Tu âs cirût la peraule
bilengâl monolengâl
Tu âs cirût la peraule
ritratto
torne indaûr

bilengâl

ritratto p.pass., adi., s.m.
  • 2

    adi. cjapât, piturât, figurât Copie

    [CO] (che al è rapresentât)
    l'uomo ritratto nella foto è mio padre = l'om te foto al è gno pari
  • 3a

    s.m. ritrat Copie

    [FO] (rafigurazion grafiche di une part o di dute une persone)
    un bel ritratto a olio = un biel ritrat a vueli
  • 3b

    s.m. ritrat Copie

    [CO] (gjenar artistic li che si rapresente la muse o la fisionomie di un personaç)
    il ritratto è una delle specializzazioni più impegnative della fotografia = il ritrat al è une des specialitâts di chês che a domandin di plui al fotograf
  • 4a

    s.m. spieli, ritrat Copie

    [CO] (descrizion dai trats fisics, morâi o psicologjics di une persone o di un puest, di un acjadiment e v.i.)
  • 4b

    s.m. ritrat Copie

    [CO] (componiment di critiche leterarie su di un autôr e de sô opare)
    un ritratto di Goethe = un ritrat di Goethe
  • 5a

    s.m. ritrat, miluç sclapât Copie

    [CO] (persone che e somee une vore a une altre)
    quando cammini, sei il ritratto di tuo padre = cuant che tu cjaminis, tu sês il miluç sclapât di to pari
  • 5b

    s.m. ritrat Copie

    [CO] (dome sing., manifestazion esteriôr di une situazion fisiche o psicologjiche)
    quando tornò dalle vacanze era il ritratto della salute = cuant che al è tornât des feriis al jere il ritrat de salût oppure la salût piturade

locuzions

    ritratto parlato
  • ritrat fevelâtCopie
    [CO] (tes investigazions di polizie judiziarie, metodi di segnalazion di une o plui personis daûr de descrizion dai caratars morfologjics, cuntune terminologjie fisse)

monolengâl

piturât adi.
(pi-tu-rât)
Decorât cun figuris coloradis
esemplis
"chês gleseutis sul fâ de nestre, a vevin di jessi dutis pituradis cui fats de storie sacre o de vite di Crist"
gjavât fûr di "Lis predicjis dal muini" di Josef Marchet
"Anute e rivà cul bocâl piturât a rosis rossis e blu e e jemplà dôs tacis di blanc"
gjavât fûr di "Sul agâr" di Pieri Menis
piturât adi.
(pi-tu-rât)
Che al è stât tratât cun piture, vernîs o altris sostancis
sinonims
colorât, intenzût, invernisât, tenzût, vernisât
esemplis
"la ostarie e jere une grande stanzie cul sofit bas e i mûrs piturâts di vert"
gjavât fûr di "Prime di sere" di Carlo Sgorlon
"la cusine cul solâr di breis pituradis cul pais e lustradis a cere, e veve un barcon che al dave su la stradute"
gjavât fûr di "Il muc" di Roberto Ongaro
"la vetrine - gratade e piturade par ben - e à di vê almancul setante agns"
gjavât fûr di "Trê feminis" di Gianni Gregoricchio
piturât adi.
(pi-tu-rât)
Che al è stât sometût a tinture
sinonims
colorât, intent, intenzût, invernisât, tenzût, vernisât
esemplis
"il professôr di latin e talian si clamave F… , simpri ben vistût di scûr, cuntune barbute nere (o ai pôre che e fos ben piturade)"
gjavât fûr di "Un cuatri in italian" di Pieri Somede dai Marcs
"i siei cjavei neris piturâts i levin jù a slas pes spalis"
gjavât fûr di "Il dolfin" di Carlo Sgorlon
piturât adi.
(pi-tu-rât)
Sbeletât, spec. in maniere pesante (scherç.)
sinonims
pituraçât, trucât
esemplis
"la sô femine ae casse, ferme come il vidul su la cruchie, la muse piturade, pronte sui bêçs cu lis mans plenis di anei"
gjavât fûr di "Par stradis lungjis" di Alan Brusini
"e jere une vedrane in gringule ma stagjonade, dute piturade"
gjavât fûr di "A Aquilee" di Pieri Somede dai Marcs
piturât adi.
(pi-tu-rât)
Che al à un ciert colôr, une cierte forme, un ciert aspiet, come se al fos opare di un artist (fig.)
esemplis
"il cîl al jere piturât di nûi e di seren e il bosc, viers la mont, al jere a covis di colôrs secont la cualitât dai lens"
gjavât fûr di "Par stradis lungjis" di Alan Brusini
piturât adi.
(pi-tu-rât)
Che al è rapresentât o considerât intune cierte maniere (fig.)
sinonims
descrit, presentât
esemplis
"Onde Furlane piturade fin îr come une cove di estremiscj e je deventade un pulpit di furlanetât là che ancje i talianiscj si tegnin in bon di jessi invidâts a fevelâ e a discuti"
gjavât fûr di "Un Friûl difarent: i 90 mhz di Onde Furlane" di Max Mauro
piturât adi.
(pi-tu-rât)
Di sensazion, sintiment, emozion e v.i., che si viôt a clâr tal aspiet (fig.)
esemplis
"Catin e tornà indaûr doi dîs dopo, scunide di fam e cui fruts che a vevin piturât tai voi i spavents di chel viaç"
gjavât fûr di "Dome la cjampanute di Sant Bortul" di Maria Forte
piturât adi.
(pi-tu-rât)
Une vore dongje (fig.)
sinonims
tacât
esemplis
"al è un maledet, il torment de cjase, e po al è simpri piturât sun chê mostre di radio"
gjavât fûr di "Barbane" di Pieri Somede dai Marcs
piturât adi.
(pi-tu-rât)
De misure juste (fig.)
sinonims
a pinel, di pinel
esemplis
"chel vistît i sta piturât"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
torne sù
torne sù