Hai cercato la parola
bilingue monolingue
Hai cercato la parola
spargimento di sangue
Torna indietro

bilingue

spargimento di sangue
  • 1

    loc.s.m. sanc Copia

    [CO] (feriment, copament)
    una rivolta senza spargimento di sangue = une rivolte cence sanc

monolingue

sanc s.m.
Licuit organic ros scûr, viscôs, costituît di plasme e corpuscui, che al circole tal aparât cardiovascolâr dai Vertebrâts, sburtât des pulsazions dal cûr, traspuartant e distribuint diviersis sostancis tal organisim
esempi
"altris complicazions [dal diabete] a puedin jessi [...] disturps de circolazion dal sanc intes arteriis dal cûr e dal cerviel"
da "Curâ il diabete" di Guglielmo Pitzalis
"la donazion di sanc al è un at fondamentâl par contribuî ae salût de coletivitât"
da "ABC... Dona!" di AAVV
sanc s.m.
In espressions che a pandin violence, copament, maçalizis, muart e v.i. (fig.)
esempi
"se tu vens ca sù tes cretis / là che lôr mi àn soterât, / al è un splaç plen di stelutis, / dal mio sanc l'è stât bagnât"
da "Stelutis alpinis" di Arturo Zardini
"la nazion no si contente di vê vût il lôr sanc: e vûl ancje sfrutâ la lôr memorie e la lôr sepulture par chê propagande gladiatorie"
da "Si tornial a cjariâ la suste?" di Josef Marchet
"la mê cjera a è brusada e dirocada e sporcjada di sanc. I mê fradis a morin, ca intor, ca vissin: e a mi a mi pâr di mori cun lour"
da "I Turcs tal Friûl" di Pier Paolo Pasolini
sanc s.m.
Apartignince a une gjernazie, a une famee, a une raze (fig.)
sinonimi
cueste, çoc, gjernazie, naie, origjin, plante, raze, renazie, riunde, semence, stirpe
esempi
"un nazionalisim garp che nol à ni sens ni reson di jessi intun sît là che il sanc si à messedât e tornât a messedâ, dulà che al è juste il sanc che nus fâs ducj fradis"
da "Jentrade a Sacheburache" di Celso Macôr
"te stale il cjaval di bon sanc al durmive impins"
da "Gnot clare gnot scure" di Pieri Somede dai Marcs
sanc s.m.
Ce che si à, patrimoni (fig.)
sinonimi
sostance, patrimoni, ben, avê
esempi
"al tacà a sberghelâ che lu vevin ruvinât, che i vevin robâts i siei sudôrs, il so sanc"
da "Il fi de Rosse" di Pieri Menis
sanc s.m.
Part profonde e vive di une persone (fig.)
sinonimi
anime, spirt
esempi
"i fîs di siôr Simon no vevin nissun dafâ cun chê braide, che no jere mai jentrade tal lôr sanc cu la fadie o cul cjalt di un afiet"
da "La tiere di Lansing" di Maria Forte
sanc s.m.
Fuarce vitâl, energjie (fig.)
esempi
"par salvâ il furlan di une muart sigure, par fermâ la sô agonie, par meti ancjemò un fregul di sanc tes sôs venis, al è nome un rimiedi e nome un mieç: fâlu insegnâ tes scuelis"
da "Dome un rimiedi par salvâ il furlan: insegnâlu tes scuelis" di Josef Marchet
proverbi
"al à di cori il sanc pes sôs venis"
"bisugne lassâ lâ il sanc pes sôs venis"
"fûr sanc, dentri mistîr"
"i bêçs a son il secont sanc dal om"
"il sanc al tire"
"il sanc nol è aghe"
"il vin al fâs bon sanc"
"l'om cence bêçs al è un om cence sanc"
"no si po gjavâ sanc dal mûr"
"o vin ducj il sanc ros"
"sanc nol è aghe ni brût di fasûi"
"se tu ti tais il nâs, il sanc ti va in bocje"
"se tu ti tais un dêt, al jes sanc"
"une tace di vin ros di vinars sant, al va dut in sanc"
Torna in Cima
Torna in Cima