Hai cercato la parola
bilingue monolingue
Hai cercato la parola
riferire
Torna indietro

bilingue

riferire ,
  • 1a

    v.tr. contâ, riferî, ripuartâ Copia

    [FO] (dî a altris ce che si sa)
    riferire le parole di un altro = riferî lis peraulis di un altri
    riferire un fatto = riferî un fat

    v.tr. puartâ, riferî Copia

    (puartâ i salûts di cdn. a un altri o a altris)
    riferisci i miei saluti a tua madre = puarte i miei salûts a tô mari
  • 1b

    v.tr. contâ, riferî, pandi Copia

    [FO] (dî in mût indiscret, rivelâ)
    riferire un segreto = contâ un segret
  • 1c

    v.tr. contâ, riferî, rapuartâ Copia

    [FO] (ass., publicâ, pandi, fâ part a cdn. di alc, spec. par dovê di ufici)
    riferirò al direttore = o riferirai al diretôr
    riferirò tutto al sindaco = o contarai dut al sindic
  • 2

    v.intr. riferî, fevelâ Copia

    [FO] (fâ une distese, un rapuart scrit o a vôs, tignî une relazion suntun ciert cantin)
    il sindaco riferirà sulla crisi politica del comune = il sindic al fevelarà su la crisi politiche dal comun
  • 3a

    v.tr. riferî, rapuartâ Copia

    [FO] (tribuî, leâ)
    il successo è da riferire allo sforzo di tutti = il sucès al è di riferî al sfuarç di ducj
  • 3b

    v.tr. riferî Copia

    [TS] (meti in relazion une funzion o un fenomen fisic a sisteme di riferiment)
    riferire la curva a un sistema cartesiano = riferî la curve a un sisteme cartesian

monolingue

contâ v.tr.
(con-tâ)
Assegnâ un numar a robis, personis, elements e v.i., rivant a determinâ la lôr cuantitât
sinonimi
calcolâ, contizâ, numerâ
esempi
"aes 8.35 l'obietîf di une videocjamare e viodeve il diretôr che al tacave a contâ i macuts di biliets e il contabil a plaçâju te cassefuart"
da "La rambe" di Fabian Ros
"denant il cuadri de Madone la flame e filave une glagn rosse e jê e contave i grignei dal Rosari pal so om"
da "Slobar" di Maria Forte
"«Sino in trops a taule?...» [...] «In dodis, pari... si sta tant pôc a contâju»"
da "Si disarès che e je inventade" di Pieri Menis
contâ v.tr.
(con-tâ)
Tignî in considerazion intun calcul, intune liste e v.i.
sinonimi
cjapâ dentri, fâ calcul, tignî cont
esempi
"il test de conte [...] al varà di vê une lungjece massime di 8 cartelis di 30 riis par 60 batudis contant ancje i spazis"
da "Regolament dal concors Zâl par furlan" di Aministrazion Publiche
contâ v.tr.
(con-tâ)
Vê intune cierte cuantitât
esempi
"une vile che e conte dibot votcent animis"
da "Lis predicjis dal muini" di Josef Marchet
"il sucès de novitât al è dal moment fuartonon, ancje se sul imprin il sît al conte nome pocjis pagjinis"
da "Un Friûl difarent: i 90 mhz di Onde Furlane" di Max Mauro
contâ v.tr.
(con-tâ)
Dâ o doprâ stant une vore atents di sparagnâ, cun pocje gjenerositât (fig.)
sinonimi
dosâ, sparagnâ, strenzi, tirâ, misurâ
esempi
"Vigji Trep, che dopo i otante al à scugnût cjoli lis gotis, lis contave une par une fin la ultime, e dopo al spacave il veri par che a 'nt colàs ancjemò une"
da "I furlans e lis medisinis" di Riedo Pup
contâ v.tr.
(con-tâ)
(sport) Inte boxe e in altris sports di contat, contâ il timp che un atlete al passe a tapêt o no in cundizion di combati par vie dai colps cjapâts
esempi
"lu àn contât dôs voltis"
contâ v.tr.
(con-tâ)
Cun daûr une proposizion obietive, previodi
sinonimi
fâ calcul, fâ cont, intindisi, prometisi, proponisi, pensâ, stimâ, calcolâ
esempi
"e tu contistu di stâ cu lis mans in man a spietâ?"
da "Ah! la provincie" di Sandri Di Suald
contâ v.tr.
(con-tâ)
Dâ une cierte impuartance, tignî intune cierte considerazion
sinonimi
calcolâ, stimâ, considerâ, preseâ
esempi
"plen di devozion al tirave jù parinestris e avemariis. I de di voli sant Pieri e plen di rispiet al gjavà il cjapiel; ma il Signôr vie pe sô strade cence contâlu, cjalant di une altre bande"
da "Il voli di chest mont" di Catarine Percude
contâ v.intr.
(con-tâ)
Fidâsi di alc o di cdn., poiâsi sul sô contribût, su la sô esperience, su la sô disponibilitât e v.i
sinonimi
fâ afidament, fâ calcul, fâ stât, fidâ, fidâsi, infidâsi
esempi
"no veve dote la mestre Marceline - lu veve savût - ma e jere la fantate juste. In chê cjase, che e contave su pocjis sumis di spindi, e varès parût bon"
da "Cjase di Dalban" di Maria Forte
"di cumò indenant e varès pudût contâ su di lui"
da "Il timp par ledrôs" di Mario De Apollonia
"par gjavâsi de dipendence dal tabac si pues contâ ancje su la poie di professioniscj e esperts"
da "Stude i spagnolets!" di Guglielmo Pitzalis
contâ v.tr., v.intr.
(con-tâ)
Fâ savê descrivint a peraulis
sinonimi
contâ sù, dî, esponi, riferî
esempi
"cheste robe che us conti cumò e je stade sucedude, ma une vorone di agns indaûr cuant che pes monts sore Trep di Cjargne a jerin a stâ i maçarots"
da "I maçarots di Trep" di Josef Cjargnel
"al contave di cuant che a lavin pal mont in Stirie, in Cucevie e in Carintie, che nol jere il vapôr ancjemò"
da "Rosaris" di Meni Ucel
"i vignivin i sgrisui ancje a lui che le contave, chê tragjedie"
da "Come tai romançs" di Alan Brusini
contâ v.intr.
(con-tâ)
Vê pês, vê impuartance, valôr, efiet e v.i.
sinonimi
pesâ, valê, vê vôs
esempi
"grancj events, là che a contin une vore i nons e i «testimonials»"
da "Conoscenza o ‘con o senza’? O ‘senza’ e vonde?" di Marc Stolf
"il fat di Visc, che pôc al contà pal andament complessîf de vuere, al fo considerât a Udin une vitorie "
da "Zuan Batiste Cavedalis - Une vite esemplâr" di Giovanni Pillinini
"E alore? noaltris doi… un par l'altri no contìno nuie?"
da "Un pugn di moscjis" di Pieri Somede dai Marcs
proverbi
"cuant che a son fatis si po contâlis"
"cui che al è stât al po contâlis"
"cui che al è stât in vuere al po contâlis"
"joibe vignude setemane jessude, ma cui che nol à ce mangjâ al à trê dizuns di contâ"
"joibe vignude, setemane jessude; ma cui che nol à ce mangjâ al à trê disons di contâ"
"lis feminis a contin vincjenûf e un sessante"
"nol conte jevâ adore, baste rivâ su la ore"
"nol è segret co si i al conte a un altri"
"nol vâl jessi conts e no vê ce contâ"
"un cont cence contâ al è come une bote cence cerclâ"
Torna in Cima
Torna in Cima