Hai cercato la parola
bilingue monolingue
Hai cercato la parola
rogo
Torna indietro

bilingue

rogo
  • 1

    s.m. pire Copia

    [CO] (tasse di lens tirade sù par brusâ un cadavar o par fâ sacrificis)
  • 2

    s.m. fûc, fogaron Copia

    [CO] (pene di muart li che il condanât al ven brusât parsore di une tasse di lens)
    le donne denunciate come streghe rischiavano di finire sul rogo = lis feminis denunziadis tant che striis a levin a pericul di finî sul fûc oppure sul fogaron
  • 3

    s.m. fûc Copia

    [CO] (il brusâ une vore violent di alc)
    il rogo doloso ha distrutto il magazzino = il fûc dolôs al à distrut il magazen

monolingue

fûc s.m.
Complès di efiets di calôr e di lûs, produsûts di alc che al bruse
esempi
"al ardeve sul fogolâr là sù insom un biel fûc, e a jerin intorji une sdrumie di lôr su cjadreis, cjadreons e scagnuts"
da "Rosaris" di Meni Ucel
"intant vignît ca, sentaitsi dongje il fûc a cjapâ une cjalde"
da "La ospitalitât" di Luigi Gortani
"Zuan, cussì, si jere sfrancjât e dispatussât ben sui segrets di une fornâs e il fûc lu veve in confidence"
da "La tiere di Lansing" di Maria Forte
"no vevin ancjemò tacât a impiâ il fûc tal spolert, e al jere un frêt plen di umiditât, che al penetrave tai vues"
da "Il dolfin" di Carlo Sgorlon
Vedi anche: fuc
fûc s.m.
[CO] Fameis, une volte ancje tant che unitât contributive
esempi
"tal borc a jerin dodis cjasis, dodis fûcs, e ducj cun cualchi secul di vite disgotade dì par dì in chel cjantonut dal mont"
da "Sot il puarti" di Pieri Menis
fûc s.m.
Il brusâ violent e slargjât di un lûc, di un bosc e v.i.
sinonimi
incendi
esempi
"l'an passât che al à trat saete su la stale di Beltram, o jerin in cuatri a parâ il fûc cul seglot"
da "Lis predicjis dal muini" di Josef Marchet
"chês faliscjis li tai forments sul seselâ… parmìs dai toblâts, pai fens… Divuardi un fûc!"
da "La aghe da pît la cleve" di Dino Virgili
fûc s.m.
Pont par meti a scjaldâ une cite sul gas tun fornel di cusine
esempi
"une cusine di trê fûcs e une lastre eletriche"
"cuant che [il rîs] al è cuet, gjavâ dal fûc e cuinçâ cuntun riç di spongje e une grampe di formadi gratât"
da "Jerbis salvadiis inte cusine furlane" di Giorgio Pascoli
fûc s.m.
Fuarte sensazion di cjalt (fig.)
sinonimi
scalmane, flame
esempi
"Rose si sintive a vignî rosse e nol bastave il fresc de sere a gjavâi il fûc che si sintive in muse"
da "Il muc" di Roberto Ongaro
fûc s.m.
Sintiment o sensazion une vore fuarte (fig.)
sinonimi
flame, passion
esempi
"jê lu cjalave cul fûc tai voi"
da "Sul agâr" di Pieri Menis
"al è trist cui che nol à fûc tal so sen e nol crôt"
da "Al mandolâr" di Ugo Pellis
fûc s.m., inter.
Tai zûcs, peraule che si dopre par segnalâ la vicinance di une robe che i fruts a àn di cjatâ
esempi
"aghe... aghe... lusignutis... fûc! fûc! ... cjatât!"
fûc s.m.
Schirie di colps di armis di fûc
esempi
"bombis fissis tant che confets a gnocis; e nô propit li sot; [...] il nestri tenent, che al jere un di chei che la vuere le veve fate, al à fat telegrafâ che se le finissin bon, se no al ven jù lui. Alore, fermât il fûc, ducj indenant une altre volte"
da "I ribei" di Alan Brusini
"al jere ta la aghe cul gjeni a fâ il puint di len jenfri doi fûcs, che ducj a traevin li ret, talians e todescs"
da "Come tai romançs" di Alan Brusini
fûc s.m.
Situazion vive, impiade, o ancje riscjose, pericolose, violente e v.i. (fig.)
esempi
"[te prime vuere mondiâl] i furlans a forin ad ôr dal fûc e si lassarin convinci che ur tocjave murî par salvâ lis lôr cjasis"
da "Cuintristorie dal Friûl dal 1866 fint in dì di vuê" di Francesc Placerean
fûc s.m.
[TS] (ot.) Pont dal as otic di une lint o di un spieli curvât li che i rais si incrosin
sinonimi
focus
fûc s.m.
[TS] (gjeom.) Pont dal plan di une coniche tâl che il rapuart jenfri la distance di ogni ponte de coniche e de diretorie al è costant
fûc s.m.
[TS] (astrol.) Trigon che al cjape dentri i segns zodiacâi di Sagjitari, Leon e Roc
fûc s.m.
[TS] (gjeol.) Pont li che, dentri de croste de Tiere, e partìs une scosse teluriche
sinonimi
focus
fûc s.m.
[TS] (cristal.) Dispersion di lûs blancje, che tal diamant e je une vore marcjade, che e prodûs un zûc cromatic une vore preseât
fûc s.m.
[TS] (med.) Centri prin di un procès patologjic
sinonimi
focus
fûc s.m.
Spec. tal pl., fusete che si fâs sclopâ tal cîl cun efiets dâts di particolârs preparazions e zontis chimichis, par fâ biel e par celebrâ fiestis
sinonimi
fûc artificiâl, fûc di artifici
esempi
"e par dî il vêr, dut al è lât pulît: / l'è lât ben il convît, / i fûcs a perfezion; / la bande nazionâl propri benon"
da "Relazion de Viele" di Pieri Çorut
"dopo i fûcs, si mangje e si bêf…"
da "Viaç a Vignesie" di Arturo Feruglio
proverbi
"a brusâ lens verts, si fâs fum e no fûc"
"a fûc là che al fume, a messe là che al sune"
"aghe lontane no distude fûc"
"cuant che al burle il fûc, o forescj o regâi o peteçs"
"cuant che al busine il fûc, forescj in cjase"
"cuant che il fûc al busine: o forescj o amîs a puartâ pueste"
"cuntun len sôl no si fâs fûc"
"da la aghe si cjape il pes, dal fûc nuie"
"di une lusigne al nas un grant fûc"
"dongje dal stran no stâ fâ fûc"
"dulà che al è stât il fûc al reste odôr di brusadiç"
"dulà che al è stât il fûc e reste la cinise"
"dulà che al fume al è fûc"
"dulà che tu viodis cinise tu disis che al è stât il fûc"
"il çoc vieri al è chel che al ten dongje dal fûc"
"il fûc al disfe la glace"
"il fûc al è mieze compagnie"
"il fûc al è une seconde compagnie"
"il fûc fin che al è sclâf al è biel e bon, ma vuai a lassâlu deventâ paron"
"il fum si viôt dulà che a fasin fûc"
"il fûs cuant che al cole al zure il vêr"
"l'amôr, il fûc e la tos prest si cognòs"
"l'aur si provilu tal fûc, la amistât te necessitât"
"l'Invier al fûc, l'Istât a la ombre"
"la aghe e il fûc a stan in pôc lûc"
"la aghe in bocje a distude il fûc"
"la stope dongje dal fûc si impie"
"Nadâl al zûc e Pasche dongje dal fûc"
"no stâ meti la paie dongje dal fûc"
"nol è mai fûc che nol scjaldi cualchidun"
"o cuete o crude il fûc le à viodude"
"ogni cjamin il so fûc"
"par distudâ il fûc ogni aghe e je buine"
"se al busine il fûc: o forescj o contrescj"
"un len sôl nol fâs fûc"
"vin, aghe e fûc a son bogns, se no si ju lasse deventâ parons"
Torna in Cima
Torna in Cima