Tu âs cirût la peraule
bilengâl monolengâl
Tu âs cirût la peraule
regalare
torne indaûr

bilengâl

regalare v.tr.
  • 1a

    v.tr. regalâ, donâ Copie

    [FO] (fâ un regâl, ufrî alc di util o di cjâr o che si pense agradît)
    gli hanno regalato un bel libro = i àn regalât un biel libri

    v.tr. slungjâ, regalâ, donâ Copie

    (concedi cence pretindi il paiament)
    oggi col giornale regalavano un CD = vuê cul gjornâl a regalavin un CD
  • 1b

    v.tr. slungjâ, regalâ, donâ Copie

    [FO] (concedi, ufrî par gjenerositât, bontât, boncûr e v.i.)
    regalare una carezza = donâ une cjarece

    v.tr. slungjâ, molâ Copie

    (petâ)
    mi veniva voglia di regalargli un pugno = mi vignive voie di molâi un pugn
  • 2

    v.tr. regalâ Copie

    [FO] (vendi a bon marcjât)
    la camicia a quel prezzo la regalano! = la cjamese a chel presit le regalin!

monolengâl

slungjâ v.tr.
(slun-gjâ)
Fâ deventâ plui lunc, incressi in lungjece
esemplis
"a i saltà sù al vecju da slungjâ il palaç e al clamà li femini a puartâ cjalcina e savalon par fâ malta"
gjavât fûr di "Paron Salvadi" di Novella Cantarutti
"la liste si podarès slungjâle, ma chest nol menarès dongje ponts gnûfs pal nestri studi"
gjavât fûr di "Cualchi ipotesi sul furlan di prin di scrivilu" di Zorç Cadorin
slungjâ v.tr.
(slun-gjâ)
Fâ someâ plui lunc
esemplis
"scarpis neris e lucidis, cuntun tac alt e solit [...]. Scarpis che ti slungjin lis gjambis come par magjie, e ducj si zirin a cjalâti"
gjavât fûr di "Milonghe" di Antescûr
slungjâ v.tr.
(slun-gjâ)
Distindi o movi alc o une part dal cuarp in mût che e rivi plui lontan
sinonims
distindi, distirâ
esemplis
"lui al slungjà une man, e ancje se jê e fasè il mot di ritirâsi, istès al strenzè une des sôs"
gjavât fûr di "Trê feminis" di Gianni Gregoricchio
"si sentave plui comut e al slungjave i braçs sul scritori"
gjavât fûr di "I forescj" di Alan Brusini, Gian Paolo Linda
slungjâ v.tr.
(slun-gjâ)
Fâ durâ di plui, incressi in durade di timp
sinonims
intardâ, sprolungjâ
esemplis
"Març al screave rosutis e al slungjave zornadis"
gjavât fûr di "Come tai romançs" di Alan Brusini
"chê fede i slungjave la vite e i dave une gnove fuarce di movisi"
gjavât fûr di "Cjase di Dalban" di Maria Forte
"il plevan le à fate lungje, al à slungjade la novene cu lis litaniis dai Sants"
gjavât fûr di "Il prossim" di Pieri Somede dai Marcs
slungjâ v.tr.
(slun-gjâ)
Proietâ une ombre, une forme, une lûs e v.i.
esemplis
"il soreli al leve a mont slungjant lis ombris dai morârs tal mieç de stradele che e someave une lungje scjale"
gjavât fûr di "Sul agâr" di Pieri Menis
slungjâ v.tr.
(slun-gjâ)
Zontâ un licuit, par solit aghe, par fâ deventâ mancul penze o fisse une sostance o par fâ che e vedi plui volum
sinonims
inagâ, taiâ, zontâ
esemplis
"Momi vûstu fermâti a gustâ cun nô, [...] slungjarìn la mignestre e dividarìn il companadi, a la buine sâstu"
gjavât fûr di "Un pugn di moscjis" di Pieri Somede dai Marcs
slungjâ v.tr.
(slun-gjâ)
Dâ, svicinâ alc a cdn. par che al puedi cjapâlu
sinonims
dâ fûr, meti fûr, scuarzi, svicinâ, ufrî
esemplis
"al veve gjavât di sachete un tocut di cjocolate e me e veve slungjade"
gjavât fûr di "Trê feminis" di Gianni Gregoricchio
"al strucjà il vin te tace e jal slungjà a Rosute"
gjavât fûr di "La aghe da pît la cleve" di Dino Virgili
"Ricardo i tignive sù il cjadin e i slungjave il suieman ogni volte che al ocoreve"
gjavât fûr di "Prime di sere" di Carlo Sgorlon
slungjâ v.tr.
(slun-gjâ)
Dâ cun fuarce
esemplis
"a fasin un fastidi dal diaul e une grande voie di slungjâur une pidade"
gjavât fûr di "Lis predicjis dal muini" di Josef Marchet
"mi tire ancje a ciment tant che cualchi volte i slungji un pataf"
gjavât fûr di "Vieri e gnûf" di Pieri Piçul
detulis
"ni messe ni blave no slungjin la strade"
torne sù
torne sù