Hai cercato la parola
bilingue monolingue
Hai cercato la parola
riflessione
Torna indietro

bilingue

riflessione
  • 1

    s.f. riflession Copia

    [TS] (fenomen fisic di deflession de lûs)

    s.f. riflession Copia

    (stes fenomen riferît al sun, ai eletrons, aes ondis eletromagnetichis)
  • 2

    s.f. riflession Copia

    [TS] (inte otiche gjeometriche, fenomen di riflession di un rai suntune superficie speculâr)
  • 3a

    s.f. riflession Copia

    [AU] (azion dal rifleti e valutâ cun atenzion)
    ha parlato senza alcuna riflessione = al à fevelât cence nissune riflession
    ha risposto dopo una lunga riflessione = al à rispuindût daspò di une lungje riflession oppure di vê tant pensât
  • 3b

    s.f. pinsîr, riflession Copia

    [AU] (pensament che al ven di une elaborazion mentâl profonde)
    è riservato, non rivela le sue riflessioni = al è risiervât, nol pant i siei pinsîrs
  • 4

    s.f. riflession Copia

    [TS] (moment dal procès cognossitîf cuant che l'intelet al cjape sù la cussience de sô ativitât)

locuzioni

    livello a riflessione
  • nivel a riflessionCopia
    [TS] (nivel di precision fat di une scuadrade a spieli e di un fîl a plomp che al da la linie di smicje cuant che al è rifletût perpendicolâr)
    • pausa di riflessione
  • polse di riflessionCopia
    [CO] (moment di polse di une ativitât par sclarîsi ben la situazion prin continuâ)
    prima di accettare il nuovo lavoro ha chiesto una pausa di riflessione = prin di acetâ il lavôr gnûf al à domandade une polse di riflession
    • riflessione fenomenologica
  • riflession fenomenologjicheCopia
    [CO], [TS] (in Husserl, riflession che si fâs cu la sospension dal judizi sul atuâl de esistence e de realtât)

monolingue

pinsîr s.m.
(pin-sîr)
Facoltât e ativitât di doprâ la inteligjence, la memorie, la imagjinazion par elaborâ concets, vê cussience di se e interpretâ la realtât
esempi
"cheste memorie [la memorie di lavôr] e à une vore ce fâ cul pinsîr, la cussience e la pussibilitât di imparâ"
da "Il cjâf dai furlans" di Franc Fari
"a suna di Nadâl. Un refal come di vints a i neta il pinseir e a jôt la vea di Nadâl par duta la vila"
da "Deventâ stria" di Novella Cantarutti
Vedi anche: pensîr, pensêr
pinsîr s.m.
(pin-sîr)
Complès di concezions di une cierte ete, scuele o persone
sinonimi
dotrine, orientament, pensâ, pensament, posizion, teorie
esempi
"une des carateristichis dal pinsîr umanistic rinassimentâl al è il tornâ aes lidrîs de civiltât, ven a stâi al mont classic cu la riscuvierte dai filosofs de antichitât"
da "La invenzion dal stât" di Fabian Ros
"une fuarte influence e sarà chê di Tellini te formazion dal pinsîr autonomist di Felix Marchi, il fondadôr dal gjornâl “Patrie dal Friûl” daspò de seconde vuere mondiâl"
da "Il lunari mai jessût - Tellini te prime vuere mondiâl" di Donato Toffoli
pinsîr s.m.
(pin-sîr)
Concet che si pense, mût di pensâ, idee, opinion
sinonimi
convinzion, idee, parê, pensâ, pensade, pensament, riflession, opinion
esempi
"la stracadura a i inmatuiva il cjâf e a na i lassava pi cosi un pinseir"
da "Il cosacut" di Novella Cantarutti
"cun chê mozion il Comitât al dîs «di interpretâ il pinsîr di ducj i furlans». E cheste e je une bale. Intant nol interprete il nestri"
da "Cuarde e savon" di Josef Marchet
pinsîr s.m.
(pin-sîr)
Robe che si imagjine e che e fâs stâ pôc cuiets
sinonimi
martiel, preocupazion, scrupul, spine, lancûr, carûl
esempi
"beât tu che no tu âs tancj pinsîrs!"
da "Barbane" di Pieri Somede dai Marcs
"lavorant si dismenteave dai siei pinsîrs, e dute la sô atenzion e jere pal lavôr"
da "Prime di sere" di Carlo Sgorlon
pinsîr s.m.
(pin-sîr)
Dimostrazion di afiet, atenzion
sinonimi
atenzion
esempi
"- O vignìn a rindii i onôrs dal paîs… - a diserin. Siôr Svualdin ju ringraciâ une vorone dal biel pinsîr"
da "La aghe da pît la cleve" di Dino Virgili
"a son dome lis bestiis che a lassin lis lôr carognis dulà che a colin e no àn nissun pinsîr par lôr"
da "Lis predicjis dal muini" di Josef Marchet
pinsîr s.m.
(pin-sîr)
Piçul regâl
esempi
""Graciis! Ce biel regâl" "Oh, al è dome un pinsîr""
pinsîr s.m.
(pin-sîr)
[TS] (bot.com.) Sorte di margaritute, lat. sient. Bellis perpetua plena
esempi
"al jere Avrîl, che sui prâts a cucavin pestelacs e pinsîrs"
da "Lis predicjis dal muini" di Josef Marchet
"tal zardin la floridure dai arbui e jere come un nûl fof colôr di rose, tes jechis i pinsîrs a puntinavin di blanc il vert molisit"
da "Fûr di timp" di Jolanda Mazzon
proverbi
"cent pinsîrs no pain un debit"
"cent pinsîrs no pain un solt"
"il prin pinsîr al è simpri il miôr"
"la gnot e je la mari dai pinsîrs"
"lis gusielis a puartin pinsîrs"
"lis oris de matine a son la mari dai mistîrs, lis oris da la sere a son la mari dai pinsîrs"
"nissune robe no ingjane plui dal pinsîr"
"no si po cence pinsîr educâ ben i cavalîrs"
Torna in Cima
Torna in Cima