Tu âs cirût la peraule
bilengâl monolengâl
Tu âs cirût la peraule
scomparire
torne indaûr

bilengâl

scomparire v.intr.
  • 1a

    v.intr. sparî Copie

    [FO] (di cdn., no jessi plui viodût)
    è scomparso tra la gente = al è sparît tal mieç de int
  • 1b

    v.intr. discomparî, disparî, sparî, smelcîsi Copie

    [FO] (no fâsi plui viodi o cjatâ)
    da un mese è scomparso dalla circolazione = za fa un mês al è disparît oppure si jere smelcît de circolazion
    è scomparso tutt'a un tratto senza lasciare neanche un bigliettino = al è disparît bot e sclop cence lassâ nancje un bilietut

    v.intr. lâ, murî Copie

    (murî)
    è scomparso improvvisamente il padre di una mia amica e domani c'è il suo funerale = al è muart oppure lât dut un colp il pari di une mê amie e doman al è il so funerâl
  • 2a

    v.intr. disparî, smelcî Copie

    [FO] (di alc, no podê plui jessi viodût)
    la cometa era scomparsa già nel mese d'aprile = la comete e jere disparide za intal mês di Avrîl
  • 2b

    v.intr. disparî, sparî Copie

    [FO] (no cjatâsi plui)
    le mie chiavi sono scomparse = lis mês clâfs a son disparidis
  • 3a

    v.intr. sfantâsi, disparî Copie

    [FO] (no sei fat plui, no sei mantignût tes usancis de int)
    la tradizione del pignarûl non è scomparsa = la tradizion dal pignarûl no je disparide

    v.intr. discomparî, disparî, sparî Copie

    (di specie biologjiche, no continuâ a riprodusisi par cualchi cause ambientâl)
    i dinosauri scomparvero circa 60 milioni di anni fa = i dinosaurs a disparirin uns 60 milions di agns indaûr
    il panda potrebbe scomparire se non verrà protetto = il panda al podarès discomparî se nol sarà protezût
  • 3b

    v.intr. passâ, disparî, sparî Copie

    [FO] (di une malatie e v.i., passâ, finî)
    il mal di pancia è scomparso = il mâl di panze al è sparît oppure passât
  • 4a

    v.intr. disparê, pierdisi Copie

    [FO] (no risaltâ, pierdi bielece, valôr, spec. se a front di alc altri)
    questo divano scomparirebbe nel nostro salotto = chest sofà al dispararès intal nestri tinel
  • 4b

    v.intr. disparî, sparî Copie

    [FO] (pierdi spic, cuarp, significât)
    in confronto ai tuoi titoli i miei spariscono = dongje dai tiei titui i miei a sparissin
  • 5

    v.intr. sparî, disparê Copie

    [FO] (di cdn., fâ brute figure)
    in confronto a te, come giocatore, io sparisco = dongje di te, tant che zuiadôr, jo o sparìs

monolengâl

pierdisi v.pron.intr.
(pier-di-si)
No savê plui là che si è e no cjatâ la strade
esemplis
"si scugnive passâ il bosc di Kebespok, une pinede fisse fisse, dulà che nancje di dì nol jentrave il soreli, e il passaç al jere cussì stret che no si stave in trê a pâr. Cualchidun al à visât di stâ atents par no pierdisi…"
gjavât fûr di "Tal bosc di Kebespok" di Pieri Menis
"cuant che al veve cjapade la scurtadorie par rivâ a cjase plui spedît, sedi distrazion, sedi strachetât, sedi destin, no si pierdial lui, che nol saveve di ce bande lâ"
gjavât fûr di "La fogolade dal bosc" di Josef Cjargnel
pierdisi v.pron.intr.
(pier-di-si)
No rivâ a stâ plui daûr di alc cul pinsîr, cu la atenzion (fig.)
sinonims
confondisi, confusionâsi, gredeâsi, imbroiâsi, ingredeâsi, sbarlufîsi, sconfondisi, straviâsi
esemplis
"emisferi di diestre, emisferi di çampe, man çampe, man diestre; dal sigûr cualchidun si à pierdût tal mieç di chestis peraulis"
gjavât fûr di "Il cjâf dai furlans" di Franc Fari
pierdisi v.pron.intr.
(pier-di-si)
Straçâ timp o fuarcis in robis che no coventin o in masse robis cence otignî risultât (fig.)
esemplis
"plui che pierdisi in cjacaris e in çavariaments, o varessin di jessi contents"
gjavât fûr di "‘Blecs’, ‘Tacons’ e altris supostis" di Marc Stolf
""Jo no sai parcè che mi piert a discori cuntun manoâl ignorant!""
gjavât fûr di "Cretevierte" di Roberto Ongaro
pierdisi v.pron.intr.
(pier-di-si)
Passâ il timp in alc che si fâs par gust, no par lavôr (fig.)
esemplis
"jo mi pierdevi a zuiâ cui gjats che si platavin tal toglât tal mieç dal stranc"
gjavât fûr di "Al cricave il dì" di Isa Dorigo
pierdisi v.pron.intr.
(pier-di-si)
Dâ impuartance, ancje puntiliose e rabiose, a alc che no le merete (fig.)
esemplis
"intant, ancje fra di lôr, lis feminis si pierdevin tor rimpins di nuie"
gjavât fûr di "Cjase di Dalban" di Maria Forte
pierdisi v.pron.intr.
(pier-di-si)
Lâ al mancul fin a cessâ di esisti (fig.)
sinonims
discjolisi, disfantâsi, disfumâsi, dislidisi, disparî, dissipâsi, distudâsi, disvinidrîsi, estinguisi, finî, murî, sfantâsi, smamîsi, sparî, studâsi, svampî
esemplis
"la vôs di un frut che al veve sberlât «la nêf, la nêf», come se al ves viodût un miracul, si è pierdude tal aiar fer"
gjavât fûr di "Il miracul dal plevan di Trep" di Pieri Menis
"se il Friûl al larà piardintsi come popul e come nazion parcè che si lassin smenteâ e distudâ i siei valôrs di culture, di storie, di lenghe, di tradizions, si savarà, almancul, a cui dâ la colpe"
gjavât fûr di "I furlans e la partecipazion" di Riedo Pup
pierdisi v.pron.intr.
(pier-di-si)
No risaltâ, no fâ spic (fig.)
sinonims
discomparî, dispierdisi, disparî, sparî
esemplis
"e je une grande robe pal nestri popul. No sin plui un fasûl messedât intune cite che si piert cun ducj chei altris. A san che o vin une muse"
gjavât fûr di "In non di Diu scomençait!" di Francesc Placerean
"lis iniziativis di cheste sorte, cundut de cualitât che a puedin vê vût, si son pierdudis te grande confusion mediatiche dal mont di vuê cence vê l'efiet sociâl che si sperave"
gjavât fûr di "Efiets economics e ocupazionâi des leçs di tutele de lenghe furlane" di Sandri Carrozzo, Linda Picco
pierdisi v.pron.intr.
(pier-di-si)
Ruvinâsi dal pont di viste morâl o finî intune cundizion di disgracie (fig.)
esemplis
"cul riscjo, (chest al è un riscjo) che i zovins si slontanin masse dai gjenitôrs e cussì plui facilmentri a si pierdin"
gjavât fûr di "Cemût tirâ su i fîs in cheste ete" di Francesc Placerean
pierdisi v.pron.intr.
(pier-di-si)
Lassâsi cjapâ a plen di une sensazion, di une situazion, di une passion e v.i., cence vê plui paronance di se stes (fig.)
esemplis
"le imbraçai a fuart e jê e faseve chel istès, intant che mi strissinave te cjamare. Jo mi pierdei in jê come dentri une largjure di mâr"
gjavât fûr di "Il dolfin" di Carlo Sgorlon
""[...] vuelial che une signorine come Clare si piardi tor un puar batocjo come Gelindo?""
gjavât fûr di "Co l'amôr al cimie" di Costantino Smaniotto
pierdisi v.pron.intr.
(pier-di-si)
No vê plui presince di spirt, fuarce di reazion, fuarce morâl, fiducie (fig.)
sinonims
sbarlufîsi, scaturîsi, sconciertâsi, spaurîsi, conturbâsi, dismedolâsi
esemplis
"a pre Zaneto i tocjà, tai agns Trente, par vie des leçs fassistis che a improibivin di doprâ i dialets, di no podê scrivi par tancj agns poesiis te sô lenghe mari, ma no si pierdè par chest, anzit"
gjavât fûr di "Emigrants a pro dai zovins" di Erika Adami
pierdisi v.pron.intr.
(pier-di-si)
Vignî pierdût, no rivâ a destinazion
esemplis
"la pueste e rivave regolarmentri, ancje se il nemì al intercetave dispès lis nâfs o i avions talians; alc si pierdeve ma i soldâts a jemplavin di continui chei fueuts celescj tant impuartants"
gjavât fûr di "La vuere di Checo" di Checo Tam
pierdisi v.pron.intr.
(pier-di-si)
No stâ plui tal so puest, dismontâsi, colâ
sinonims
distacâsi, dismontâsi, gjavâsi, colâ, disbletâsi
esemplis
"une dì si discerclà une ruede, si piarderin un cuatri rais e un doi gjaveis, e alore [il cjaruç] al restà fer tun cjanton da la arie"
gjavât fûr di "Il cjaruç dai Bas" di Dino Virgili
pierdisi v.pron.intr.
(pier-di-si)
Cun sens di reciprocitât, no jessi plui in relazion, in confidence, in amicizie
esemplis
"si vevin fatis amiis jê e Taresie e no si vevin pierdudis nancje dopo che Mafalde e jere lade a stâ a Lauçane"
gjavât fûr di "Trê feminis" di Gianni Gregoricchio
pierdisi v.pron.tr.
(pier-di-si)
No viodi, no sintî, no gjoldi di alc, no cjapâ une ocasion e v.i.
sinonims
mancjâ
esemplis
"se jo o fos siore e no maridade, o Signôr benedet, no mi pierdarès nancje un teatri, nancje un film a pene vignût fûr intes salis, o sarès inte prime file"
gjavât fûr di "Fade o strie" di Barbara Battel
"jê si pierdeve dut il spetacul de nature par stâ intune preson plene di comoditâts"
gjavât fûr di "L'arbul vieli" di Davide Peressoni
"no mi soi pierdût la ocasion di incuintrâlu par fâ cuatri cjacaris cun lui"
gjavât fûr di "David Puente, il cjaçadôr di ‘fake news’: «Fâur cuintri al è un dovê civîl»" di Dree Venier
detulis
"la sperance e je la ultime a pierdisi"
torne sù
torne sù