Hai cercato la parola
bilingue monolingue
Hai cercato la parola
sconfiggere
Torna indietro

bilingue

sconfiggere
  • 1

    v.tr. bati, vinci Copia

    [AU] (risultâ vincidôr di une bataie)
    i Cartaginesi sconfissero i Romani a Gergovia = i Cartagjinês a vincerin i Romans a Gjergovie

    v.tr. bati, vinci Copia

    (risultâ vincidôrs di une vuere)
    i Galli furono sconfitti nella guerra coi Romani = i Gjai e forin batûts te vuere cui Romans
  • 2

    v.tr. bati, vinci Copia

    [AU] (risultâ vincidôr di une competizion sportive, politiche, e v.i.)
    la squadra ospite ha sconfitto quella che giocava in casa = la scuadre di fûr e à batût chê che e zuiave in cjase
  • 3

    v.tr. bati, vinci Copia

    [AU] (parâ fûr, eliminâ un probleme sociâl, e v.i.)
    cercare di sconfiggere il problema della droga = cirî di bati il probleme de droghe
  • 4

    v.tr. bati, vinci Copia

    [AU] (blocâ, reprimi)
    lottando con se stesso ha sconfitto il vizio del fumo = lotant cun se stes al à vinçût il vizi dal fumâ

monolingue

bati v.tr., v.intr.
(ba-ti)
Dâ jù, soredut plui voltis, su di alc
esempi
"batint il martiel sul incuin che al sunave tant che une cjampane pal fûc"
da "Come tai romançs" di Alan Brusini
"il vieli al batè l'açalin e la lescje si impià"
da "La aghe da pît la cleve" di Dino Virgili
"i muredôrs a jemplarin di ciment e claps; a baterin il beton par che si infissìs"
da "La aghe da pît la cleve" di Dino Virgili
bati v.tr.
(ba-ti)
Fâ che alc o une part dal cuarp e dedi un colp, ancje cence volê cuintri di alc
sinonimi
petâ dentri, pocâ
esempi
"stâ atent di no bati il cjâf"
"al veve di vê batude la muse, parcè che in bande dal cerneli al coreve un riul di sanc"
da "Trê feminis" di Gianni Gregoricchio
bati v.tr.
(ba-ti)
Tocjâ, ancje cence tante fuarce
esempi
"pre Checo i batè la man su la spadule, in confidence"
da ""Nocent"" di Maria Forte
bati v.tr.
(ba-ti)
Movi svelte une part dal cuarp
sinonimi
sbatacolâ, scjassâ
esempi
"il colomp, par un moment, al restave incjantât, al bateve lis alis par tornâlis a industriâ"
da "Cjase di Dalban" di Maria Forte
bati v.intr.
(ba-ti)
Vê un moviment ritmic di contrazion e distension
sinonimi
palpitâ, pocâ, pulsâ, scampanotâ
esempi
"si gjavà une manece par viodi cun doi dêts sul cuel se si sintive il cûr a bati"
da "Un piçul particolâr" di Fabian Ros
bati v.tr., v.intr.
(ba-ti)
Lâ a finî su alc, soredut cun regolaritât
sinonimi
dâ, petâ, colâ
esempi
"difûr al svinte, a voltis al lampe e al tone e la ploie e bat a bugadis sui veris"
da "Un pugn di moscjis" di Pieri Somede dai Marcs
bati v.tr.
(ba-ti)
Dâ jù pachis
esempi
"une volte un stampadôr inrabiât lu veve batût e blestemant i veve dit che chel nol jere lavôr par lui"
da "Sul agâr" di Pieri Menis
bati v.intr.
(ba-ti)
Jessi impegnât intun combatiment
sinonimi
combati, scombati, lotâ
esempi
"Garibaldi al rivà propit dongje di nô che o batevin, e lis balis a sivilavin e a fasevin pericul pardut"
da "Cjase di Dalban" di Maria Forte
"i furlans de Julie a àn tignût dûr a sun di patî e murî: ordin di murî sul puest cence molâ e cence vê cun ce e parcè bati"
da "Cuintristorie dal Friûl dal 1866 fint in dì di vuê" di Francesc Placerean
bati v.tr.
(ba-ti)
Tormentâ
sinonimi
lambicâ, tormentâ, travaiâ
esempi
"il Friûl al jere batût di une altre tremende scjassade, dal taramot dai 15 di Setembar"
da "Memoriis di politiche linguistiche" di Adrian Cescje
bati v.tr.
(ba-ti)
Vinci intune competizion, intun confront, intun conflit e v.i.
sinonimi
avanzâ, passâ, sbaraiâ, superâ, vinci
esempi
"il 23 di Març [dal 1849] i piemontês a forin batûts a Novara e la vuere e finì, lassant Vignesie bessole"
da "Zuan Batiste Cavedalis - Une vite esemplâr" di Giovanni Pillinini
"inte partide zuiade nossere la scuadre blancje no à fastidis a bati il Vicenza"
da "Cope Italie, l’Udin al va indenant e il Pordenon si ferme" di Marc Stolf
bati v.tr.
(ba-ti)
[TS] (sport) Meti la bale in zûc o tornâ a meti la bale in zûc (ancje ass.)
sinonimi
servî
esempi
"intal principi dal secont timp la Juve Stabia e je pericolose cuntune combinazion che e tache dal corner batût di Ricci"
da "Pordenone – Juve Stabia 2-1" di Marc Stolf
bati v.tr.
(ba-ti)
Intai zûcs di cjartis, butâ jù une cjarte
sinonimi
butâ, meti jù
esempi
"al tornave a cjase cjoc, al pestave Catine, la sô femine, dopo jessi stât dut il dopomisdì a bati lis cjartis ta la ostarie"
da "La spiarie" di Pieri Somede dai Marcs
bati v.tr.
(ba-ti)
Segnâ un ritmi cun colps
esempi
"bati il pît sunant la ghitare"
bati v.tr., v.intr.
(ba-ti)
Des cjampanis o di altris struments, sunâ pes oris o par cualchi altre reson
sinonimi
sunâ, tocjâ
esempi
"nol veve ancjemò batût misdì, che e fo une altre volte a Rivis Darcjan"
da "Trê feminis" di Gianni Gregoricchio
"l'orloi sul mûr al batè lis nûf e mieze"
da "Prime di sere" di Carlo Sgorlon
bati v.intr.
(ba-ti)
Di sfranzel, mierli e di altris uciei., fâ une sivilade curte, lizere e ripetude
bati v.tr., v.intr.
(ba-ti)
Riferîsi a alc cun insistence (fig.)
sinonimi
puartâ, riferîsi, smirâ, tornâ
esempi
"a son almancul sîs mês che nô e altris o batìn chest cantin"
da "Cuarde e savon" di Josef Marchet
"onorâ nol vûl dî, come che si à simpri batût e insegnât, ubidî, ma alc di plui"
da "La eterne lote dai furlans" di Antoni Beline
"i miei gjenitôrs a batin une vore sul pont "colaborâ" e massime sul ordin"
da "Sul florî" di AAVV
bati v.tr., v.intr.
(ba-ti)
Dâ piçui colps tant che segnâl par che cualchidun al vegni a vierzi o a fevelâ
sinonimi
pocâ, tucâ
esempi
"al rivà su la puarte e al batè, malsigûr"
da "Rosaris" di Meni Ucel
"che al bati sul banc, che al bati fuart, al viodarà che si svein"
da "I forescj" di Alan Brusini, Gian Paolo Linda
bati v.tr.
(ba-ti)
Frecuentâ dispès
sinonimi
bacigâ, frecuentâ, praticâ, triscâ, ve a ce fâ, vê a man
esempi
"fra Anselm al jere cognossût in dut il borc par vie che a jerin un grum di agns che al bateve chê strade"
da "Chei di Muraie" di Pieri Menis
"Vigji cun tancj agns che al bateve la taviele e i paîs dal Comun, fasint ancje il cursôr, al cognosseve i nons di ducj"
da "Vigji il vuardian" di Lucio Perès
bati v.intr.
(ba-ti)
Prostituîsi su la strade
esempi
"o podevin cussì creâ jo e barbe Oglala la nestre pornostar personâl, invezit di lâ a cirî chês femenutis che a batevin a Passarian"
da "Sense" di Checo Tam
bati v.tr., v.intr.
(ba-ti)
Passâ par un puest, soredut par cirî alc
sinonimi
cjoli, compassâ, perlustrâ, stazâ, talpinâ, zirâ
esempi
"sì lafè… jo a bati tal desert e a scombati cul ghibli, cu la sêt, cui pedoi"
da "Tripoli bel sol d'amore" di Pieri Somede dai Marcs
"ducj i fossâi ju bateve ad a ments, e lis incrosaduris des aghis sfiliadis di bladaçs dai palûts"
da "Il vivi al è chel rangjâsi" di Maria Forte
bati v.tr., v.intr.
(ba-ti)
[CO] (milit.) Colpî un obietîf cun tancj tîrs di artiliarie
esempi
"prime dal assalt dai fants, i canons a usavin a bati lis trinceis dai nemiis"
bati v.tr.
(ba-ti)
[TS] (topogr.) Rilevâ la posizion planimetriche e altimetriche cul partî dal pont di stazion
esempi
"bati lis cuotis"
bati v.tr.
(ba-ti)
Dâ colps par dividi grans, semencis o liùms di parts vegjetâls che si scartin
sinonimi
machinâ
esempi
"si veve di bati il forment, in chei agns il forment si lu puartave cjase, a turni la trebie e leve di une cjase a chê altre"
da "Jo e Graziella" di Mario Beltramini
"la int intai curtîi e finive in chê volte di bati, e ancjemò pal aiar e svolave la bule"
da "Il prin sarasin" di Catarine Percude
bati v.tr.
(ba-ti)
Movi fuart un o plui ingredients cul batiûfs o cun cualchi altri imprest par messedâ e formâ sbrume
sinonimi
sbati
esempi
"bati i ûfs cul zucar, fin che no vegnin sbrumôs e blancs"
da "Tarta de Santiago - Torte di Sant Jacum di Galizie" di Sandri Carrozzo
bati v.tr.
(ba-ti)
Scrivi cuntun imprest a tastiere o a botons
sinonimi
scrivi
esempi
"cuant che al veve batût a machine chescj sfueis pre Antoni al veve a pene 33 agns"
da "La fabriche dai libris... Riflessions di un predi cjargnel" di Roman Michelot
"sô sûr i veve fat bati un telegram, «ven subit, to pari al stâ tant mâl»"
da "La cjarande" di Pieri Somede dai Marcs
bati v.tr.
(ba-ti)
Stampâ
esempi
"un libri di storie dal Friûl, prontât dal diretôr dal sfuei Friuli d'Oggi, Zuan Franc Elar, al jere za stât scrit e batût in tipografie"
da "Memoriis di politiche linguistiche" di Adrian Cescje
bati v.tr.
(ba-ti)
Lavorâ un metal dant colps
esempi
"si sente da pît il bearç, daprûf des batadoriis e li al tache a bati falcets"
da "Lis predicjis dal muini" di Josef Marchet
"un omenut dut neri pal fum al bateve sul incuin un fier di cjaval dut sbolçât"
da "Grivôr" di Franca Mainardis
bati v.tr.
(ba-ti)
Produsi monede di metal o di cjarte
esempi
"il stes Conrât al dave a Popon il dirit di bati monede, che al vignive a significâ une vere sovranitât"
da "Cuintristorie dal Friûl fin sot la Italie" di Josef Marchet
bati v.tr.
(ba-ti)
Bolâ, o par estension ancje dome dâ fûr un document cun valôr uficiâl
esempi
"no son obleadis a bati la ricevude fiscâl"
da "Nonos e nonis a nauli" di Riedo Pup
bati v.intr.
(ba-ti)
Vê une corispondence, un risultât just
sinonimi
tornâ, corispuindi
esempi
"tra ce che o vin vendût e i bêçs che a son in casse i numars no batin"
proverbi
"a bati e a tornâ a bati, si vierç la puarte"
"a palâ nêf e a spacâ coculis, dut lavôr dibant"
"bisugne bati il fier cuant che al è cjalt"
"bisugne bati par che a vierzin"
"cualchi len al nas par indorâ, cualchidun par bati il mus e cualchidun par fâ coronis"
"cui che nol po bati il mus al bat la siele"
"cul bati il martiel si cjate la magagne"
"i gjats no muerin se no batin il nâs"
"il soreli al bat tal pantan ma no si sporcje"
"la lenghe a bat dulà che il dint al dûl"
"no si po fâ di Crist e bati batecui"
"prin di dî une peraule, bisugne bati la ale tant che il gjal"
"se la invidie e fos la fiere, trops di lôr le batarès"
"se no si po bati il cjaval, si bat la siele"
"trê voris a son dibant: palâ nêf, bati coculis e copâ oms"
Torna in Cima
Torna in Cima