Tu âs cirût la peraule
bilengâl monolengâl
Tu âs cirût la peraule
riversarsi
torne indaûr

bilengâl

riversarsi v.pronom.intr.
  • 1a

    v.pronom.intr. butâsi, dâ fûr Copie

    [CO] (stramontâ, lâ parsore, spandisi)
    rotti gli argini, il fiume si è riversato nella pianura = dopo di vê rots i arzins, il flum si è butât pe plane
  • 1b

    v.pronom.intr. butâsi Copie

    [CO] (movisi in masse e in mût disordenât)
  • 1c

    v.pronom.intr. colâ Copie

    [CO] (finî par pesâ su cdn.)
    le sue colpe si riverseranno sul suo popolo = lis sôs colpis a colaran sul so popul
  • 2

    v.pronom.intr. butâsi Copie

    [BU] (lâ cun fuarce)
  • 3

    v.pronom.intr. ribaltâsi, strucjâsi Copie

    [OB] (colâ spandintsi)

monolengâl

colâ v.intr.
(co-lâ)
Vignî jù dal alt viers il bas, finî intun puest plui bas
sinonims
cjadê, plombâ, precipitâ, scalapâ, sdramassâ, svolâ, tombolâ, vignî jù
esemplis
"dut il lanternit dal toglât e dal cjôt dai purcits al è colât par tiere te arie"
gjavât fûr di "La codebuie" di Checo Tam
"ogni volte che o vierç un scûr, a colin fruçons di stabilidure o tocuts di modon"
gjavât fûr di "Cjase di Dalban" di Maria Forte
"lis bombis a colarin su lis fabrichis e sui operaris, sui cuartîrs là che e viveve la int normâl, su lis feroviis, su lis radios, su lis televisions e ancje su lis scuelis"
gjavât fûr di "Cuintristorie dal Nûfcent 1990-2000" di Angelo Floramo
"jù pe muse di Tin pizighet a colavin lis lagrimis a spissul"
gjavât fûr di "Un macet di sanmartinis" di Pieri Menis
Viôt ancje: golâ
colâ v.intr.
(co-lâ)
Di fenomens atmosferics, vignî jù dal cîl
sinonims
lâ jù, trai, vignî jù
esemplis
"une gnot e je colade tante di chê nêf che, te buinore, o vin scugnût jessi di cjase pal barcon de cjamare"
gjavât fûr di "I forescj" di Alan Brusini, Gian Paolo Linda
"intal daspò misdì, che a Min i jere parût lunc come il passio, e jere colade tante di chê ploie che Diu nus vuardi"
gjavât fûr di "Aiar di cjase" di Franca Mainardis
colâ v.intr.
(co-lâ)
De part di un organisim, distacâsi de sô sede
sinonims
cjadê, vignî jù
esemplis
"in chei dîs un sirocâl al faseve colâ lis fueis prin da la ore"
gjavât fûr di "Sant Simon: 28 di Otubar 1917" di Pieri Somede dai Marcs
"intant la sô salût e leve simpri piês, i jerin colâts i dincj denant, la muse e jere dute une grispe"
gjavât fûr di "A jerin lagrimis" di Pieri Somede dai Marcs
colâ v.intr.
(co-lâ)
Di part dal cuarp, stâ intune posizion plui basse dal normâl par vie dal pês, de etât e v.i.
sinonims
lâ jù, vignî jù
esemplis
"in cualchi conte si dîs che aes aganis ur colavin lis tetis, alore lôr, par che no ur intrigassin cun ce che a vevin di fâ, lis butavin daûr schene"
"al à il barbonçâl che i cole che no si viôt nancje il cuel"
colâ v.intr.
(co-lâ)
Di costruzion o arbul o sim., no stâ plui impins
sinonims
ruvinâ, sdrumâ jù, vignî jù, cjadê
esemplis
"o ai inmò tai voi i peçs alts trente metris, cui braçs tirâts tal colâ par tiere e il bot che a fasevin e lis lidrîs inmò umidis e vivis inceadis e tal doman scridelidis tal soreli"
gjavât fûr di "Il zardin" di Alan Brusini
"Cul taramot dal 1511 al è colât il cjistiel vieri di Udin e po tal so puest a àn fat chel palaç che si viôt cumò "
colâ v.intr.
(co-lâ)
Di guvier, regjim o dinastie, pierdi il podê dal improvîs (fig.)
sinonims
cjadê, finî, sdrumâ jù
esemplis
"o vin sperimentât che, cuant che al cole il guvier - in medie ogni vot mês - la int nancje no si çugne"
gjavât fûr di "A restin nome carabinîrs e predis" di Riedo Pup
colâ v.intr.
(co-lâ)
No rivâ a passâ ben une prove (fig.)
sinonims
pierdisi, falâ, falî, sbaliâ
esemplis
"colâ inte domande plui facile"
colâ v.intr.
(co-lâ)
Ancje cu la particule "i", finî imbroiât o intun pont de discussion dulà che si scuen dâ reson a chel altri
esemplis
"se al viodeve, metìn, vignî fûr un di une bande là che a no jerin i siei cjamps, lu frontave cun tante polegane che lu faseve colâ"
gjavât fûr di "Vigji il vuardian" di Lucio Perès
"lu faseve spietâ intal puest precîs che jê e veve stabilît e dopo, magari, nancje no si presentave. De bande sô Nedo si imprometeve di no colâi plui"
gjavât fûr di "Trê feminis" di Gianni Gregoricchio
colâ v.intr.
(co-lâ)
No vê plui valôr, efiet e v.i. (fig.)
sinonims
distudâsi, finî, smamîsi, smavîsi, sparî, sfantâsi, lâ al mancul
esemplis
"la vecje toponomastiche leade al mont agricul no ven plui doprade ancje parcè che al cole il leam tra il doprâ i lûcs e il non"
gjavât fûr di "Studi da la evoluzion dal paisaç mediant i toponims" di Rino Gubiani
"lassâ colâ une domande cence rispuindi"
colâ v.intr.
(co-lâ)
Di comunicazion telefoniche, radiofoniche o televisive, interompisi dal improvîs
sinonims
pierdisi
esemplis
"la radio no si sintive. Il segnâl al jere colât"
gjavât fûr di "Un Friûl difarent: i 90 mhz di Onde Furlane" di Max Mauro
"o ai la batarie che e je scuasi finide, se e cole la linie, tu sâs che al è par chel"
colâ v.intr.
(co-lâ)
Passâ di une situazion a une altre che pal solit e je piês, cjatâsi intune situazion negative (fig.)
sinonims
cjatâsi, finî, lâ a finîle, lâ
esemplis
"la Furlanie e colave sot di un paron dûr, risolût a no molâle ni par pôc ni par trop"
gjavât fûr di "Cuintristorie dal Friûl fin sot la Italie" di Josef Marchet
"cuant che un al strace e nol sa doprâ ben la bondance, nol fâs nancje dûl cuant che al cole te miserie"
gjavât fûr di "Pre Pitin" di Antoni Beline
colâ v.intr.
(co-lâ)
Finî par pierdi di cualitât, finî intune cundizion o forme che no si pues calcolâ positive (fig.)
sinonims
scjadi, sbrissâ, lâ jù
esemplis
"nus sburtin a dismenteâ inte ilusion che il consum di prodots nus rindi libars e imortâi, intune semplificazion de realtât che e fâs colâ il pinsîr inte banalitât plui totâl"
gjavât fûr di "Interviste a Pierluigi Cappello" di Walter Tomada
"il bal al cole tal satanic. Il cjalt al scjafoie, il sudôr al scomence a puçâ"
gjavât fûr di "Viaç a Vignesie" di Arturo Feruglio
colâ v.intr.
(co-lâ)
Di alc di negatîf , capitâ (fig.)
sinonims
capitâ, finî, lâ, plombâ, sucedi, rivâ, vignî
esemplis
"lis vueris che a son coladis, une daûr di chê altre, sul cjâf de nestre int, no àn sparagnade nissune famee"
gjavât fûr di "Trê feminis" di Gianni Gregoricchio
"i vignivin tal cjâf lis vecjis storiis, sintudis di frut, che a contavin de vôs dal sanc, des maledizions che a colavin su chei che a alçavin la man cuintri i lôr viei"
gjavât fûr di "Il muc" di Roberto Ongaro
"al fo propit in chel Jugn morentât, che un gnûf dolôr al colà su chê cjase che e scomençave a insestâsi e comedâsi tes robis"
gjavât fûr di "Cjase di Dalban" di Maria Forte
colâ v.intr.
(co-lâ)
Finî, in gjenerâl par câs o par resons che no si puedin controlâ, intune cierte posizion, compagnie e v.i.
sinonims
jessi, finî, cjatâsi, intivâsi, lâ a finî, lâ a finîle, tocjâ
esemplis
"cheste volte tal eterni zûc de vite e veve saltât un grum di caselis e e jere colade in chê plui fortunade di dutis"
gjavât fûr di "Ombris tal infinît" di Carlo Sgorlon
"cuant che o soi lât a scuele o soi colât cu la stesse mestre che al veve vût gno fradi"
colâ v.intr.
(co-lâ)
Dai voi, de cjalade e v.i., indreçâsi par câs su alc o cdn.
sinonims
finî, lâ
esemplis
"cuant che o jeri daûr a tornâ sù, il voli mi colà tun cjanton, juste chel là che parsore al jere postât Alberti"
gjavât fûr di "Il solt di Arlunc" di Gianluca Franco
colâ v.intr.
(co-lâ)
Lâ a tocjâ un ciert argoment
sinonims
lâ, tocjâ, finî, rivuardâ, bati
esemplis
"il discors al colà sui Batistons, sul matrimoni di Guri e Nita"
gjavât fûr di "La aghe da pît la cleve" di Dino Virgili
colâ v.intr.
(co-lâ)
Ricori intun timp determinât di setemane o di lunari o cuntune cierte periodicitât
sinonims
jessi, tornâ, vignî
esemplis
"il scûr al jere penç, che al colave il gnûf di lune"
gjavât fûr di "Trê feminis" di Gianni Gregoricchio
"in chel an Pasche e colave adore: i mandolârs e i ciespârs a jerin ducj in flôr e lis âfs a businavin tra i ramaçs"
gjavât fûr di "Par une lengate" di Pieri Somede dai Marcs
colâ v.intr.
(co-lâ)
Di cdn. o dal so vivôr, cedi par vie di un sfuarç masse grant, no resisti plui (fig.)
sinonims
pierdisi, slacâ, socombi, sparî, sfantâsi, lâ in nuie, lâ al mancul
esemplis
"o sint che mi molin i zenoi e colâ lis fuarcis"
gjavât fûr di "Storie di Min" di Ivano Urli
colâ v.intr.
(co-lâ)
Di presits, cuotazions e sim., vê un ribàs une vore fuart
sinonims
colassâ, lâ jù, ribassâsi, calâ, sbassâsi
esemplis
"lis istessis nâfs a vapôr che a puartavin i emigrants intes Americhis a tornavin a Gjenue e intai puarts europeans plenis di gran coltivât dai americans, cussì che al colave il presit dal prodot european"
gjavât fûr di "Il Risorziment a Martignà" di Elio Varutti
colâ v.intr.
(co-lâ)
In loc.pragm., par domandâ ce che al sucêt
sinonims
nassi, jessi, sucedi
esemplis
"alore, ce colial cumò, che no le finîs plui di clamâmi?"
colâ v.intr.
(co-lâ)
Fâ une pression suntun pont, su alc o su cdn.
sinonims
pesâ, tocjâ
esemplis
"il pês dal arc al cole te stesse misure su lis dôs colonis"
colâ v.intr.
(co-lâ)
Di un vistît, di une tende, di cjavei e v.i., lâ jù intune cierte posizion o intun mût particolâr
sinonims
stâ, vignî jù, lâ jù
esemplis
"ogni tant Rosute si fermave a tirâsi sù cu la conole un riçot restîf che i colave jù pe muse"
gjavât fûr di "La aghe da pît la cleve" di Dino Virgili
"al jere un om grant e sec, cui cjavei grîs che i colavin sul cerneli e lis orelis"
gjavât fûr di "Prime di sere" di Carlo Sgorlon
"cjadenis di aur che a lavin in zîr dal cuel dôs voltis prime di colâ jù fin ae cinturele"
gjavât fûr di "Chei di Muraie" di Pieri Menis
"si tire jù la barete che i colave fin sul nâs"
gjavât fûr di "Un macet di sanmartinis" di Pieri Menis
colâ v.intr.
(co-lâ)
Finî intune cundizion negative pal umôr, pe morâl, pe legalitât e v.i.
sinonims
finî, lâ, sbrissâ, subissâsi, lâ a finîle
esemplis
"si jere come inflossît, e al colà dentri i pinsîrs plui neris"
gjavât fûr di "Mabile la Lunghine" di Maria Forte
"a fuarce di volê lâ cuintri il conformisim uficiâl, a colin intun conformisim contrari"
gjavât fûr di "Cuintristorie dal Friûl fin sot la Italie" di Josef Marchet
colâ v.intr.
(co-lâ)
[CO] (ling.) Di acent, jessi suntune cierte vocâl o silabe
sinonims
finî, jessi, lâ
esemplis
"se l'acent tonic al cole su la ultime vocâl scuvierte des peraulis polisilabis, si scrîf l'acent grafic"
colâ v.intr.
(co-lâ)
[CO] (ling.) Di sun o foneme o secuence di suns o fonemis, pierdisi, no jessi plui pronunziât
esemplis
"cundut che daûr di ciertis osservazions gjenerâls la lenizion par furlan no rive a fâ colâ lis dentâls intervocalichis (simpri Benincà, 1989), si cjate che in cualchi câs [d] intervocalic posttonic al cole"
gjavât fûr di "Di VĬDĔO a viôt e di CRĒDO a crôt. Une ipotesi di derivazion" di Sandri Carrozzo
detulis
"al è passât il timp che a colave la mane"
"al prin colp nol cole l'arbul"
"che al coli il mont, baste che nol coli par me"
"cuant che il piruç al è madûr, al cole"
"cuant che la piruce e je madure, e cole"
"cui che al à la cjamese scuintiade che al stedi atent che no i colin i bregons"
"cui che al è plui in alt nol pense che al po colà"
"cui che al nas disfortunât ancje se al cole par daûr si romp il nâs"
"cui che si sente sun dôs cjadreis dispès al cole par tiere"
"cul lâ ator di gnot si cole tal poç"
"cuntun colp nol cole l'arbul"
"e clope ancje la code dal mus, ma no cole"
"e treme la code dal mus, ma no cole mai"
"il fûs cuant che al cole al zure il vêr"
"il miôr piruç i cole in bocje al purcit"
"il mus che al è colât une volte nol cole plui"
"il piruç co al è fat al cole"
"il piruç nol cole mai lontan dal piruçâr"
"insom de scjale si cole"
"l'arbul al cole di chê bande che al pent"
"l'arbul al cole di chê bande che al plee"
"la blesteme a va ator siet agns e po e torne a colâ su par cui che le da"
"la tampieste e cole simpri sui cjans magris"
"la trope prudence e cole in imprudence"
"lis botis no colin mai dutis intune volte"
"lis maledizions a van trê dîs par lûc, po a colin là che e je la colpe"
"nissun mestri nol è colât dal cîl"
"no cole une fuee cence il permès di Diu"
"par un colp nol cole il len"
"se al plûf il dì di Sant Barnabè, e cole la ue fin che a' nd è"
"un vuarp che al mene un altri vuarp a colin ducj i doi te buse"
torne sù
torne sù