Tu âs cirût la peraule
bilengâl monolengâl
Tu âs cirût la peraule
spalancarsi
torne indaûr

bilengâl

spalancarsi v.pronom.intr.
  • 1

    v.pronom.intr. spalancâsi Copie

    [CO] (vierzisi dal dut)
    la porta si è spalancata al loro arrivo = la puarte si è spalancade cuant che a son rivâts
  • 2a

    v.pronom.intr. vierzisi, spalancâsi Copie

    [CO] (mostrâsi al improvîs)
    il paesaggio si spalanca appena si arriva in cima al passo = il paisaç si vierç a pene che si rive insom dal pas
  • 2b

    v.pronom.intr. dissegnâsi, vierzisi Copie

    [CO] (prospetâsi, mostrâsi in prospetive)
    dopo il licenziamento gli si sono spalancate nuove prospettive = dopo dal licenziament, si son viertis par lui prospetivis gnovis

monolengâl

vierzisi v.pron.intr.
(vier-zi-si)
Cjapâ une posizion che e permet la comunicazion, il passaç, la viste e v.i.
esemplis
"fin cuant che une puarte si viarç e o colìn dentri e o lassìn fûr, par un moment, il businâ dai dius e il frêt de gnot"
gjavât fûr di "Donald dal Tiliment" di Stiefin Morat
"a di un pont il barcon de cjamare finalmentri al piule e si vierç"
gjavât fûr di "Serenadis" di Meni Ucel
vierzisi v.pron.intr.
(vier-zi-si)
Di struture che e permet il passaç, la viste o che e à forme ingjavade, jessi orientade di une cierte bande
esemplis
"e jere une biele stanzie, grande e lusorose, cui barcons che si vierzevin suntun piçul parc"
gjavât fûr di "Aiar di cjase" di Franca Mainardis
"une androne sepulide tra mûrs vieris sporcs di frusin e di jerbe si vierç su la plaçute dal borc"
gjavât fûr di "La androne" di Dino Virgili
vierzisi v.pron.intr.
(vier-zi-si)
Di elements o robis fatis di plui elements, ancje di parts dal cuarp o sim., distirâsi, cjapâ une posizion li che i elements a son plui lontans tra di lôr
sinonims
slargjâsi
esemplis
"o vevi viodût il bec dal falcuç maglât di sanc, il sierâsi e il vierzisi gnervôs des sgrifis, seneosis di sbridinâ"
gjavât fûr di "Il dolfin" di Carlo Sgorlon
"sù in alt, nui neris a barcjons si corevin daûr, si scjavalgjavin, si ingrumavin, si vierzevin e, daûr di lôr, il celest al sparive come glotût"
gjavât fûr di "La bissebove" di Pieri Somede dai Marcs
"pardut che a poin i lôr piduts o li che lis lôr cotulis a cjarecin la jerbe si vierzin lis rosis: cjampanutis, ciclamins, cidivocs, zîs"
gjavât fûr di "Salvans!" di Sandri Di Suald
vierzisi v.pron.intr.
(vier-zi-si)
Rompisi, vê une creture, une sbregadure e v.i.
esemplis
"“E une mont che si sclape. La gnot a crepe une piere, la piere si viarç...”"
gjavât fûr di "Kebar krossè" di Stiefin Morat
"a impirâ i braçs di sio pari muart ta chê gjachituta strenta cha a si vierzeva par duti li cumissuri"
gjavât fûr di "La not di Gjoriu" di Novella Cantarutti
"di bon al podeva dome jessi che, se il taramot al tornava, a si vierzès la cjera da scomparî ducj, jo cu la mê zent"
gjavât fûr di "Fat di voladia" di Novella Cantarutti
vierzisi v.pron.intr.
(vier-zi-si)
Deventâ plui larc o vê un aspiet plui larc e viert
sinonims
ingrandîsi, serenâsi, slargjâsi
esemplis
"la planure, là jù insom, si vierzeve in tacjis che, di claris, a covis, e deventavin neris"
gjavât fûr di "Amîs come prime" di Alan Brusini
"i bûs a tignivin dûr e intor dal music al fumave il flât. I lens a slargjavin i forcjàs cuintri il nulât, pôi e vencjârs a sgriavin il cîl. [...] Po si vierzè une largjure e, là jù a dret, il paîs"
gjavât fûr di "L'avôt" di Maria Forte
vierzisi v.pron.intr.
(vier-zi-si)
Scomençâ a podê jessi doprât, traviersât, gjoldût, patît e v.i.
esemplis
"chestis specificitâts [...] si palesarin in chei agns parcè che propit in chê volte si vierzerin spazis dulà pandi ideis, aspirazions e dibisugnis"
gjavât fûr di "La Cjarte di Strasburc dal 1981. Une Risoluzion “storiche” e ancjemò di atualitât" di Marc Stolf
"denant di te si vierç une strade vueide… cun dute la sô lungje malinconie"
gjavât fûr di "Cjase di Dalban" di Maria Forte
"tu viodarâs Rose che une vite gnove si vierzarès ancje par te, une vite serene"
gjavât fûr di "Vilie di Nadâl" di Pieri Somede dai Marcs
vierzisi v.pron.intr.
(vier-zi-si)
Deventâ plui facil di viodi, di capî
sinonims
mostrâsi, pandisi
esemplis
"e jere une veretât che si vierzeve e si sclarive, cumò, tant che un miracul"
gjavât fûr di "La aghe da pît la cleve" di Dino Virgili
vierzisi v.pron.intr.
(vier-zi-si)
Jessi plui seren, plui biel
sinonims
serenâsi
esemplis
"la sô muse si vierzeve tun ridi maraveôs"
gjavât fûr di "I forescj" di Alan Brusini, Gian Paolo Linda
vierzisi v.pron.intr.
(vier-zi-si)
Deventâ disponil, pront al confront, ae colaborazion e v.i.
esemplis
"o vin di cjapâ cussience che nô o vin bisugne di vierzisi [cul cumierç] di dutis lis bandis, no dome di une"
gjavât fûr di "La nestre storie" di Francesc Placerean
vierzisi v.pron.intr.
(vier-zi-si)
Jentrâ in confidence, o ancje tal specific fâ une confidence, une confession
sinonims
molâsi, smolâsi
esemplis
"sul prin, cun lui, o ai stentât a vierzimi"
gjavât fûr di "Trê feminis" di Gianni Gregoricchio
"e veve cirût di fâ alc par judâle, ma la Ulive no si vierzeve"
gjavât fûr di "La tiere di Lansing" di Maria Forte
"cumò il Cosac al scomençave a vierzisi un fregul, a dâ confidence e il polizai al profità e al spulzinâ fûr plui che al podè"
gjavât fûr di "Cretevierte" di Roberto Ongaro
vierzisi v.pron.intr.
(vier-zi-si)
Jessi sul principi, vê un inizi
sinonims
scomençâ, tacâ
esemplis
"e stave par vierzisi une gnove stagjon, une gnove ete plene di sorpresis e di novitâts"
gjavât fûr di "Il sium di Lissandri" di Franca Mainardis
"la cunvigne [...] si vierzarà aes 10 di matine"
gjavât fûr di "Cormons capitâl furlane" di Erika Adami
detulis
"a bati e a tornâ a bati, si vierç la puarte"
torne sù
torne sù