SuperDizionari

vetrine s.f.
(ve-tri-ne)

Mobil, pal solit de cusine o de sale, cun portelis a veri, li che si puedin tignî diviersis robis, in particolar cjicaris, platuts, tacis e v.i., pal solit di bielece

sinonims

credince

esemplis

"i plasevin lis tacis di vêr cristal metudis in rie te grande vetrine di noiâr"

gjavât fûr di "Si disarès che e je inventade" di Pieri Menis

"nissun si vise di lôr, che no ur reste altri che nol sedi il ricuart in cualchi fotografie impirade intal veri de vetrine"

gjavât fûr di "Trê feminis" di Gianni Gregoricchio

vetrine s.f.
(ve-tri-ne)

Part de buteghe, che si pues viodi dal difûr, li che a vegnin tignudis in mostre lis marcjanziis che a son a vendi

sinonims

mostre, mostre di buteghe

esemplis

"o viôt za la vetrine iluminade dal tabachin"

gjavât fûr di "La dentiere pierdude" di Francesca Gregoricchio

"a ogni vetrine che al passe denant si cjale denti, si juste la vite e al da une pacute al cjapiel"

gjavât fûr di "Il coscrit" di Garibaldi Delli Zotti

vetrine s.f.
(ve-tri-ne)

Manifestazion, ocasion, lûc, realtât e v.i. che a dan visibilitât, che a permetin a alc o a cdn. di jessi cognossût (fig.)

esemplis

"[Radio Onde Furlane] je stade la prime radio che o ai scoltât, la prime vetrine pe musiche che o fâs e par un grum di musiche alternative"

gjavât fûr di "Un Friûl difarent: i 90 mhz di Onde Furlane" di Max Mauro

monolengâl