Hai cercato la parola
bilingue monolingue
Hai cercato la parola
rassegna
Torna indietro

bilingue

rassegna
  • 1

    s.f. riviste Copia

    [CO], [TS] (ispezion fate a un repart di militârs)
    domani il generale passerà in rassegna il battaglione = doman il gjenerâl al passarà in riviste il bataion
  • 2

    s.f. rassegne Copia

    [AD] (esam une vore atent)
    la rassegna degli iscritti = la rassegne dai iscrits
  • 3

    s.f. note, liste, rassegne Copia

    [AD] (elenc)
    la rassegna degli appuntamenti settimanali = la note des ativitâts de setemane

    s.f. rassegne Copia

    (recension di libris e publicazions sore dal stes argoment)
    la rassegna degli spettacoli teatrali = la rassegne dai spetacui teatrâi
  • 4a

    s.f. rassegne Copia

    [CO] (mostre)
    una rassegna di scultura = une rassegne di sculture

    s.f. mostre, fiere, rassegne Copia

    (marcjât franc)
    la rassegna regionale dell'agricoltura = la rassegne regjonâl de agriculture
  • 4b

    s.f. rassegne Copia

    [CO] (schirie di cines dal stes autôr, su di un stes teme e v.i.)
    una rassegna sul cinema argentino = une rassegne sul cine argjentin

locuzioni

    passare in rassegna
  • passâ in rivisteCopia
    [TS] (fâ une ispezion a un ploton di soldâts)
    il generale passa in rassegna le truppe = il gjenerâl al passe in riviste lis trupis
  • stazâ, tamesâ, scrutinâ, scandaiâ, vandiCopia
    [CO] (esaminâ alc cun atenzion, un par un)
    passeremo in rassegna le possibili soluzioni e poi sceglieremo = o stazarìn lis soluzions pussibilis e po o sielzarìn
    • rassegna stampa
  • rassegne stampeCopia
    [CO], [TS] (trasmission o publicazion che e puarte i argoments principâi difondûts de stampe)
    la rassegna stampa mattutina alla radio = la rassegne stampe de buinore par radio

monolingue

mostre s.f.
(mos-tre)
Azion, cundizion, situazion e v.i. che e fâs che alc si viodi ben
esempi
"al veve cjapât ancje acuilis e poianis, che cumò a stevin imbalsamadis, cun bec e sgrifis ben in mostre , in dutis lis ostariis e lis buteghis de valade"
da "Il dolfin" di Carlo Sgorlon
"la fantate e veve tirâts sù i cjavei a cocon, lassant in mostre un cuel lunc e blanc e dôs orelutis pitininis"
da "Lilie" di Gianni Gregoricchio
mostre s.f.
(mos-tre)
Esemplâr di prodot o sim. che si da di viodi, di cjalâ o di provâ par valutâlu
sinonimi
campion, esemplâr, prove, cerce
esempi
"al va ator cu lis mostris di pano, di vueli, di cafè, di forment, ma nol cumbine un afâr"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
mostre s.f.
(mos-tre)
Element o azion che al fâs jessi clare la esistence, la nature, lis carateristichis o lis capacitâts di alc o di cdn.
sinonimi
cerce, prove, dimostrazion
esempi
"[Camillo] al è a Rome tal 1509, cuant che ancjemò Erasmo al ricuarde lis sôs mostris di grande braùre oratorie"
da "Il brevet" di Mario Turello
mostre s.f.
(mos-tre)
Cuantitât di robis o personis che a àn ciertis carateristichis
esempi
"in ducj i agns vignûts dopo, ator dal curtîl si è ingrumade une mostre curiose di cjasis, cjasutis, e casopis che si tegnin sù une cu la altre"
da "La rive di Sant Pieri" di Maria Forte
mostre s.f.
(mos-tre)
Part di une buteghe che e da su la strade, pal solit vierte o cun veris in maniere che la int e puedi viodi i prodots
sinonimi
vetrine
esempi
"si spassize in Merceria e si cjale lis mostris dai negozis. Cetantis maraveis!"
da "Viaç a Vignesie" di Arturo Feruglio
mostre s.f.
(mos-tre)
Part dal orloi li che a son segnadis lis oris
esempi
"da chê cjamare si podeve lâ sù te specule, sù pe torate, là che al è ancjemò l'orloi, cui pês sul pat de scjale e la mostre par difûr"
da "La teme - Une gnot intun cjastiel" di Giovanni Gortani
mostre s.f.
(mos-tre)
Iniziative li che si fasin viodi oparis di art, reperts, fotografiis, ogjets di interès o ancje prodots comerciâi di une cierte sorte
sinonimi
esposizion
esempi
"cun cheste curiositât o sin lâts a dâ un cuc, ancje, ae mostre dai pitôrs carintians"
da "Pitôrs di là de stangje" di Josef Marchet
""[...] sâstu mame ce che al è sucedût l'an passât di là a la mostre di Palmegnove? in file dilunc i moronârs sul marcjât a jerin peâts i nemâi in esposizion [...]"
da "Il prossim" di Pieri Somede dai Marcs
mostre s.f.
(mos-tre)
[TS] (milit.) Element di forme e colôr specific, che si tache pal solit tal dacuel o tes spalis des monturis, che al fâs individuâ la apartignince a une cierte arme, a un ciert cuarp o a un ciert repart
sinonimi
mostrine
esempi
"a Vignesie e son di stanze i granatîrs dal reziment di Trevîs des mostris zalis, e chei da Udin des mostris verdis, in dut cuatri compagniis"
da "A la sagre di Mion" di Giovanni Gortani
proverbi
"la robe metude in mostre, le sporcje la moscje"
"par mostre baste un boton"
Torna in Cima
Torna in Cima