Tu âs cirût la peraule
bilengâl monolengâl
Tu âs cirût la peraule
suonare
torne indaûr

bilengâl

suonare v.tr., v.intr.
  • 1a

    v.tr. sunâ Copie

    (doprâ un strument musicâl)
    mi piacerebbe suonare uno strumento = mi plasarès di sunâ un strument
    suo zio suona la fisarmonica = so barbe al sune la armoniche

    v.tr. sunâ Copie

    [FO] (produsi un sun cun cualchi strument o dispositîf)
    hanno suonato il campanello = a àn sunât il campanel
    suonare le campane = sunâ lis cjampanis
  • 1b

    v.tr. sunâ Copie

    [FO] (eseguî doprant struments musicâi)
    suonavano la nostra canzone = a sunavin la nestre cjançon
    suoneranno un pezzo di musica pop = a sunaran un toc di musiche pop
  • 1c

    v.tr. fâ, sunâ Copie

    [FO] (di un strument o di une orchestre, eseguî un toc)
    la tromba suonò la ritirata = la trombe e sunà la ritirade
  • 2a

    v.tr. sunâ Copie

    [FO] (fâ un segnâl sunant un strument)
    il fischio suonò il fallo di rigore = il sivîl al sunà il fal di rigôr
  • 2b

    v.tr. sunâ Copie

    [FO] (indicâ cuntun sunôr un scomençament o une fin di une ativitât, di une azion)
    la campana suona la fine del primo turno = la cjampane e sune il finî dal prin turni
    la campana suona la ricreazione = la cjampane e sune la ricreazion

    v.tr. bati, sunâ Copie

    (bati glons par indicâ la ore)
    i mori stanno suonando le tre = i môrs a sunin trê
  • 3

    v.tr. dâ, onzi, dâ jù Copie

    [FO] (dâ pachis o sberlâ cdn.)
    attento che te le suono! = sta atent che tes doi!
    gliene hanno suonate quattro = i 'nd àn dadis cuatri
  • 4

    v.tr. freâ Copie

    [FO] (imbroiâ cdn.)
    mi son lasciato suonare da quel bugiardo = mi soi fat freâ di chel bausâr
  • 5a

    v.intr. sunâ Copie

    [FO] (di strument musicâl, dâ fûr suns)
    questa chitarra suona bene = cheste ghitare e sune ben
  • 5b

    v.intr. sunâ Copie

    [FO] (di dispositîfs acustics, produsi un sun)
    sta suonando il telefono = al sune il telefon
    suona il campanello, vai ad aprire! = al sune il campanel, va a vierzi!
  • 5c

    v.intr. sunâ Copie

    [FO] (di robis vueidis, fâ un sun se si petilis)
    la pancia mi suona vuota = la panze mi sune di vueit

    v.intr. sunâ, glongjâ Copie

    (di cjampanis)
  • 6

    v.intr. sunâ Copie

    [FO] (eseguî une musiche cuntun strument)
    suona da solista in un complesso = al sune di oppure al fâs il solist intun complès
    suona in un gruppo = al sune intun grup

    v.intr. sunâ, musicâ Copie

    (dâ un conciert)
    domani suona il nuovo gruppo per la prima volta = doman il grup gnûf al sune pe prime volte
  • 7

    v.intr. bati, sunâ Copie

    [FO] (sei anunziât cun glons o suns)
    sono già suonate le tre = a àn za batût trê
  • 8

    v.intr. sunâ, rimâ Copie

    [FO] (di une espression, peraule o frase, produsi une sensazion)
    questa frase non mi suona bene = cheste frase no mi sune ben

locuzions

    suonare a martello
  • sunâ a martelet, sunâ cjampane a martiel, sunâ cjampane martiel, sunâ cjampane martieleCopie
    [CO] (di cjampanis, sunâ par visâ di un pericul o par clamâ dongje la int)
    • suonare a morto
  • sunâ la passade, sunâ di muart, sunâ i storlisCopie
    [CO] (di cjampanis, sunâ cun glongjadis lentis par anunziâ la muart di cdn.)
    • suonare a stormo
  • [CO] (cjale suonare a martello)
    • suonare l'ora
  • rivâ il moment, rivâ la ore, vignî la ore, vignî il momentCopie
    [CO] (par indicâ cun enfasi il moment che alc al à di sucedi)
    prima o poi suonerà l'ora della resa dei conti = o prime o dopo al rivarà il moment di vignî adoremus

monolengâl

bati v.tr., v.intr.
(ba-ti)
Dâ jù, soredut plui voltis, su di alc
esemplis
"batint il martiel sul incuin che al sunave tant che une cjampane pal fûc"
gjavât fûr di "Come tai romançs" di Alan Brusini
"il vieli al batè l'açalin e la lescje si impià"
gjavât fûr di "La aghe da pît la cleve" di Dino Virgili
"i muredôrs a jemplarin di ciment e claps; a baterin il beton par che si infissìs"
gjavât fûr di "La aghe da pît la cleve" di Dino Virgili
bati v.tr.
(ba-ti)
Fâ che alc o une part dal cuarp e dedi un colp, ancje cence volê cuintri di alc
sinonims
petâ dentri, pocâ
esemplis
"stâ atent di no bati il cjâf"
"al veve di vê batude la muse, parcè che in bande dal cerneli al coreve un riul di sanc"
gjavât fûr di "Trê feminis" di Gianni Gregoricchio
bati v.tr.
(ba-ti)
Tocjâ, ancje cence tante fuarce
esemplis
"pre Checo i batè la man su la spadule, in confidence"
gjavât fûr di ""Nocent"" di Maria Forte
bati v.tr.
(ba-ti)
Movi svelte une part dal cuarp
sinonims
sbatacolâ, scjassâ
esemplis
"il colomp, par un moment, al restave incjantât, al bateve lis alis par tornâlis a industriâ"
gjavât fûr di "Cjase di Dalban" di Maria Forte
bati v.intr.
(ba-ti)
Vê un moviment ritmic di contrazion e distension
sinonims
palpitâ, pocâ, pulsâ, scampanotâ
esemplis
"si gjavà une manece par viodi cun doi dêts sul cuel se si sintive il cûr a bati"
gjavât fûr di "Un piçul particolâr" di Fabian Ros
bati v.tr., v.intr.
(ba-ti)
Lâ a finî su alc, soredut cun regolaritât
sinonims
dâ, petâ, colâ
esemplis
"difûr al svinte, a voltis al lampe e al tone e la ploie e bat a bugadis sui veris"
gjavât fûr di "Un pugn di moscjis" di Pieri Somede dai Marcs
bati v.tr.
(ba-ti)
Dâ jù pachis
esemplis
"une volte un stampadôr inrabiât lu veve batût e blestemant i veve dit che chel nol jere lavôr par lui"
gjavât fûr di "Sul agâr" di Pieri Menis
bati v.intr.
(ba-ti)
Jessi impegnât intun combatiment
sinonims
combati, scombati, lotâ
esemplis
"Garibaldi al rivà propit dongje di nô che o batevin, e lis balis a sivilavin e a fasevin pericul pardut"
gjavât fûr di "Cjase di Dalban" di Maria Forte
"i furlans de Julie a àn tignût dûr a sun di patî e murî: ordin di murî sul puest cence molâ e cence vê cun ce e parcè bati"
gjavât fûr di "Cuintristorie dal Friûl dal 1866 fint in dì di vuê" di Francesc Placerean
bati v.tr.
(ba-ti)
Tormentâ
sinonims
lambicâ, tormentâ, travaiâ
esemplis
"il Friûl al jere batût di une altre tremende scjassade, dal taramot dai 15 di Setembar"
gjavât fûr di "Memoriis di politiche linguistiche" di Adrian Cescje
bati v.tr.
(ba-ti)
Vinci intune competizion, intun confront, intun conflit e v.i.
sinonims
avanzâ, passâ, sbaraiâ, superâ, vinci
esemplis
"il 23 di Març [dal 1849] i piemontês a forin batûts a Novara e la vuere e finì, lassant Vignesie bessole"
gjavât fûr di "Zuan Batiste Cavedalis - Une vite esemplâr" di Giovanni Pillinini
"inte partide zuiade nossere la scuadre blancje no à fastidis a bati il Vicenza"
gjavât fûr di "Cope Italie, l’Udin al va indenant e il Pordenon si ferme" di Marc Stolf
bati v.tr.
(ba-ti)
[TS] (sport) Meti la bale in zûc o tornâ a meti la bale in zûc (ancje ass.)
sinonims
servî
esemplis
"intal principi dal secont timp la Juve Stabia e je pericolose cuntune combinazion che e tache dal corner batût di Ricci"
gjavât fûr di "Pordenone – Juve Stabia 2-1" di Marc Stolf
bati v.tr.
(ba-ti)
Intai zûcs di cjartis, butâ jù une cjarte
sinonims
butâ, meti jù
esemplis
"al tornave a cjase cjoc, al pestave Catine, la sô femine, dopo jessi stât dut il dopomisdì a bati lis cjartis ta la ostarie"
gjavât fûr di "La spiarie" di Pieri Somede dai Marcs
bati v.tr.
(ba-ti)
Segnâ un ritmi cun colps
esemplis
"bati il pît sunant la ghitare"
bati v.tr., v.intr.
(ba-ti)
Des cjampanis o di altris struments, sunâ pes oris o par cualchi altre reson
sinonims
sunâ, tocjâ
esemplis
"nol veve ancjemò batût misdì, che e fo une altre volte a Rivis Darcjan"
gjavât fûr di "Trê feminis" di Gianni Gregoricchio
"l'orloi sul mûr al batè lis nûf e mieze"
gjavât fûr di "Prime di sere" di Carlo Sgorlon
bati v.intr.
(ba-ti)
Di sfranzel, mierli e di altris uciei., fâ une sivilade curte, lizere e ripetude
bati v.tr., v.intr.
(ba-ti)
Riferîsi a alc cun insistence (fig.)
sinonims
puartâ, riferîsi, smirâ, tornâ
esemplis
"a son almancul sîs mês che nô e altris o batìn chest cantin"
gjavât fûr di "Cuarde e savon" di Josef Marchet
"onorâ nol vûl dî, come che si à simpri batût e insegnât, ubidî, ma alc di plui"
gjavât fûr di "La eterne lote dai furlans" di Antoni Beline
"i miei gjenitôrs a batin une vore sul pont "colaborâ" e massime sul ordin"
gjavât fûr di "Sul florî" di AAVV
bati v.tr., v.intr.
(ba-ti)
Dâ piçui colps tant che segnâl par che cualchidun al vegni a vierzi o a fevelâ
sinonims
pocâ, tucâ
esemplis
"al rivà su la puarte e al batè, malsigûr"
gjavât fûr di "Rosaris" di Meni Ucel
"che al bati sul banc, che al bati fuart, al viodarà che si svein"
gjavât fûr di "I forescj" di Alan Brusini, Gian Paolo Linda
bati v.tr.
(ba-ti)
Frecuentâ dispès
sinonims
bacigâ, frecuentâ, praticâ, triscâ, ve a ce fâ, vê a man
esemplis
"fra Anselm al jere cognossût in dut il borc par vie che a jerin un grum di agns che al bateve chê strade"
gjavât fûr di "Chei di Muraie" di Pieri Menis
"Vigji cun tancj agns che al bateve la taviele e i paîs dal Comun, fasint ancje il cursôr, al cognosseve i nons di ducj"
gjavât fûr di "Vigji il vuardian" di Lucio Perès
bati v.intr.
(ba-ti)
Prostituîsi su la strade
esemplis
"o podevin cussì creâ jo e barbe Oglala la nestre pornostar personâl, invezit di lâ a cirî chês femenutis che a batevin a Passarian"
gjavât fûr di "Sense" di Checo Tam
bati v.tr., v.intr.
(ba-ti)
Passâ par un puest, soredut par cirî alc
sinonims
cjoli, compassâ, perlustrâ, stazâ, talpinâ, zirâ
esemplis
"sì lafè… jo a bati tal desert e a scombati cul ghibli, cu la sêt, cui pedoi"
gjavât fûr di "Tripoli bel sol d'amore" di Pieri Somede dai Marcs
"ducj i fossâi ju bateve ad a ments, e lis incrosaduris des aghis sfiliadis di bladaçs dai palûts"
gjavât fûr di "Il vivi al è chel rangjâsi" di Maria Forte
bati v.tr., v.intr.
(ba-ti)
[CO] (milit.) Colpî un obietîf cun tancj tîrs di artiliarie
esemplis
"prime dal assalt dai fants, i canons a usavin a bati lis trinceis dai nemiis"
bati v.tr.
(ba-ti)
[TS] (topogr.) Rilevâ la posizion planimetriche e altimetriche cul partî dal pont di stazion
esemplis
"bati lis cuotis"
bati v.tr.
(ba-ti)
Dâ colps par dividi grans, semencis o liùms di parts vegjetâls che si scartin
sinonims
machinâ
esemplis
"si veve di bati il forment, in chei agns il forment si lu puartave cjase, a turni la trebie e leve di une cjase a chê altre"
gjavât fûr di "Jo e Graziella" di Mario Beltramini
"la int intai curtîi e finive in chê volte di bati, e ancjemò pal aiar e svolave la bule"
gjavât fûr di "Il prin sarasin" di Catarine Percude
bati v.tr.
(ba-ti)
Movi fuart un o plui ingredients cul batiûfs o cun cualchi altri imprest par messedâ e formâ sbrume
sinonims
sbati
esemplis
"bati i ûfs cul zucar, fin che no vegnin sbrumôs e blancs"
gjavât fûr di "Tarta de Santiago - Torte di Sant Jacum di Galizie" di Sandri Carrozzo
bati v.tr.
(ba-ti)
Scrivi cuntun imprest a tastiere o a botons
sinonims
scrivi
esemplis
"cuant che al veve batût a machine chescj sfueis pre Antoni al veve a pene 33 agns"
gjavât fûr di "La fabriche dai libris... Riflessions di un predi cjargnel" di Roman Michelot
"sô sûr i veve fat bati un telegram, «ven subit, to pari al stâ tant mâl»"
gjavât fûr di "La cjarande" di Pieri Somede dai Marcs
bati v.tr.
(ba-ti)
Stampâ
esemplis
"un libri di storie dal Friûl, prontât dal diretôr dal sfuei Friuli d'Oggi, Zuan Franc Elar, al jere za stât scrit e batût in tipografie"
gjavât fûr di "Memoriis di politiche linguistiche" di Adrian Cescje
bati v.tr.
(ba-ti)
Lavorâ un metal dant colps
esemplis
"si sente da pît il bearç, daprûf des batadoriis e li al tache a bati falcets"
gjavât fûr di "Lis predicjis dal muini" di Josef Marchet
"un omenut dut neri pal fum al bateve sul incuin un fier di cjaval dut sbolçât"
gjavât fûr di "Grivôr" di Franca Mainardis
bati v.tr.
(ba-ti)
Produsi monede di metal o di cjarte
esemplis
"il stes Conrât al dave a Popon il dirit di bati monede, che al vignive a significâ une vere sovranitât"
gjavât fûr di "Cuintristorie dal Friûl fin sot la Italie" di Josef Marchet
bati v.tr.
(ba-ti)
Bolâ, o par estension ancje dome dâ fûr un document cun valôr uficiâl
esemplis
"no son obleadis a bati la ricevude fiscâl"
gjavât fûr di "Nonos e nonis a nauli" di Riedo Pup
bati v.intr.
(ba-ti)
Vê une corispondence, un risultât just
sinonims
tornâ, corispuindi
esemplis
"tra ce che o vin vendût e i bêçs che a son in casse i numars no batin"
detulis
"a bati e a tornâ a bati, si vierç la puarte"
"a palâ nêf e a spacâ coculis, dut lavôr dibant"
"bisugne bati il fier cuant che al è cjalt"
"bisugne bati par che a vierzin"
"cualchi len al nas par indorâ, cualchidun par bati il mus e cualchidun par fâ coronis"
"cui che nol po bati il mus al bat la siele"
"cul bati il martiel si cjate la magagne"
"i gjats no muerin se no batin il nâs"
"il soreli al bat tal pantan ma no si sporcje"
"la lenghe a bat dulà che il dint al dûl"
"no si po fâ di Crist e bati batecui"
"prin di dî une peraule, bisugne bati la ale tant che il gjal"
"se la invidie e fos la fiere, trops di lôr le batarès"
"se no si po bati il cjaval, si bat la siele"
"trê voris a son dibant: palâ nêf, bati coculis e copâ oms"
torne sù
torne sù