Hai cercato la parola
bilingue monolingue
Hai cercato la parola
spia
Torna indietro

bilingue

spia
  • 1a

    s.f. spie, spion Copia

    [FO] (cui che al spie i segrets di Stât)
    una spia degli Stati Uniti = une spie dai Stâts Unîts
  • 1b

    s.f. spie, spion Copia

    [FO] (cui che al spie i segrets di imprese)
    è una spia della concorrenza = al è une spie de concorence
  • 1c

    s.f. spie, spion Copia

    [FO] (cui che al spie fûr i afârs di chei altris)
    quando la smetti di fare la spia? = cuant le finissistu di fâ il spion?
  • 2

    s.f. spie, segn Copia

    [FO] (segn di alc che al sta sot)
    tutto questo è spia di corruzione morale = dut chest al è segn oppure spie di coruzion morâl
  • 3

    s.f. segnâl, spie Copia

    [TS] (segnâl luminôs o acustic par visâ che alc di un aparât al funzione o nol funzione)
    si è accesa la spia della benzina = si è piade la spie de benzine
  • 4

    s.f. spie Copia

    [TS] (implant par spiâ lis telefonadis)
  • 5a

    s.f. voli, spie, buse, buchere Copia

    [CO] (buse par spiâ)
    la spia del forno = la spie dal for
  • 5b

    s.f. spie, buse Copia

    [CO] (buse par spiâ trop vin che al è intune bote o ben se intun for il pan al è cuet)
  • 6

    s.f. voli, spie, buse Copia

    [TS] (buse tal sipari par viodi la sale dal teatri)
  • 7

    s.f. paline Copia

    [TS] (in edilizie)

locuzioni

    vetro spia
  • spie, veri di spieCopia
    [TS] (oblò di serbatoris, autoclavis e altri contignidôrs par podê viodi dentri)

monolingue

buse s.f.
(bu-se)
Viertidure, pal solit plui o mancul taronde, che e passe alc di une bande a chê altre
sinonimi
bûs
esempi
"o plati la buse tai bregons de tute e la maiate di cjase cul capot"
da "La dentiere pierdude" di Francesca Gregoricchio
"di une buse tal mûr e jentrà une surisute"
da "Sante" di Checo Tam
"cuntun baston di fier spiçât al jere za rivât a fâ une biele buse tal solâr de sô cele, sbusant trê strâts di breis e un di marmorin, par la cuâl la vie di scjampâ e jere biele che pronte"
da "Friûl e furlans te Histoire de ma vie di Giacomo Casanova" di Pierluigi Visintin
"so pari al jere stât operât tal cuel e al veve une buse o pensi par respirâ"
da "Jo e Graziella" di Mario Beltramini
buse s.f.
(bu-se)
Orifizi dal cuarp
sinonimi
orifizi, bûs
esempi
"il so Spirit al soflà tes busis dal nâs une soflade di vite e l’om al deventà une creature vivente"
da "Nadâl doi mil e disevot" di Gaetan Cogôi
"nol sint chel alì ve, siôr, se no i berle te buse de orele"
da "La visite dal vescul" di Meni Ucel
buse s.f.
(bu-se)
Viertidure te tiere, plui o mancul largje e fonde
sinonimi
bûs, cunete, fondon, fuesse
esempi
"sgjavâ une buse"
"colmenâ une buse"
"la ploie e tornave a jemplâ lis busis de strade"
da "La salamandrie tal fûc" di Carlo Tolazzi
"al cjapà un troi plen di claps e di busis glaçadis"
da "Prime di sere" di Carlo Sgorlon
buse v.tr.
(bu-se)
Puest ingjavât dulà che si ingrume materiâl che no si dopre plui o che al à di restâ fer o di jessi lavorât
sinonimi
bûs
esempi
"une volte so pari le veve gjavade mieze muarte de buse dal ledan [...] dulà che e jere colade"
da "Pascute" di Pieri Menis
"te "buse dai veris", monument di ogni paîs, [di tocuts di veri par zuiâ] a 'nd è tancj che si po tornâ a cjase cu lis sachetis plenis"
da "Zûcs di fruts furlans" di Lucia Scoziero
buse s.f.
(bu-se)
Zone di teren, ancje une vore grande, che e je plui basse des zonis dongje
esempi
"il Dacian al à proponude la buse jù insom dal ort di Lenot [par fâ sù une scuele gnove]"
da "Il façolet dal Dacian" di Riedo Pup
buse s.f.
(bu-se)
Pont o zone dal fonts dal mâr che si sbasse rispiet al rest
sinonimi
bûs, fondon, foran
buse s.f.
(bu-se)
Piçule jentrance intune superficie, ancje se no le travierse di une bande a chê altre
sinonimi
bûs
esempi
"dopo vêle lavade [une panarie] ben e no mâl, e stropât lis busis dai carûi cul stuc, le slicà cu la cjarte di veri e i de di lustrifin"
da "Prime di sere" di Carlo Sgorlon
buse s.f.
(bu-se)
[CO] (sport) Ingjâf dulà che in plui sports si à di mandâ une bale
esempi
"lis sîs busis dal biliart"
"un cjamp di golf di 18 busis"
buse s.f.
(bu-se)
[TS] (teatr.) Puest dulà che al sta chel che al sofle lis batudis
buse s.f.
(bu-se)
Ingjâf, çondar plui o mancul profont che al covente di ripâr pes bestiis salvadiis
sinonimi
cove, tanâr, tane
esempi
"la buse dal tac"
"la buse de surîs"
"sgjarfe, sgjarfe te buse cul fros, / sgjarfe, sgjarfe... ma il gri reste là"
da "Il gri" di Francesco Musoni
buse s.f.
(bu-se)
Jentrade o jessude di un spazi soterani o parât
sinonimi
bocje
esempi
"si jes su la buse dai rifugjos [cuintri dai bombardaments]"
da "La ultime baronade" di Pieri Somede dai Marcs
buse s.f.
(bu-se)
Lûc platât (fig.)
sinonimi
bûs
esempi
"cuissà in ce buse che al è finît il telecomant "
"cirî in ogni buse"
"Bastian l'è un om che al à la sience infuse, / ma che la ten squindude in cualchi buse"
da "Bastian" di Pieri Çorut
buse s.f.
(bu-se)
Ambient sierât, strent, scûr e v.i.
sinonimi
busigatul, cabere, caboite, cabôt, cjaponarie, cove, gjatarie, scrosop, scus, taboghe, taniç, tutubie, bûs
esempi
"une buse di ostarie cun puce di fum e di bago"
da "Come tai romançs" di Alan Brusini
buse s.f.
(bu-se)
Puest o localitât o paîs piçul e fûr di man
sinonimi
bûs
esempi
""O viôt che al à scuviert l'unic puest di sest ta cheste buse di paîs""
da "I forescj" di Alan Brusini, Gian Paolo Linda
buse s.f.
(bu-se)
Puest di vore
esempi
"al veve sì strussiade la vite, ma ancje cjatade la buse juste lavorant tal petroli e alì cjatade la sô vocazion"
da "Alpin jo mame!" di Alan Brusini
buse s.f.
(bu-se)
Puest li che si sepulìs un muart
sinonimi
fuesse, tombe, sepulture, foran, sepulcri
esempi
"le metevin te buse e ducj intor a vaìvin"
da "Par stradis lungjis" di Alan Brusini
"un an di lavôr di pizighet, fâ busis, taiâ la jerbe, tignî net, sapâ i stradoncins pal dì dai muarts"
da "Un macet di sanmartinis" di Pieri Menis
buse s.f.
(bu-se)
Interval di timp libar (fig.)
sinonimi
nuie, padin, polse, vueit, bûs
esempi
"[al lavorave tant] dome par sbaldî la sô vite, par no lassâ busis, tal timp, a cjalâsi masse tal cûr"
da "La tiere di Lansing" di Maria Forte
buse s.f.
(bu-se)
Spese che si à di frontâ o mancjance di bêçs o di altri che si à di comedâ (fig.)
esempi
"e faseve saldo conts, tal so cjâf par doprâ ben ducj chei bêçs; che i comodavin ancje par cualchi buse di stropâ"
da "Cjase di Dalban" di Maria Forte
"la Regjon e leve a cuvierzi cence fastidis e cence fâ compliments i 14 milions di euros di buse dal Teatri liric di Triest"
da "Gibelli: "No son bêçs pal teatri furlan". Ma pai teatris di Triest a 'nd è simpri" di Walter Tomada
buse s.f.
(bu-se)
Mancjance te preparazion scolastiche e valutazion negative di chê mancjance (fig.)
esempi
"vê une buse in matematiche"
buse s.f.
(bu-se)
[TS] (eletron.) Posizion lassade libare di un eletron te bande di valence di un semicondutôr che si compuarte tant che une cjarie eletriche positive
esempi
"i puartadôrs di cjarie de sostance eletronegative donadore D (eletrons) o eletropositive acetore A (busis), liberâts dal leam cul atom di partignince dai fotons avonde energjetics [...] a mantegnin un cjamp eletric stabil"
da "Lis celis organichis nanostruturadis" di Lorenzo Marcolini
proverbi
"a volê trai il ves plui grant de buse o che il ves nol passe o che la buse si sprece"
"cuant che e je scure la buse di Pinçan, e ven la ploie, co e je clare al ven bon timp"
"cui che al prepare la buse pai altris se fâs par se"
"cui che nol comede la piçule buse al comede la grande"
"ducj use e ducj met la buse"
"falade la prime buse si lis fale dutis"
"lis cicimbelis no son dutis cu la buse"
"miôr il clap che no la buse"
"nissun nol va te buse, ogni muart e à la sô scuse"
"no bisugne tirâ il pêt plui grant de buse"
"ogni pâl la sô buse"
"ogni scuse e tapone une buse"
"ogni surîs e à dôs busis"
"par taponâ la buse si met une rose"
"puare chê surîs che e à nome une buse"
"un vuarp che al mene un altri vuarp a colin ducj i doi te buse"
Torna in Cima
Torna in Cima