr s.m.
(pin-sîr)
Complès di concezions di une cierte ete, scuele o persone
sinonims
dotrine, orientament, pensâ, pensament, posizion, teorie
esemplis
"une des carateristichis dal pinsîr umanistic rinassimentâl al è il tornâ aes lidrîs de civiltât, ven a stâi al mont classic cu la riscuvierte dai filosofs de antichitât"
gjavât fûr di "La invenzion dal stât" di Fabian Ros
"une fuarte influence e sarà chê di Tellini te formazion dal pinsîr autonomist di Felix Marchi, il fondadôr dal gjornâl “Patrie dal Friûl” daspò de seconde vuere mondiâl"
gjavât fûr di "Il lunari mai jessût - Tellini te prime vuere mondiâl" di Donato Toffoli
pinsîr s.m.
(pin-sîr)
Concet che si pense, mût di pensâ, idee, opinion
sinonims
convinzion, idee, parê, pensâ, pensade, pensament, riflession, opinion
esemplis
"la stracadura a i inmatuiva il cjâf e a na i lassava pi cosi un pinseir"
gjavât fûr di "Il cosacut" di Novella Cantarutti
"cun chê mozion il Comitât al dîs «di interpretâ il pinsîr di ducj i furlans». E cheste e je une bale. Intant nol interprete il nestri"
gjavât fûr di "Cuarde e savon" di Josef Marchet
pinsîr s.m.
(pin-sîr)
Robe che si imagjine e che e fâs stâ pôc cuiets
sinonims
martiel, preocupazion, scrupul, spine, lancûr, carûl
esemplis
"beât tu che no tu âs tancj pinsîrs!"
gjavât fûr di "Barbane" di Pieri Somede dai Marcs
"lavorant si dismenteave dai siei pinsîrs, e dute la sô atenzion e jere pal lavôr"
gjavât fûr di "Prime di sere" di Carlo Sgorlon
pinsîr s.m.
(pin-sîr)
Dimostrazion di afiet, atenzion
sinonims
atenzion
esemplis
"- O vignìn a rindii i onôrs dal paîs… - a diserin. Siôr Svualdin ju ringraciâ une vorone dal biel pinsîr"
gjavât fûr di "La aghe da pît la cleve" di Dino Virgili
"a son dome lis bestiis che a lassin lis lôr carognis dulà che a colin e no àn nissun pinsîr par lôr"
gjavât fûr di "Lis predicjis dal muini" di Josef Marchet
pinsîr s.m.
(pin-sîr)
Piçul regâl
esemplis
""Graciis! Ce biel regâl" "Oh, al è dome un pinsîr""
pinsîr s.m.
(pin-sîr)
[TS] (bot.com.) Sorte di margaritute, lat. sient. Bellis perpetua plena
esemplis
"al jere Avrîl, che sui prâts a cucavin pestelacs e pinsîrs"
gjavât fûr di "Lis predicjis dal muini" di Josef Marchet
"tal zardin la floridure dai arbui e jere come un nûl fof colôr di rose, tes jechis i pinsîrs a puntinavin di blanc il vert molisit"
gjavât fûr di "Fûr di timp" di Jolanda Mazzon
detulis
"cent pinsîrs no pain un debit"
"cent pinsîrs no pain un solt"
"il prin pinsîr al è simpri il miôr"
"la gnot e je la mari dai pinsîrs"
"lis gusielis a puartin pinsîrs"
"lis oris de matine a son la mari dai mistîrs, lis oris da la sere a son la mari dai pinsîrs"
"nissune robe no ingjane plui dal pinsîr"
"no si po cence pinsîr educâ ben i cavalîrs"
torne sù
torne sù