Tu âs cirût la peraule
Tu âs cirût la peraule
superno
torne indaûr
bilengâl
superno adi.
-
1
adi. alt, superiôr
[LE], [OB] (in posizion elevade)
-
2
adi. celest
[LE], [OB] (dal cîl, dal paradîs)
monolengâl
alt adi.
Che al à une grande dimension verticâl
esemplis
"un tor alt cuntun cjampanon de vôs tonde e çondare"
gjavât fûr di "La aghe da pît la cleve" di Dino Virgili
"chei umign a jerin daûr a scanâsi, batint, in volte [cu lis manariis], tor un peç alt fin al seren"
gjavât fûr di "La tiere di Lansing" di Maria Forte
alt adi.
Che al à une cierte dimension verticâl, in gjenar specificade di un valôr numeric
esemplis
"ator des tombis dai siei a jerin cressudis lis jerbis matis dal Istât altis dôs trê cuartis"
gjavât fûr di "Prime di sere" di Carlo Sgorlon
"une fantacine alte un e sessantesiet"
gjavât fûr di "Sul florî" di AAVV
alt adi.
Che al è a une cierte cuote sul nivel dal mâr
esemplis
"lis unitâts 5 e 6 a son fatis sù intun altri puest, un fregul plui alt (13 m sul nivel dal mâr)"
gjavât fûr di "Il disastri de centrâl nucleâr di Fukushima Dai-ichi" di Alessandro Pascolini
alt adi.
Che al è in posizion plui insù rispiet al teren o ae base o a ce che al è ator
sinonims
elevât
esemplis
"culinis che tal prin a son altis di un nuie sul plan e che po a van alçantsi fin a insedâsi te mont"
gjavât fûr di "La "Fieste dai Roncs"" di Meni Ucel
"e lave là sù in chel cimitieri alt su la culine"
gjavât fûr di "La cotule di none Betilde" di Maria Forte
alt adi.
Cun valôr averbiâl, parsore, adalt
esemplis
"une acuile che e svolave alte intal cîl"
gjavât fûr di "Faliscjis" di Cristina Noacco
alt adi.
Che al è a Nord o plui a Nord
esemplis
"i dialets regjonâi de alte Italie"
gjavât fûr di "Memoriis di politiche linguistiche" di Adrian Cescje
alt adi.
Di part dal cuarp, o di robe che si met intor dal cuarp, che al è intune posizion plui alte de medie, o che al rive plui insù dal normâl
esemplis
"il vieli al veve poiade la man su la spale alte di Guri"
gjavât fûr di "La aghe da pît la cleve" di Dino Virgili
"jeans bas in vite e maiute alte in vite che [...] si viodi il boton de panze"
gjavât fûr di "Sul florî" di AAVV
"un maion cul cuel alt"
alt adi.
Di part dal cuarp, tignût o voltât insù
sinonims
esemplis
"al spacave alts i braçs di spirtât"
gjavât fûr di "Otavari a Madone" di Meni Ucel
"cul cerneli alt e il stomi infûr e la braùre tai voi"
gjavât fûr di "La aghe da pît la cleve" di Dino Virgili
alt adi.
Insù intune scjale di intensitât, grât o nivel
esemplis
"lûcs dal planet a alte densitât di popolazion"
gjavât fûr di "Aplicazions des celis organichis nanostruturadis" di Lorenzo Marcolini
"la lampadine e vignive scjaldade a alte temperadure"
gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
alt adi.
Plen di fuarce, di sperance, di positivitât (fig.)
esemplis
"nuie nol doveve mancjâ ai soldâts [...] par tignîur alt il morâl"
gjavât fûr di "Une conference di padre Gemelli" di Pieri Somede dai Marcs
alt adi.
Di grant nivel, une vore specializât
sinonims
esemplis
"[une stazion topografiche] motorizade e di alte precision, buine di fâ misuris di distance fin a 2 km"
gjavât fûr di "Struments topografics di ultime gjenerazion" di Redazion il Diari
"documentaris di une alte cualitât artistiche e professionâl"
gjavât fûr di "Il cine groenlandês tra art e impegn politic" di Fabian Ros
alt adi.
Che al rive a un totâl di un ciert valôr, o di un grant valôr
sinonims
esemplis
"chei che a son rivâts in Canadà prime di lôr [...] a scrivin disint che si cjatin ben e che a cjapin paiis altis"
gjavât fûr di "La emigrazion dal Friûl - Vignesie Julie in Canadà" di Javier Grossutti
"il debit di Vigji al jere alton, che nol jere mai stât cussì"
gjavât fûr di "Vigji Brusin" di Riedo Pup
alt adi.
In posizion di sorestant intune struture jerarchiche o inte societât (fig.)
esemplis
"la iconografie bizantine e esprimè la dignitât imperiâl tes personis dal basileus e de basilissa [...] cercenâts des schiriis dai plui alts dignitaris di cort"
gjavât fûr di "Viaç aes origjins dal Logos" di Adrian Cescje
"i fîs de alte borghesie citadine"
gjavât fûr di "Scozie: la scuele gaeliche di Glasgow tra lis miôr dal paîs" di Carli Pup
"une pelicule sociologjiche e satiriche sui rapresentants de classe alte di chê nazion"
gjavât fûr di "La Mostre dal Cine e devente europeane" di Fabian Ros
alt adi.
Nobil, elevât, di valôr grant (fig.)
esemplis
"si jerin za cjatâts dacuardi tal criticâ la idee che nome il romanç lunc al sedi "alte leterature""
gjavât fûr di "San Simon 2.0 ?" di il Crot
"e je une facende, la musiche, fate pes animis plui altis"
gjavât fûr di "La musiche" di Ivano Urli
alt adi.
[TS] (ling.) Di vocâl, che rispiet a altris e je produsude cu la lenghe tignude plui insù
esemplis
"tai dialets dal amont e te lenghe fevelade o vin une riduzion des vocâls altis I, U (miš > məš, kruh > krəh)"
gjavât fûr di "Gramaticute de lenghe slovene" di Janez Erat
alt adi.
Di une ete storiche, plui dongje de origjin
esemplis
"la storie de Alte Ete di Mieç in Friûl"
gjavât fûr di "Piçul ma grant di contignûts: il gnûf Museu Langobart di Romans dal Lusinç" di Walter Tomada
alt adi.
Al pues concuardâsi cul subiet che al à une des carateristichis descritis tes acezions parsore e jessi definît di un complement di limitazion
esemplis
"une biele femine, alte di gjambe, salde di cjar"
gjavât fûr di "La aghe da pît la cleve" di Dino Virgili
"une biciclete alte di siele"
"il pazient al è un pôc alt di pression"
"il contrat al ufrìs tancj servizis ma al è masse alt di presit"
alt s.m.
La part plui insù di alc
esemplis
"al alce i voi [...] viers l'alt de tor"
gjavât fûr di "Madalene" di Franco Marchetta
"Vigjute e fo plui voltis viodude a fermâsi dongje chê grande crôs di agacie plantade sui alts dal paîs"
gjavât fûr di "Nardon e Vigjute di Nani" di Pieri Somede dai Marcs
alt s.m.
Intonazion alte, note alte
esemplis
"dâmi un alt"
"nol cjape i alts"
alt s.m.
Massime tal pl., lûs de machine che e permet di fâ lusôr lontan
sinonims
lûs di profonditât
esemplis
"tacâ i alts"
detulis
"cjase che si fâs in place o masse alte o masse basse"
"cui che al è plui in alt nol pense che al po colà"
"fumate basse, bon timp e lasse; fumate alte, al plûf cuant che i salte"
"la sinceritât e à lis notis altis"
"tant alt al va il scriç, tant alte e ven la nêf"
torne sù
torne sù