Tu âs cirût la peraule
Tu âs cirût la peraule
spiattellare
torne indaûr
bilengâl
spiattellare v.tr.
-
1
v.tr. disvelâ, dî fûr
[CO] (dî cence pôre robis che a varessin di sei tignudis segretis, o fevelâ cence stratignîsi)gli ha spiattellato tutto in faccia = i à dit fûr oppure disvelât dut in muse
-
2
v.tr. butâ, sgnacâ, meti jù
[CO] (meti denant)ha spiattellato sul tavolo tutto quello che aveva in tasca = al à metût jù oppure butât su la taule dut ce che al veve te sachete
monolengâl
butâ v.tr.
(bu-tâ)
(bu-tâ)
Fâ che alc che si tignive in man al svoli o al coli, dantji fuarce e molantlu
esemplis
"a vevin butât un clap tai scûrs [dal barcon]. Tal clâr debilut dal cricâ dì, o viôt une ombre jù abàs"
gjavât fûr di "La Madone de Pâs" di Maria Forte
"cuant che la strie si inacuarç che a jerin passâts, e bute par tiere un veri di aghe e denant dai fantats al comparìs un grant lât, ce che a podevin cjalâ"
gjavât fûr di "Blancje come la nêf" di Andreina Nicoloso Ciceri
butâ v.tr.
(bu-tâ)
(bu-tâ)
Meti un toc di alc a brusâ, par che la flame e cjapi fuarce
sinonims
esemplis
"butâ un len sul fogolâr"
gjavât fûr di "Il dolfin" di Carlo Sgorlon
butâ v.tr.
(bu-tâ)
(bu-tâ)
Meti alc a cuei inte aghe bulinte
sinonims
esemplis
"tu puedis butâle, la paste, che o rivìn dal moment"
gjavât fûr di "SIP" di Laurin Zuan Nardin
"polente: aghe tal cjalderuç (magari di ram), salâ cuant che a bol, si bute la farine dute intun colp; lassâ un moment cence messedâ, po si fâs la crous cul mescul"
gjavât fûr di "Cucina della Carnia cence pretesis" di Melie Artico
butâ v.tr.
(bu-tâ)
(bu-tâ)
Sburtâ cdn. cun fuarce
sinonims
esemplis
"devant che [in fantat] al rivàs adore [di brincâ Eliseo pal cuel], l'om lu veve biel butât a rodolâsi su la jerbe di un cjamp"
gjavât fûr di "Prime di sere" di Carlo Sgorlon
butâ v.tr.
(bu-tâ)
(bu-tâ)
No tignî plui, eliminâ alc che nol covente
sinonims
esemplis
"lis compostieris a coventaran massime par butâ ce che al vanze de verdure, des pomis e di altris scarts de mense"
gjavât fûr di "Progjet didatic sul ricicli alì de Valussi e de D’Orlandi" di Marc Stolf
"cjartis, cjartis che a Carlin no i disevin nuie; robe di butâ tal ledan o di brusâ"
gjavât fûr di "Chei di Muraie" di Pieri Menis
"i soldâts a jerin ducj scjampâts pai cjamps butant il fusîl tai fossâi "
gjavât fûr di "La cartuline" di Alan Brusini
butâ v.tr.
(bu-tâ)
(bu-tâ)
butâ v.tr., v.intr.
(bu-tâ)
(bu-tâ)
Fâ colâ intun stamp un materiâl fondût o licuit, par fâ un ogjet
esemplis
"tu pensis ancje a ce che al è Ground Zero e ce che culì al è sucedût. Cuant che o butavin lis fondis, dispès o cjatavin ancjemò rescj umans"
gjavât fûr di "Interviste a Manlio Collavino" di Christian Romanin
butâ v.tr.
(bu-tâ)
(bu-tâ)
Fâ movi la spuele o la navisele dal telâr
esemplis
"mê agne Nene de Vedue dut l'Invier e tiesseve te stanzie frede, butant la navisele ca e là"
gjavât fûr di "La scuele dai fornasîrs" di Pieri Menis
butâ v.tr.
(bu-tâ)
(bu-tâ)
Pandi, fâ viodi, sintî une carateristiche tant che une forme, un colôr, un savôr, un odôr e v.i.
sinonims
esemplis
"lis rosis a butin i ultins colôrs, a insiorin la cjase di bilisie"
gjavât fûr di "I forescj" di Alan Brusini, Gian Paolo Linda
"lis cjampanis imboreçadis a butavin slacs di sun a fâ plui paîs [pe fieste di Sant Pieri]"
gjavât fûr di "Cjase di Dalban" di Maria Forte
butâ v.tr.
(bu-tâ)
(bu-tâ)
Movi cun slanç une part dal cuarp
esemplis
"Toful al butà il cjâf indaûr e al scolà il crichil tun flât"
gjavât fûr di "La aghe da pît la cleve" di Dino Virgili
butâ v.tr.
(bu-tâ)
(bu-tâ)
Voltâ di une cierte bande, intune cierte direzion (fig.)
sinonims
esemplis
"al butave une cjalade su la int ator pe glesie"
gjavât fûr di "Zuan Jeremie" di Riedo Pup
"cun chel fâ di furbate i butave cjalons, forsit contentone di sei cjalade intun mût che al vûl dî “sta atente che ai cûr di deventâ mat”"
gjavât fûr di "La furlane" di Dolfo Zorzut
butâ v.tr., v.intr.
(bu-tâ)
(bu-tâ)
Meti fûr i butui
sinonims
cecjâ, menâ
esemplis
"i vencjârs a butavin i gjatui cui pluminuts di arint"
gjavât fûr di "Cjase di Dalban" di Maria Forte
"il cocolâr ni che al bute ni che al mene e al è ancjemò cui ramaçs inrimpinîts"
gjavât fûr di "La rosade di sant Zuan" di Catarine Percude
butâ v.tr., v.intr.
(bu-tâ)
(bu-tâ)
Produsi, dâ un vuadagn
sinonims
rindi, reonâ
esemplis
"la zornade i veve butât ben sul marcjât di Cividât"
gjavât fûr di "La fogolade dal bosc" di Josef Cjargnel
"al jere un bon lavoradôr ma i timps a jerin chei de semule e no de farine e la farie e butave chel pôc"
gjavât fûr di "Aiar di cjase" di Franca Mainardis
"us ai cjatât jo un lavôr che al bute di plui e si fâs mancul fature"
gjavât fûr di "Prime di sere" di Carlo Sgorlon
butâ v.tr.
(bu-tâ)
(bu-tâ)
Assegnâ, fâ pesâ une responsabilitât
sinonims
contizâ, dâ, imputâ, sbolognâ, sgnacâ
esemplis
"i Strumîrs a provin a butâ dute la colpe intor di Antoni Savorgnan, ma la inchieste puartade indenant dal delegât di Vignesie, Andrea Loredan, no palese responsabilitâts diretis intal riviel"
gjavât fûr di "Il Friûl de Joibe Grasse dal 1511" di Carli Pup
butâ v.tr.
(bu-tâ)
(bu-tâ)
Meti un ciert argoment, une cierte cuistion suntun ciert plan, considerâ intune cierte prospetive
sinonims
butâle, meti, metile
esemplis
"la int dal borc [...] e butave dut sul bêç"
gjavât fûr di "La tiere di Lansing" di Maria Forte
butâ v.tr.
(bu-tâ)
(bu-tâ)
Meti intun ciert stât, intune cierte cundizion o situazion (fig.)
esemplis
"butâ il Friûl intun doman plen di incognitis scuris e tremendis"
gjavât fûr di "Cjalâ plui inlà" di Josef Marchet
"se al vignìs culì a rompi la nestre pâs, a butânus di gnûf te miserie… o savarès ben jo ce che varès di fâ"
gjavât fûr di "Resurezion a Pontinie" di Pieri Somede dai Marcs
"dut chel che mi butave intune situazion incierte mi incalmave tes venis une sbisie teribile"
gjavât fûr di "Il dolfin" di Carlo Sgorlon
butâ v.intr.
(bu-tâ)
(bu-tâ)
Vê une cierte direzion, soredut vierzisi di une cierte bande
sinonims
esemplis
"sul denant, al jere il puarton di ingrès che al butave su “via del Lavoro”, come che le vevin clamade par talian dopo vêle mudade di troi tra i cjamps di blave in stradon asfaltât"
gjavât fûr di "Delit in vie del Lavoro" di Igor Londero
butâ v.intr.
(bu-tâ)
(bu-tâ)
Cjapâ une cierte ande
esemplis
"la zornade no butave ni viers di un cafè, ni viers di un tai"
gjavât fûr di "La bandiere di Bertrant" di Franco Marchetta
butâ v.tr.
(bu-tâ)
(bu-tâ)
[BF] Puartâ, traspuartâ
esemplis
"rivât a Pordenon o ai cjolt un nauli e mi soi fat butâ a Davian"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
"barba, vignît, vi prei, cun la uestra barcja a butâmi fin a Grau"
gjavât fûr di "Il me paîs" di Federigo Comelli
detulis
"il mat al bute il clap tal poç e il savi al scuen gjavâlu"
"in Avrîl si bute la cjalce pal curtîl"
"Sant Zorç si bute la cjalce fûr pe cort"
torne sù
torne sù