Hai cercato la parola
bilingue monolingue
Hai cercato la parola
tendere
Torna indietro

bilingue

tendere ,
  • 1

    v.tr. tirâ, tindi Copia

    [FO] (distindi une robe, tirâ i cjaveçs di alc)
    tendere un filo = tindi un fîl

    v.tr. tindi Copia

    (tirâ lis cuardis par acuardâlis)
    tendere le corde della chitarra = tindi lis cuardis de ghitare

    v.tr. tindi Copia

    (tirâ la cuarde di un arc)
    tese la corda dell'arco = al tindè la cuarde dal arc
  • 2a

    v.tr. tindi Copia

    [FO] (preparâ rêts, trapulis o tramais par cjapâ bestiis)

    v.tr. oselâ, tindi Copia

    [TS] (ass., disponi lis rêts par cjapâ uciei)
  • 2b

    v.tr. tirâ, tindi Copia

    [FO] (tramâ a lis spalis di cdn.)
    gli hanno teso una trappola = i àn tirade la filaine
  • 3

    v.tr. slungjâ, distirâ Copia

    [FO] (distindi une gjambe, un braç e v.i.)
    tendere il braccio = distirâ il braç
  • 4

    v.intr. trai, indreçâsi Copia

    [FO] (lâ intune direzion)
    il fumo tende a salire = il fum al trai sù oppure si indrece par sù
  • 5

    v.intr. tirâ, tindi, trai Copia

    [FO] (svicinâsi a une cierte carateristiche)
    il debito tende ad annullarsi = il debit al tire a rimetisi

    v.intr. butâ, tirâ, tindi Copia

    (il lâ in miôr o piês dal timp)
    sembra che il tempo tenda al bello = al somee che il timp al buti in biel
  • 6

    v.intr. butâ, tirâ, tindi, trai Copia

    [FO] (svicinâsi a une cierte gradazion di colôr, di savôr e v.i.)
    un colore che tende al rosso = un colôr che al tire al ros oppure che al bute sul ros
  • 7

    v.intr. tirâ, tindi, smicjâ, trai Copia

    [FO] (smirâ a un fin, cirî di rivâ alc)
    tendere alla serenità = tindi ae serenitât
  • 8

    v.intr. tirâ, tindi Copia

    [FO] (vê une predisposizion particolâr)
    quando è stanco, tende ad avere il mal di testa = cuant che al è strac, al tint a vê mâl di cjâf
  • 9

    v.intr. lâ Copia

    [TS] (svicinâsi a un ciert valôr, finît o infinît)
    il limite della funzione 1/x per x che tende a zero è l'infinito = il limit de funzion 1/x par x che e va viers zero al è l'infinît

locuzioni

    tendere l'orecchio
  • spiçâ la orele, spiçâ lis orelisCopia
    [CO] (dâi abade a un discors, a un rumôr e v.i.)
    ha teso l'orecchio a ciò che stavamo dicendo = al à spiçade la orele par sintî ce che o jerin daûr a dî
    • tendere la corda
  • [CO] (vedi tirare la corda)
    • tendere la mano
  • slungjâ la man, slungjâ il braçCopia
    [CO] (slungjâ il braç par cjapâ alc)
  • slungjâ la man, dâ la manCopia
    (par saludâ e par segn di amicizie)
    quando la vide le stese la mano = cuant che le viodè i de la man
  • dâ une man, slungjâ la manCopia
    [CO] (judâ)
    ci ha steso la mano quando eravamo in difficoltà = nus à slungjade la man oppure dade une man cuant che o jerin in dificoltât stendete la mano ai poveri = judait oppure socorêt i puars
  • slungjâ la man, scuarzi la manCopia
    (cirî la caritât)
    • tendere le braccia
  • slungjâ i braçs, scuarzi i braçs, suplicâ, sconzurâ, preâCopia
    [CO] (indreçâsi viers cdn. par une bisugne ancje di afiet o esprimi disponibilitât)
    aiutava tutti, tendeva le braccia a tutti = al judave ducj, al scuarzeve i braçs a ducj il condannato tendeva le braccia implorando pietà = il condanât al scuarzeve i braçs oppure al suplicave il piccolo tendeva le braccia alla mamma = il piçul al slungjave i braçs a sô mari
    • tendere le palme
  • [BU] (vedi tendere le braccia)

monolingue

trai v.tr.
Dâ fuarce a alc par che al svoli
sinonimi
tirâ, butâ
esempi
"al sarès tornât a trai slavaris tal Tiliment, a Rivis"
da "I prâts des Savodagnis" di Agnul di Spere
"la int - mai stade tante int in cjase Cleve - e traeve la aghe sante cul ulîf"
da "La aghe da pît la cleve" di Dino Virgili
trai v.tr.
Dâ un colp, une bote cun fuarce
sinonimi
dâ, molâ
esempi
"traeve pans come une musse plene"
da "I pulçs" di Pieri Çorut
trai v.tr.
Dî cun agressivitât, rabie, rassegnazion e v.i. (fig.)
sinonimi
plombâ jù, tirâ, tirâ jù, molâ
esempi
"nol sa dî une peraule cence trai un porco"
da "Blestemis" di Jaio Furlanâr
trai v.tr., v.intr.
Fâ partî un colp di arme di fûc o ancje cuntune altre arme (ancje ass.)
sinonimi
sbarâ, tirâ
esempi
"al veve zurât di no trai nancje une sclopetade ancjemò prin di partî pal front. «Schercìno - dissal - vûstu che o vadi a trai ai austriacs a riscjo di copâ gno cugnât Gjiraldo di Caprive, che al è cun lôr! »"
da "I furlans e la pâs" di Riedo Pup
"ti vualme un jeur che al durmive sot un çuf di meniche. Lât di corse a cjase a cjoli la sclope, al è tornât sul puest e i à trat li par li"
da "Amîs come prime" di Alan Brusini
"cu la fionde al jere un campion. I traeve aes passaris incorint cu la biciclete cence mans e lis lassave secjis"
da "Par stradis lungjis" di Alan Brusini
trai v.intr.
Di fulmin, rivâ a tiere, colpî alc o ancje lampâ tal cîl, ancje impers.
esempi
"l'an passât che al à trat saete su la stale di Beltram, o jerin in cuatri a parâ il fûc"
da "Lis predicjis dal muini" di Josef Marchet
"une saete a zic-zac e trai tra i nûi"
da "La bissebove" di Pieri Somede dai Marcs
"al à trat sul cjampanili"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
trai v.tr.
Movi viers di se o meti in tension
esempi
"al trai la cuarde par visâ di tirâlu fûr dai fastidis"
da "Storie di Min" di Ivano Urli
trai v.tr.
Movi alc o cdn. tirant, sbruntant o strissinant
sinonimi
puartâ, sburtâ, strissinâ
esempi
"e je chê cjadree che e intrighe, traile in bande"
trai v.tr.
Meti in tension une part dal cuarp in maniere di fâle rivâ plui lontan, di dreçâle, di slungjale e v.i.
sinonimi
tirâ, slungjâ, dreçâ
esempi
"une aghe cussì lampide [...] e cussì frescje che, nome viodile, tu ti sintivis invidât a trai la man a ûs cop, par cerçâle"
da "Il dragat dal Fontanon" di Josef Cjargnel
trai v.tr.
Fâ jentrâ aiar tai polmons respirant
esempi
"ce suspîr che e veve trat co, di une dì a di chê altre, no lu veve plui lumât su la piere dal puarton"
da "Trê feminis" di Gianni Gregoricchio
trai v.tr.
Gjavâ alc di un puest sierât, ingjavât o limitât
sinonimi
cjoli, cjapâ, tirâ fûr, gjavâ
esempi
"Adriano al trai de sachete la corone e al intone planchin par cont so une part di rosari"
da "Storie di Min" di Ivano Urli
trai v.intr.
Lâ intune direzion
sinonimi
inviâsi, lâ, tindi, voltâsi
esempi
"il fum al trai sù dret"
trai v.intr.
Vê une cierte tindince, someance e v.i.
sinonimi
tirâ, butâ
esempi
"al è un turchin fis, un fregul turbit... anzit, no turbit, fumatôs; e secont lis oris o il cîl al trai a viole o a cobalt"
da "Un riul tra Venit e Friûl" di Dino Virgili
"une arzile de miôr, doprade pai modons di façade che a train sul zalit"
da "Storie di Min" di Ivano Urli
"Miutine e pandeve une bielece plui incoloride, che e traeve daûr la mari"
da "Cjase di Dalban" di Maria Forte
trai v.intr.
Smirâ a un fin, cirî di rivâ alc
sinonimi
aspirâ, bramâ, dreçâ, pontâ, pretindi, smirâ, suspirâ
esempi
"un oportunist che al trai dome a la cjadree"
trai v.tr., v.intr.
Ancje cun costruzions infinitivis, vê la tindince o la volontât di fâ une cierte azion, di compuartâsi intune cierte maniere
esempi
"ognun al trai a pensâ par se"
da "Sul florî" di AAVV
trai v.intr.
[BF] Jessi volût, plasê
sinonimi
lâ
esempi
"o larai là che mi trai di lâ"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
proverbi
"a volê trai il ves plui grant de buse o che il ves nol passe o che la buse si sprece"
"cjacarâ cence pensâ al è come trai cence smicjâ"
"cui che le nase le travase, cui che le nûl le trai pal cûl"
"dulà che il dint al dûl la lenghe e trai"
"i fis a train daûr dal pari"
"il traditôr al trai il clap e al scuint la man"
"il vin trat e bevût al vâl un scût"
"lei e no capî al come trai e no maçâ"
"no si traii il pan di forment al purcit"
"vuarditi dal asin che se nol po muardi al trai"
Torna in Cima
Torna in Cima