Tu âs cirût la peraule
Tu âs cirût la peraule
tempistica
torne indaûr
bilengâl
tempistica s.f.
-
1
s.f. timp
[TS] burocr. (timp che al covente par fâ une cierte operazion o une serie di operazions cun fasis e scjadincis)il responsabile della tempistica del progetto = il responsabil dai timps dal progjet
monolengâl
timp s.m.
Dimension li che si sucedin i events, articolade in passât, presint e futûr, percepide in maniere istintive e misurade daûr di fenomens naturâi regolârs o cun sistemis convenzionâi
esemplis
"ricostruint la storie passade dal univiers, lant indaûr tal timp o vin un univiers simpri plui piçul fin a ridusisi a un pont"
gjavât fûr di "Teologjie algjebriche" di Sergio Cecotti
"no cate lis grandis scuviertis de fisiche moderne, il concet di timp al reste pe plui part discognossût"
gjavât fûr di "Neurosiencis dal dolôr" di Franc Fari
timp s.m.
Durade di une azion, di un procès e v.i., misurade par convenzion in seconts, minûts, oris, dîs, mês, agns e v.i.
esemplis
"al pâr di viodilu, [...] cul orloi simpri in man par controlâ i timps de gare"
gjavât fûr di "Edi Orioli: la braùre di rapresentâ il Friûl" di Valentina Pagani
timp s.m.
Ancje pl., tiermin destinât par fâ alc
esemplis
"cumò al tacave a fâ i plans, a calcolâ i timps, i riscjos"
gjavât fûr di "Il muc" di Roberto Ongaro
" un ordin di prioritâts, che a son determinadis de bisugne di superâ il status di crisi atuâl de lenghe furlane intal timp plui curt"
gjavât fûr di "Memoriis di politiche linguistiche" di Adrian Cescje
timp s.m.
Ancje tal pl., stagjon o periodi individuât di ciertis carateristichis
esemplis
"al torne il timp dai lavôrs tai vignâi"
gjavât fûr di "Par stradis lungjis" di Alan Brusini
"al è timp di aventari, chel ca, che fra un mês e mieç a tachin i scrutinis"
gjavât fûr di "Trê feminis" di Gianni Gregoricchio
"si jere in timp di vuere, si sa, se i zove a cualchidun, pai puars e je une disgracie orende"
gjavât fûr di "Pre Pitin" di Antoni Beline
"al jere il timp che lis fantatis a ziravin cui bregons strents a lis cjavilis e la permanente tai cjavei, e i fans dai “Duran Duran” a someavin vignûts fûr dal “videoclip” di “Wild Boys”"
gjavât fûr di "Cocteau Twins su Netun (ma no il planet)" di Checo Tam
timp s.m.
Etât di cdn. o di alc
sinonims
esemplis
"cetant timp aial chel frutin?"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
timp s.m.
Part di un film, di un spetacul, di un event sportîf e v.i.
esemplis
"al jere il minût cuarantesim cuart dal prin timp"
gjavât fûr di "Usgnot partide di balon" di Agnul di Spere
"l’Udin al partìs cul pît just ancje tal imprin dal secont timp."
gjavât fûr di "Udinese – Lazio 0-1" di Marc Stolf
timp s.m.
[TS] (gram.) Categorie de coniugazion verbâl
esemplis
"imparâ in maniere automatiche il plurâl, il singolâr o a meti i verps tal timp just"
gjavât fûr di "Il cjâf dai furlans" di Franc Fari
timp s.m.
[TS] (mus.) Velocitât di esecuzion di un toc musicâl o ben ritmi
esemplis
"Ragnhild, a lis tastieris, e cree une biele atmosfere mintri Monica e bat il timp come un autentic metronom"
gjavât fûr di "La maree nere" di Checo Tam
timp s.m.
Complès des cundizions meteorologjichis
esemplis
"chel maledet di un timp nol vûl metisi a bon e intant ducj i lavôrs si ingrumin"
gjavât fûr di "Resurezion a Pontinie" di Pieri Somede dai Marcs
"al jere vignût frescot, umit, al jere un timp di fumate"
gjavât fûr di "I nemîs" di Checo Tam
"l'aiar al menave par insù, che il timp si rompeve"
gjavât fûr di "La tiere di Lansing" di Maria Forte
detulis
"a cui che al vûl, no i mancje il timp"
"a fâi la barbe al mus, si piert timp e fadie"
"a paiâ e a murî, al è simpri timp"
"al è passât il timp che a colave la mane"
"al è passât il timp di lâ a moris"
"al è plui timp che no vite"
"al timp e al cûr nissun no i comande"
"al timp, al cûr e al cûl nissun no i comande"
"altris timps, altris usancis"
"biel il timp; e je la int che e je carogne"
"bisugne dâi timp al timp"
"bisugne fâ la barbe prin par se e po, se al vanze timp, ancje a chei altris"
"ce che al ven cence fadie, in pôc timp ancje al va vie"
"copâ int, palâ nêf, sbroiâ morârs e spacâ coculis, al è dut timp pierdût"
"cuant che al è timp di fâ, fâs cence stâ a spietâ"
"cuant che il timp al à bruntulât, si sfoghe"
"cuant che si ingrumin lis feminis, si mude il timp"
"cui che al à timp che nol spieti timp"
"cui che nol sa sbassâsi a timp e lûc le finìs cul cjâf sbûs"
"cui che si cjale se stes no i vanze timp di cjalâ chei altris"
"cul timp al mûr il mus cun dut il peçotâr"
"cul timp dut si po superâ"
"cul timp e cul lavôr il morâr al devente sede"
"cul timp e la fadie si madressin i gnespui"
"cul timp e la fadie si madurìs la int"
"cul timp e la paie si madressin i gnespui"
"cul timp si fâs dut: ancje il mont al è fat un pôc par volte"
"cul timp si madurìs la int"
"dal bon timp e de buine int no si stufisi mai"
"dal bon timp no si stufisi mai"
"daspò dal bon timp e torne la ploie"
"daspò dal trist timp al ven il soreli"
"daspò de ploie al torne il bontimp"
"daspò tancj agns e tant timp la aghe a torne al so mulin"
"dut a timp e lûc"
"fumate basse, bon timp e lasse"
"fumate basse, bon timp e lasse; fumate alte, al plûf cuant che i salte"
"fumate e lasse il timp che e cjate"
"fumate la sere, bontimp si spere; fumate la doman, la sere al è pantan"
"garbin al lasse il timp che al cjate"
"gjoldi simpri fin che si po, no i mancje mai timp al patî"
"i avocats a vendemin di ogni timp"
"i scherçs a vuelin fats a timp e lûc"
"il cjaval nol piert timp co al mangje la vene"
"il Signôr nol paie ogni sabide, al va ben planc ben planc, e vie pal timp al va tacant"
"il timp al consume dut"
"il timp al è galantom"
"il timp al è preziôs"
"il timp al è un bon testemoni"
"il timp al è un grant rimiedi"
"il timp al juste dut"
"il timp al madurìs i rôi"
"il timp al mene judizi"
"il timp al passe e la muart e ven"
"il timp al passe e no si po fermâlu"
"il timp al sane ogni plaie"
"il timp al scuvierç grant cjossis"
"il timp al spieghe dut"
"il timp al svole"
"il timp al ven par chel che al sa spietâ"
"il timp che al cor a Sant Suan al cor dut l'an"
"il timp che si fâs di gnot nol dure trop, chel che si fâs a misdì al dure dut il dì"
"il timp che si piert no si lu cuiste mai"
"il timp e la muart a rompin i dissens"
"il timp fat di gnot al dure tant che l'amôr dai viei"
"il timp fat di misdì al dure dut il dì; il timp fat di gnot al dure tant che un cjaval di trot"
"il timp nol puarte spade"
"il timp pierdût no si lu cjate plui"
"impare la art e metile de bande, il timp al vignarà che la art e valarà"
"in timp di vuere di cent une di vere"
"in timp di vuere nissune di vere"
"in timp di vuere ogni arme e scuse"
"la stagjon e va ben avonde fin che il timp le seconde"
"la vore fate ben nissun domande cetant timp che si à stât a fâle"
"lavôr mâl fat al è timp pierdût"
"lis cuatri temporis a mudin il timp"
"lis robis grandis a fâlis ben trop timp al conven"
"mats, feminis, paron, timp e cûl fâs ce che al vûl"
"ni dal bon timp ni de buine int no si stufisi"
"no je mai stade ploie che il bontimp nol sei tornât"
"nol è miluç tant dûr che cul timp nol deventi madûr"
"nol è plui il timp che Berte a filave"
"nûl lizêr la sere, bon timp si spere"
"o timp o tart si pailis dutis"
"ogni cjosse a timp e lûc"
"ogni mincjon al sa lâ pal biel timp"
"ogni puar om, al sa lâ pal timp bon"
"ogni robe e à il so timp"
"par fâ une fote al è simpri timp"
"ploie che e sune a mene bon timp"
"ros la sere, bon timp si spere; ros la matine, la ploie e je vicine"
"se a Sant Bartolomiu al è bon timp, al è bon timp dute la vendeme"
"se al è bon timp a Sant Zorzon, siet bogns timps e un bon timpon"
"se al è bon timp il dì di Sant Zorzon, la vendeme a va benon"
"se al è bon timp il prin martars di lune, al è bon timp dute la lune"
"se il gjal al cjante daspò di misdì, il bontimp al è par finî"
"se il timp al è seren, ancje cu la borse flape si sta ben"
"se tu ti cjalis te, no ti vanze timp di cjalâmi me"
"timp fat di gnot, se al dure une ore al dure trop"
torne sù
torne sù