Tu âs cirût la peraule
bilengâl monolengâl
Tu âs cirût la peraule
tacchetto
torne indaûr

bilengâl

tacchetto s.m.
  • 1

    s.m. tacut Copie

    [CO] (massime tes scarpis di femine, tac fin o cuntune superficie piçule)
  • 2

    s.m. claut, tacut Copie

    [CO], [TS] sport (tes scarpis di balon, di rugby e v.i., ognidune des pontis di metal, di gome o di altri materiâl che a son sot de suele par dâ plui prese)
    il terreno è pesante, serviranno i tacchetti di alluminio = la tiere e je plombe, a coventaran i clauts di alumini
  • 3

    s.m. çochet Copie

    [TS] mec. (blocut di gome o di plastiche che al va cuintri il fier dal cerclon de biciclete par fermâlu inte frenade)

monolengâl

claut s.m.
Toc di metal sutîl e a ponte par solit cuntun cjavut slargjât che si bat tal len o in altris materiâi par fissâ, picjâ e v.i.
esemplis
"al passave il so timp a gjavâ i clauts des breis e a dreçâju, par podê doprâju ancjemò"
gjavât fûr di "La fabriche dai predis" di Antoni Beline
"di un claut de parêt al pindulave l'imprest neri, cu lis mantiis lungjis, par brustulâ il vuardi"
gjavât fûr di "Il dolfin" di Carlo Sgorlon
"un Criston grant e grues, che al veve clauts tai pîts e tes mans"
gjavât fûr di "Vigji Strassanît" di Riedo Pup
claut s.m.
Ponte di metal fissade sot di suelis, a gomis di machine e v.i., par no sbrissâ, soredut su la glace
esemplis
"Dreute al partì [soldât], vistût di pano gnûf e cuntun pâr di scarpons, che a scugnivin vinci la vuere nome cui clauts che a vevin intor"
gjavât fûr di "Dreute" di Riedo Pup
claut s.m.
Ce che al cause une soference (fig.)
sinonims
spine
esemplis
"e voleve savê là che e jere [sô fie], ce che e faseve, par Agnese al jere un torment: Indulà âstu la frutate? Ce fasie? Ise a servî? Vegnie a cjase ogni tant? Ducj clauts ta chê puare anime"
gjavât fûr di "Il muc" di Roberto Ongaro
claut s.m.
Idee fisse (fig.)
esemplis
"o vin pôre di jessi une altre volte bessôi, o cuasi, a tignî dûr il claut de libertât furlane"
gjavât fûr di "Legnadis e pidadis" di Josef Marchet
""Batês simpri chel claut, vô!""
gjavât fûr di "A passe la scalmane" di Anute Fabris
"o vevi un claut tal cjâf, un pinsîr sôl: chel, chel, simpri chel…"
gjavât fûr di "L'amôr vieri" di Ercole Carletti
claut s.m.
Sume di bêçs che e reste di paiâ o di tornâ (fig.)
sinonims
debit
esemplis
"mi è restât ancje un claudut, che o ai scugnût sparagnâ altris trê cuatri agns par finî di stropâlu"
gjavât fûr di "Lis predicjis dal muini" di Josef Marchet
claut s.m.
Sensazion improvise di pericul (fig.)
sinonims
spavent, pôre, spac, spaghet, sbigule, fufe
esemplis
"al à vût un claut"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
"e pardut al è un spavent / un claut trement"
gjavât fûr di "Lunari furlan cun regâi par l'an 1901" di Fabio Simonutti
detulis
"a volê gjavâ i clauts cui dincj si reste sdenteâts"
"cui che al semene clauts che nol ledi discolç"
"di une cjase brusade a restin almancul i clauts e la cinise"
"dulà che il pari al met il claut il fi al picje il cjapiel"
"il claut vieri al sparagne chel gnûf"
"magari picjât a un claut ma vivi"
"par un claut si piert un fier e par un fier si piert un cjaval"
"picjâts suntun claut ma vîfs"
"une bree che no ten claut e je dome di brusâ"
"une femine ur fâs gloti clauts ai oms"
"une ridade e gjave un claut de casse"
torne sù
torne sù