Tu âs cirût la peraule
bilengâl monolengâl
Tu âs cirût la peraule
spingere
torne indaûr

bilengâl

spingere v.tr., v.intr.
  • 1a

    v.tr. sburtâ Copie

    [FO] (fâ pression su alc par movilu)
    spingi quel tavolo verso il muro = sburte chê taule bande il mûr

    v.tr. sburtâ, fracâ, cjalcjâ Copie

    (inviâ il comant di un machinari)
    spingi il pulsante = frache il boton

    v.tr. sburtâ, tirâ, fruiâ Copie

    (doprâ un machinari ben e no mâl)
    ha spinto troppo il motore = al à tirât masse il motôr
  • 1b

    v.tr. sburtâ, parâ Copie

    [FO] (fâ pression su cdn. par movilu)
    lo hanno spinto fuori dalla porta = lu àn sburtât fûr de puarte
  • 1c

    v.tr. sburtâ, parâ Copie

    [FO] (il mût di fâ pression dai elements de nature)
    il mare ha spinto la barca a riva = il mâr al à parât la nâf su la rive
  • 2

    v.tr. sburtâ Copie

    [FO] (tirâ indentri o infûr une part dal cuarp)
    spingi in avanti quelle gambe = sburte indenant chês gjambis
  • 3

    v.tr. cjalâ, butâ Copie

    [FO] (cjalâ lontan)
    spingere lo sguardo in fondo alla pianura = butâ il voli insom de planure
  • 4

    v.tr. sburtâ Copie

    [FO] (stiçâ a fâ une robe)
    la sete di potere lo spinge anche a tradire = la brame di podê lu sburte ancje a tradî
  • 5

    v.tr. sburtâ, parâ indenant Copie

    [FO] (mandâ indenant alc)
    bisogna spingere quell'idea = chê idee i vûl parade indenant
  • 6

    v.tr. stramontâ, lâ indenant, lâ fûr, lâ parsore Copie

    [FO] (fâ lâ fûr dai semenâts)
    non spingere oltre la tua superbia = no stâ a lâ masse indenant cu la tô supierbie
  • 7

    v.intr. pocâ, sburtâ Copie

    [FO] (fâ pression)
    l'acqua spinge contro la diga = la aghe e sburte cuintri de dighe
  • 8

    v.intr. pocâ, sburtâ, fâ Copie

    [FO] (messedâ par otignî alc)
    ha spinto molto per inserire il fratello all'università = al à tant sburtât par meti dentri so fradi te universitât

monolengâl

tirâ v.tr.
(ti-râ)
Cjapâ e fâ fuarce o movi in direzion di se alc o cdn
sinonims
trai
esemplis
"e cjalave ancje i pescjadôrs che sot sere a tiravin lis rêts cuntun sfuarç misurât e compagn, che al rivave a vinci il mâr"
gjavât fûr di "Cjase di Dalban" di Maria Forte
"«Alore? Sêso daûr a fâ mirinde? Vino di stâ chi trop?» al domande Lele, intant che al fâs sigure al secont [scjaladôr], e al tire un pôc la cuarde par stiçâlu"
gjavât fûr di "Faliscjis" di Cristina Noacco
"cualchi volte, dispetosat, i tirave i cjavei, i disfave la streçute, i robave il façolet"
gjavât fûr di "La aghe da pît la cleve" di Dino Virgili
tirâ v.tr.
(ti-râ)
Fâ movi un veicul cuntune fuarce di tension
esemplis
"a passavin un daûr l'altri i cjars dai «paurs» tirâts di cjavalons neris, ros e blancs"
gjavât fûr di "Tal bosc di Kebespok" di Pieri Menis
"simpri a pâr da la sô Nina, la grant musse grise dal convent che e tirave il caret cjamât di sacs"
gjavât fûr di "Fra Silvio" di Pieri Somede dai Marcs
tirâ v.tr.
(ti-râ)
Meti in tension, fâ stâ in tension
sinonims
distirâ, slungjâ, tindi, trai
esemplis
"dôs valîs che a vevin di pesâ parcè che i tiravin i braçs"
gjavât fûr di "La tiere di Lansing" di Maria Forte
tirâ v.tr., v.intr.
(ti-râ)
Di vistiari o altris robis, strenzi
esemplis
"ben ce biel che al è ancjemò, ancje se i tire le cjamese! Un pipin!"
gjavât fûr di "Al Dacia Arena, l’importanza di far squadra contro l’Alzheimer" di Lisa Molaro
tirâ v.tr.
(ti-râ)
Fâ une azion, ancje indirete, che e compuarte une tension, une trazion, une cierte fuarce
esemplis
"e tirà une grande frenade a risi di copâsi. Si azionà parfin l'airbag!"
gjavât fûr di "Stalker" di Checo Tam
tirâ v.tr.
(ti-râ)
Convinci a stâ di une cierte bande (fig.)
sinonims
puartâ, menâ
esemplis
"ognidun dai partîts al scuen scombati, spindi e sudâ par tirâ de sô bande i eletôrs"
gjavât fûr di "Votazions regjonâls" di Josef Marchet
"il conseîr Rizzi, che cun resonaments che no valevin nuie al jere rivât a tirâ de sô bande ducj chei altris"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
tirâ v.tr.
(ti-râ)
Fâ in maniere che un resonament, un discors e v.i. a ledin suntun ciert argoment o a rivin a di une cierte conclusion (fig.)
esemplis
"cemût che il discors al podarà vignî tirât di chê bande, noaltris no lu savìn"
gjavât fûr di "Trombis e tambûrs" di Josef Marchet
tirâ v.tr.
(ti-râ)
Vê atrative (fig.)
sinonims
atrai, clamâ, ingolosî
esemplis
"e jere une grande fieste che e clamave int di dutis lis bandis, [...] ce che al tirave soredut la int a jerin lis corsis dai cjavai"
gjavât fûr di "Une letare par Bepo" di Pieri Menis
"ce lu aial tirât di particolâr viers Milan?"
gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
tirâ v.tr.
(ti-râ)
Fâ alc che al vedi une cierte estension e che al sedi plan o slis
esemplis
"al si sente dongje il banc di lavôr e al si met a tirâ un mani di falçâr"
gjavât fûr di "Vilie di Nadâl" di Pieri Somede dai Marcs
"Micjeil al era marangon [...] i canais [...] a si incantesemavin a jodalu dâ di splana, lavorâ di fin cun limi e sgoibii e, pi di dut, manezâ cun sio fi la siea granda da segantin che a i meteva il sio biel timp a tirâ na brea"
gjavât fûr di "Micjeil di Citia" di Novella Cantarutti
"tal passantdoman mi àn dade une cariole, une pale e un rali par tirâ place e tamesâ savalon"
gjavât fûr di "Il gno prin pâr di scarpis" di Pieri Menis
tirâ v.tr.
(ti-râ)
Meti un implant, massime cun fîi, cablis, condots e v.i.
sinonims
meti, meti jù, meti sù
esemplis
"o vin decidût di fâ il caminet par scjaldâ l'ambient, dopo metût la grisiole sul sofit, piturât i mûrs, tirât i fîi pe musiche e lis cassis par sintîle"
gjavât fûr di "Jo e Graziella" di Mario Beltramini
"chei disore a tiravin l'acuedot"
gjavât fûr di "Disore e disot" di Pieri Menis
tirâ v.tr.
(ti-râ)
[TS] (tipogr.) Stampâ, soredut intun ciert numar di copiis
sinonims
stampâ
esemplis
"pecjât che une publicazion di chest gjenar no puedi sei tirade in trente cuarante mil copiis"
gjavât fûr di "Memoriis di politiche linguistiche" di Adrian Cescje
"danadis dal ciclostîl, o jerin! Simpri a tirâ manifescj e circolârs, impeoladis cun argagns scuintiâts che si rompevin ogni moment"
gjavât fûr di "Trê feminis" di Gianni Gregoricchio
tirâ v.tr.
(ti-râ)
Fâ lâ plui svelt, plui fuart e v.i. (fig.)
sinonims
stiçâ, stuzigâ, sfuarçâ, sburtâ
esemplis
"a tirâle, la machine e va ancje a 180 kmh"
tirâ v.tr.
(ti-râ)
Impegnâsi, sfuarçâsi, lavorâ a fuart (fig.)
esemplis
"so nono Min che al à simpri tirât e tasût e cjapadis tant che un mus, fin cuant che pe sô strade al è colât, cu la anime monde e il voli clâr"
gjavât fûr di "Il mus di Lise" di Ivano Urli
"scuegnial stâ sot i fîs cumò, … dopo che al à tant lavorât e tirât par ducj ancje cu la muart tal cûr?"
gjavât fûr di "La tiere di Lansing" di Maria Forte
tirâ v.tr.
(ti-râ)
Rivâ a vê, spec. bêçs
sinonims
cjapâ, scuedi
esemplis
"al tire une buine paie cul so mistîr, tal stabiliment indulà che al va a vore"
gjavât fûr di "Lis predicjis dal muini" di Josef Marchet
"i bêçs che a vevin tirâts intune maniere o in chê altre intant de vuere si jerin sfantâts come la fumate"
gjavât fûr di "Chei di Muraie" di Pieri Menis
"a Sant Martin e colave la lôr oselade: in chê dì i parons a tiravin il fit"
gjavât fûr di "I furlans e Sant Martin" di Riedo Pup
tirâ v.tr.
(ti-râ)
Otignî un risultât, une deduzion
sinonims
trai, gjavâ
esemplis
"e cun chest vuei tirâ la conclusion / che la mode no à vude mai rason"
gjavât fûr di "Il Mus" di Pieri Çorut
tirâ v.tr., v.intr.
(ti-râ)
Tratâ par vê un scont
sinonims
marcantâ, marcjadantâ, tratâ
esemplis
"cuant che infin si tratà di paiâ, Nene, dopo di vê tirât il presi fin sul vues, si fase dâ, di prionte, une golarine"
gjavât fûr di "Cretevierte" di Roberto Ongaro
tirâ v.tr.
(ti-râ)
[TS] (sport) In diviersis garis di velocitât in grup, metisi devant e imponi un ritmi (ancje ass.)
tirâ v.tr.
(ti-râ)
Vê une funzion di direzion intun moviment, intune dinamiche, intune ativitât (fig.)
sinonims
movi
esemplis
"Strassolt minor mi indicave tant che chel che al veve tirade la regjie des operazions plui rilevantis di politiche linguistiche viers la lenghe furlane"
gjavât fûr di "Memoriis di politiche linguistiche" di Adrian Cescje
tirâ v.tr.
(ti-râ)
Dâ fuarce e lassâ alc che si à in man, o cun cualchi strument, di maniere che al svoli
sinonims
butâ, lançâ, trai
esemplis
"al pareve che la cidule che al veve tirât, saltant e cisant jù pe cleve, no ves vût plui di fermâsi"
gjavât fûr di "Cidulis" di Gianfranco Pellegrini
"tal discoclub o vevi cirût di bussâle e jê mi à tirât la bire intor"
gjavât fûr di "Queen Anastasia" di Checo Tam
tirâ v.tr.
(ti-râ)
Dâ, massime se di buride e cun violence
sinonims
dâ, molâ, petâ
esemplis
"mi buti in zenoglon e tiri un colp di tai cul fûr dal pît te sô gjambe"
gjavât fûr di "Ah! la provincie" di Sandri Di Suald
"une pidade a scalç, come il mus cuant che al tire un pan"
gjavât fûr di "La scuele dai fornasîrs" di Pieri Menis
tirâ v.tr.
(ti-râ)
Dî cun fuarce, cun rabie, cun disperazion e v.i.
sinonims
tirâ jù, molâ
esemplis
"al tirà un porconon cuant che al controlâ sul sfuei che al veve in man la consegne de zornade"
gjavât fûr di "Light my Fire" di Franco Marchetta
"alore sì che e tirà un ciul potent!"
gjavât fûr di "Trê feminis" di Gianni Gregoricchio
tirâ v.intr.
(ti-râ)
Di sostance, cjapâ plui consistence, fâ plui resistence
esemplis
"la polente tirie o coventie plui farine?"
tirâ v.intr.
(ti-râ)
Dal aiar, passâ cuntune cierte fuarce
sinonims
bugâ, jessi, menâ, svintâ, soflâ, svintulâ
esemplis
"al tirave un garbin, di Cjampeon, di taiâ lis orelis"
gjavât fûr di "Messe a straoris" di Meni Ucel
"la zornade e jere clare e nol tirave un fîl di aiar"
gjavât fûr di "Prime di sere" di Carlo Sgorlon
tirâ v.intr.
(ti-râ)
Lâ di une cierte bande (ancje fig.)
sinonims
butâsi, voltâsi, zirâ, butâ, lâ, cjapâ, voltâ, svoltâ
esemplis
"e jere rivade a Bueriis e di chi, pai trois che e cognosseve ben, fûr pai palûts, e tirà viers il borc"
gjavât fûr di "A uciei cu lis archetis" di Pieri Menis
tirâ v.intr.
(ti-râ)
Jessi di sucès, di mode e v.i. (zerg.)
sinonims
lâ
esemplis
"di un pôcs di agns incà chê strade e je chê che e tire di plui! Li a son i locâi che a van di plui, li al è plui zîr, plui marcjât, plui bêçs"
gjavât fûr di "Donald dal Tiliment" di Stiefin Morat
tirâ v.intr.
(ti-râ)
Continuâ, lâ indevant a fâ alc
sinonims
lâ indenant, lâ dilunc, parâ vie, parâ indenant, continuâ
esemplis
"lui i veve cjapât la cjicare come sbaldît, tirant a fevelâ cul amì cence viodile ben, o le veve cjalade come che e passe la aghe su la piere"
gjavât fûr di "Cjase di Dalban" di Maria Forte
"ma come spiegâ la reson par la cuâl in cjase se, cuant che o tachi a fevelâ, la femine e tire di fâmi cuintri?"
gjavât fûr di "Viaç a Vignesie" di Arturo Feruglio
"i Micui a jerin une famee di bolpats che a tiravin a lavorâ fin tart"
gjavât fûr di "La tiere di Lansing" di Maria Forte
detulis
"a Sant Simon si tire sù la cjalce e il scufon"
"a tirâ masse la cuarde, si romp"
"al mangje plui vene chel mus che nol tire la carete"
"cui che al à mangjade la vene che al tiri ancje il cjar"
"cui che al mangje il vuadagn che al tiri l'argagn"
"cui che al mangje la vene che al tiri la carete"
"cui che al mangje te grepie, al scuen tirâ la carete"
"cui che al tire il cuartês che al puarti il pês"
"cui che al tire il vuadagn al tire ancje l'argagn"
"cui che le tire le nase"
"cul tirâ, la tele si romp"
"cul trop tirâ, la cuarde si romp"
"di istât o tirâ o nasâ"
"ducj tire la aghe al so mulin"
"dulà che il cûr al tire lis gjambis a puartin"
"e tire plui la naie che no cent pâr di bûs"
"e tire plui la nape che no cent pâr di bûs"
"e tire plui moscjis une gote di mîl che no un barîl di asêt"
"i bogns bocons a tirin in malore"
"il cjar si tire daûr la scarpe"
"il mus al tire"
"il sanc al tire"
"intant che i litighents a tirin la vacje, un pai cuars e un pe code, i avocats a molzin"
"la cuarde co e je trop tirade si romp"
"lis gjambis a puartin là che il cûr al tire"
"miôr tirâ che no nasâ"
"miôr un mus che al tiri che no un cjaval restîf"
"no bisugne tirâ il pêt plui grant de buse"
"no si à di tirâ flât e gloti che e va pe scjavace"
"no si discor che la vacje no tiri ma al è rot l'argagn"
"o tirâ o molâ"
"si fâs e si dîs e la muart e tire pai pîts"
"tirâ il pont tant che si po, ma dâi a ognidun il so"
"un mâl al tire chel altri"
"une peraule e tire chê altre"
torne sù
torne sù