Tu âs cirût la peraule
bilengâl monolengâl
Tu âs cirût la peraule
smentire
torne indaûr

bilengâl

smentire v.tr.
  • 1

    v.tr. dineâ Copie

    [AU] (mostrâ che alc che al è stât dit o scrit al è fals)
    nuove ricerche hanno smentito la vecchia teoria = ricercjis gnovis a àn ancje dineade la teorie viere

    v.tr. scuaiâ, smascarâ Copie

    (mostrâ che cdn. al è un bausâr)
    smentire un bugiardo = scuaiâ un bausâr
  • 2

    v.tr. dineâ, discognossi Copie

    [AU] (ritirâ ce che si veve dit prime)
    l'accusato ha smentito le sue dichiarazioni = l'acusât al à dineât lis sôs declarazions
  • 3

    v.tr. dislontanâsi, tradî Copie

    [AU] (risultâ diferent e contrari di ce che si spietavisi)
    il nuovo prodotto non smentisce i precedenti successi = il prodot gnûf no si dislontane dai sucès stâts

monolengâl

dineâ v.tr.
(di-ne-â)
No volê ricognossi, no volê ameti
sinonims
refudâ, neâ
esemplis
"la situazion etniche de Furlanie ducj le cognossin di là dal confin, e cul dineâle o scuindile no si le mude e no si le distrûç"
gjavât fûr di "Ce che a vuelin" di Josef Marchet
Viôt ancje: deneâ
dineâ v.intr.
(di-ne-â)
Dî di no
sinonims
refudâ, neâ
esemplis
"al dineave menant il cjâf, di no, di no, come par sostignî lis peraulis"
gjavât fûr di "Cjase di Dalban" di Maria Forte
dineâ v.tr.
(di-ne-â)
Ribati alc dimostrant il contrari
sinonims
bati, contradî, contrastâ, lâ cuintri, neâ, contindi
esemplis
"[Ciceri] no si vergogne di proferî cheste grande argomentazion par dineâ che i slovens des valadis de Tor a son slovens, parcè che no clamin ‘gostilna' la ostarie, ma ‘ostarija'"
gjavât fûr di "Memoriis di politiche linguistiche" di Adrian Cescje
"l'om nol è iscrit ta la anagrafe, ma nissun po dineâ che da plui di un an nol sei incjasât tal comun, e voie o no voie, al è notât te popolazion provisorie"
gjavât fûr di "La ultime firme de mê podestarie" di Pieri Somede dai Marcs
dineâ v.tr.
(di-ne-â)
No dâ, no concedi , no consintî e v.i.
sinonims
refudâ, gjavâ, neâ
esemplis
"al tirave dilunc sbarcjant lunari e cuant che no jerin plui napis di spacâ, nissun i dineave une bocjade di companadi e une fete di polente"
gjavât fûr di "Spacecjamin" di Pieri Somede dai Marcs
"chel fregul di autonomie che si à domandade nus ven ancjemò dineade"
gjavât fûr di "E se no nus dassin la autonomie" di Josef Marchet
"conseis e plasês no jai dinei a di nissun…, se o pues"
gjavât fûr di "Int di masnade" di Alviero Negro
dineâ v.tr.
(di-ne-â)
Mudâ dal dut di posizion politiche sociâl, religjose e v.i., bandonant une comunitât, une idee, une cause e sim.
sinonims
rineâ, refudâ, neâ
esemplis
"al jere lât a vivi intun apartament de capitâl, dulà che al jere paron un universitari che al veve dineât lis sôs lidrîs borghesis, bandonât la famee, e al veve ufiert ricet a cuatri compagns dal so moviment"
gjavât fûr di "Ombris tal infinît" di Carlo Sgorlon
dineâ v.tr.
(di-ne-â)
Gjavâ il ricognossiment di un leam, spec. di un leam di parintât
sinonims
rineâ, refudâ, ripudiâ, parâ vie, mandâ vie, neâ
esemplis
"na cristiana di Rioni deneada dai siôs a era zuda a vivi cun lui e la famea a era nassuda cussì e slargjada dopo"
gjavât fûr di "La femina di Marasint" di Novella Cantarutti
torne sù
torne sù