Hai cercato la parola
bilingue monolingue
Hai cercato la parola
tirare
Torna indietro

bilingue

tirare ,
  • 1

    v.tr. tirâ Copia

    (des peraulis, puartâ un discors pes lungjis)
    poi, si sa, una parola tira l'altra... = po, si sa, une peraule e tire chê altre...

    v.intr. tirâ dilunc Copia

    [FO] (lâ indenant)
    tiriamo avanti! = tirìn dilunc!

    v.tr. tirâ Copia

    [FO] (movi alc o cdn. par vêlu dongje)
    non sto a tirare nessuno per la giacca = no tiri pe gjachete nissun

    v.tr. tirâ Copia

    (di alc, fâ vignî voie ancjemò di alc de stesse sorte)
    una ciliegia tira l'altra = une cjariese e tire chê altre
  • 2

    v.tr. tirâ, trai Copia

    [FO] (butâ)
    tirare sassi = tirâ claps

    v.tr. tirâ Copia

    (tal balon, indreçâ la bale te puarte de scuadre aversarie)
    non hanno neanche mai tentato di tirare in porta = no àn nancje mai provât a tirâ in puarte

    v.tr. molâ, petâ Copia

    (dâ cun fuarce)
    gli tirò una sberla = i petà un pataf
    tirare calci = molâ pans

    v.tr. trai Copia

    (sbarâ)
    tirare un colpo = trai un colp

    v.tr. trai Copia

    (butâ i dadui par zuiâ)
    tira il dado = trai il dadul

    v.tr. tirâ jù Copia

    (dî fûr di rabiôs)
    smettila di tirare bestemmie = finissile di tirâ jù mocui

    v.intr. butâ, tirâ Copia

    (di colôr, svicinâsi a un colôr di riferiment)
    è un arancione che tende al giallo = al è un colôr naranç che al bute sul zâl

    v.intr. smicjâ Copia

    [FO] (volê alc tant che ogjet di desideri)
    quella tira solo alla carriera = chê e tire dome ae cariere
  • 3

    v.tr. tirâ Copia

    [FO] (tindi alc par che al sei dret o vualîf)
    tira quel lenzuolo = tire chel bleon
    tirare la corda dell'arco = tirâ la cuarde dal arc

    v.tr. tirâ Copia

    (di une rie, segnâle)
    tirare una riga per dividere la pagina = tirâ une rie par dividi la pagjine
  • 3a

    v.intr. jessi, vê passion Copia

    [FO] (preferî)
    tira più per le lettere che per le scienze = al è plui oppure al à plui passion pes letaris che pes siencis
  • 3b

    v.intr. tirâ Copia

    [FO] (vê atrative)
    una trasmissione che tira = un program che al tire
  • 3c

    v.intr. lâ Copia

    [FO] (di un prodot in cumierç, vê sucès, jessi vendût ben)
    oggi quello è l'articolo che tira di più = chel al è cumò l'articul che al va di plui
  • 4

    v.intr. soflâ, tirâ, svintâ Copia

    [FO] (passâ dal aiar cuntune cierte fuarce)
    oggi tira la bora = vuê e sofle la buere

    v.intr. tirâ Copia

    (di situazion, jessi intune cierte maniere)
    non si capisce che aria tira = no si capìs ce aiar che al tire

    v.intr. tirâ Copia

    (fâ passâ il fum)
    queste sigarette non tirano bene = chei spagnolets ca no tirin ben

    v.tr. tirâ, vê Copia

    (vê reon)
    abbiamo tirato partito da ciò = o vin vût un util di chest oppure chest nus à reonât

    v.tr. tirâ, trai Copia

    [FO] (fâ deduzion)
    tirare le conseguenze = trai lis consecuencis
  • 5

    v.intr. tirâ Copia

    [FO] (di vistiaris o altris robis, strenzi)
    quella cintura mi tira troppo = chê cengle mi tire masse

    v.intr. tirâ Copia

    (de piel, jessi o someâ in tension)

    v.tr. sburtâ Copia

    (fâ persuasion)

    v.tr. clamâ, tirâ Copia

    [FO] (fâ vignî)
    tira in casa sempre gente nuova = al tire dongje simpri int gnove
  • 6

    v.intr. tirâ Copia

    [FO] (tratâ par vê un scont)
    ha la mania di tirare sempre sul prezzo = al à simpri chê di tirâ sul presit

    v.tr. tirâ sù Copia

    [CO] (tirâ a pet droghis in polvar)
    tirare coca = tirâ sù coche
  • 7

    v.tr. stampâ Copia

    [CO] (mandâ fûr)
    quante copie si tirano di questo giornale? = tropis copiis si stampino di chest gjornâl?
  • 8

    v.tr. tirâ Copia

    [TS] (tal ciclisim, passâ denant dal grup e condizionâ la corse)
    è proprio lui a tirare il gruppo? = isal lui che al tire il grup?
  • 9

    v.tr. tirâ Copia

    [TS] (puartâ a bon un tocj cueìntlu a planc)

locuzioni

    farsi tirare
  • fâsi freâ la panze, fâsi fâ la bielevoie, fâsi tirâCopia
    [CO] (fâsi ingolosî)
  • fâsi tirâCopia
    [TS] (tes corsis di bici o moto, tatiche di stâ daûr di un concorint)
    si è fatto tirare la volata = si à fat tirâ la volade
    • tirare a campare
  • tirâ dilunc, tignî bot, tignî dûr, lâ dilunc, tirâ indenant, la indenant, tirâle indenant, tirâ indevant, tirâle indevant, campizâleCopia
    [CO] (vivi a la mancul piês)
    non ha progetti e tira a campare = nol à progjets e al tire indenant
  • tirâ dilunc, tignî bot, tignî dûr, lâ dilunc, tirâ indenant, la indenant, tirâle indenant, tirâ indevant, tirâle indevant, campizâleCopia
    (fâ alc cence bacilâ masse)
    • tirare a cera
  • passâ cu la cereCopia
    [CO] (lustrâ cu la cere)
    tirare a cera lo studio = passâ cu la cere il mezât
    • tirare a indovinare
  • tirâ a induvinâle, lâ a stimis, lâ a câs, trai a induvinâ, butâle làCopia
    [CO] (cirî di induvinâ)
    la risposta era corretta ma secondo me ha tirato a indovinare = la rispueste e jere juste ma par me al è lât a câs
    • tirare a lucido
  • tirâ a lustri, lustrâ, fâ vignî un spieliCopia
    [CO] (fâ deventâ biel slusint)
    ha tirato a lucido la casa = al à lustrade la cjase
    • tirare a lustro
  • [CO] (vedi tirare a lucido)
    • tirare a sorte
  • [CO] (vedi estrarre a sorte)
    • tirare al quattrino
  • tirâle sui bêçsCopia
    [CO] (jessi une vore seneôs di bêçs)
    • tirare avanti
  • lâ indevant, la indenant, vêle dure, vê ce fâ a lâ indenant, vê cif e çaf a lâ indenant, vê ce fâ a lâ indevant, vê cif e çaf a lâ indevant, campâse, scampizâ, campâle, vivuçâCopia
    [CO] (vêle dure a lâ indenant)
    tira avanti come può = al va indenant cemût che al rive
  • tignî sù, lâ dilunc, lâ indevant, la indenant, tirâle indenant, tirâle indevantCopia
    [CO] (lâ indenant a fâ simpri chê robe)
    ha tirato avanti con quel discorso per un'ora = al à tignût sù chel discors par une ore
    • tirare coi denti
  • tirâ, tirâ cui dincj, tirâ pai cjaveiCopia
    [CO] (sostignî alc che nol à sens)
    le tue ipotesi sono tirate coi denti = chês tôs ipotesis a son tiradis pai cjavei
    • tirare dalla propria parte
  • tirâ de sô bande, tirâ de sô, puartâ de sô bande, puartâ de sô, tirâ a so pro, tirâ a so favôrCopia
    [CO] (cuistâsi aleâts)
    è riuscito a tirare la maggioranza dalla sua parte = al è rivât a tirâ de sô bande la maiorance
    • tirare di boxe
  • tirâ di boxe, pugnâCopia
    [CO] (praticâ il sport de boxe)
    una palestra per tirare di boxe = une palestre par tirâ di boxe
    • tirare di scherma
  • tirâ di scherme, fâ di schermeCopia
    [CO] (praticâ il sport de scherme)
    tira di scherma da dieci anni = al tire di scherme di dîs agns
    • tirare dietro
  • butâ te schene, tirâ daûr, tirâ te scheneCopia
    [CO] (vendi a bas presit pûr di vendi)
    ormai quei modelli te li tirano dietro = aromai chei modei alì tai tirin te schene
    • tirare diritto
  • [CO] (vedi tirare dritto)
    • tirare dritto
  • lâ indenant dret, lâ dret pe sô stradeCopia
    (cjalâ dret a un fin)
  • tirâ dilunc, lâ dret, lâ indenant pe sô strade, lâ dret pe sô strade, tirâ dretCopia
    [CO] (lâ dilunc pe sô strade)
    • tirare fuori
  • tirâ fûrCopia
    [CO] (gjavâ fûr di alc)
    tirare fuori i soldi = tirâ fûr i bêçs tirare fuori la biancheria dal cassetto = tirâ fûr la blancjarie dal scansel
  • gjavâ fûr, tirâ fûrCopia
    [CO] (fâ dî, fâ confessâ)
    tirare fuori a qualcuno la verità = tirâ fûr oppure gjavâ fûr a cualchidun la veretât
  • molâ fûr, tirâ fûrCopia
    [CO] (dî ce che si pense, pandi)
    tira fuori quello che stai progettando = tire fûr oppure mole fûr ce che tu sês daûr a progjetâ
    • tirare fuori gli artigli
  • [CO], [TS] (vedi tirare fuori le unghie)
    • tirare fuori le unghie
  • meti fûr lis sgrifis, scussâ i dincjCopia
    [CO] (pandi agressivitât)
    • tirare giorno
  • [CO] (vedi tirare mattina)
    • tirare giù
  • tirâ jù, molâ jù, da jù, sbassâCopia
    [CO] (calâ)
    tirare giù la serranda = molâ jù la persiane
  • butâ jù, fâ colâ, strucjâ, ribaltâCopia
    [CO] (butâ alc dal alt al bas)
  • tirâ jùCopia
    [CO] (cjoli alc che si cjate adalt)
    tirare giù un libro dallo scaffale = tirâ jù un libri de scansie
  • butâ jù, parâ jùCopia
    [CO] (gloti)
    ha tirato giù quattro bicchieri di vino = al à parât jù cuatri tais di vin
  • butâ jù, tirâ vieCopia
    [CO] (fâ un lavôr in premure)
    • tirare gli orecchi
  • tirâ lis orelis, dâ une tirade di orelis, dâ une remenade, remenâ, dâ une tabacade, fâ une paterne, fâ un paternâl, fâ la paternâl, sunâ uns cuatri, fâ osservazion, dâ une petenade, petenâCopia
    [CO] (cridâ)
    ha fatto bene a tirargli un po' gli orecchi = al à fat ben a sunâi uns cuatri
    • tirare i remi in barca
  • metile vie, tirâ i rems in barcje, molâ çus e vergonsCopia
    [CO] (finî une ativitât)
    dopo tanti anni di attività ha deciso di tirare i remi in barca = daspò di tancj agns di ativitât al à stabilît di tirâ i rems in barcje
    • tirare il collo
  • tirâ il cuel, stuarzi il cuel, slungjâ il cuelCopia
    [CO] (copâ, pal plui poleçs, tirant il cuel)
    tirare il collo ad un pollo = slungjâ il cuel a un poleç torcere il collo ad una gallina = stuarzi il cuel a une gjaline
    • tirare il fiato
  • tirâ flât, podê respirâCopia
    [CO] (vê un moment di polse, di padin; sintî un pôc di solêf)
  • tirâ flât, trai flâtCopia
    [CO] (respirâ)
    • tirare in ballo
  • tirâ dentri, tirâ in balCopia
    [CO] (cjapâ dentri cdn. intune cuistion)
    perché dovete tirarmi sempre in ballo? = parcè vêso di tirâmi dentri simpri me?
  • tirâ fûr, fâ vignî fûr, tirâ in bal, tirâ in taule, puartâ in taule, meti in plat, puartâ in platCopia
    (tirâ dentri un argoment intun discors)
    quando non sa come rispondere tira in ballo un nuovo argomento = cuant che nol sa ce rispuindi al puarte in taule un argoment gnûf
    • tirare in lungo
  • puartâ pes lungjis, menâ in lunc, puartâ in lunc, mandâ pes calendis, menâ il cjar pal agâr, mandâ pes lungjis, tirâ pes lungjisCopia
    [CO] (intardâ un timp che si veve previodût)
    tirava in lungo i suoi lavori = al tirave pes lungjis i siei lavôrs
    • tirare in secco
  • tirâ in sec, tirâ a sec, tirâ sul sutCopia
    [CO] (tirâ une nâf o une barcje fûr da la aghe)
    • tirare l'acqua
  • tirâ la agheCopia
    [CO] (molâ jù la aghe dal vâs dal gabinet par netâ vie i bisugns)
    • tirare l'acqua al proprio mulino
  • tirâ la aghe al so mulin, scovâ dome denant de sô puarte, trai vantaçCopia
    [CO] (cirî di fâ l'interès propri profitant di une situazion)
    non gli permetterò di tirare solo l'acqua al suo mulino = no lu lassarai di scovâ dome denant de sô puarte oppure di trai vantaç puoi starne certo, tirerà l'acqua al suo mulino = tu puedis stâ sigûr, al tirarà la aghe al so mulin
    • tirare l'alba
  • gnotolâ, stâ sù fintremai dì, fâ la gnotoladeCopia
    [CO] (stâ sù dute la gnot)
    durante l'estate a volte tira l'alba in discoteca = vie pal Istât des voltis al fâs la gnotolade in discoteche
    • tirare la carretta
  • tirâ la carete, tirâ la briscje, fâ il musCopia
    (lavorâ un grum)
    tocca sempre a me tirare la carretta = mi tocje simpri a mi di tirâ la briscje
  • tirâ la carete, tirâ la briscjeCopia
    [CO] (vivuçâ)
    • tirare la carriola
  • [CO] (vedi tirare la carretta)
    • tirare la cinghia
  • gloti a strent, mangjâle sutile, tirâ la coree, tirâleCopia
    [CO] (campâle magre)
    vista la situazione dovremo tirare la cinghia = viodude la situazion o varìn di tirâ la coree
    • tirare la coda al diavolo
  • tirâ la cengle, meti i dincj su la gratule, gloti a strent, mangjâle sutile, tirâ la coree, tirâleCopia
    [CO] (vivi di puar o in dificoltât)
    • tirare la corda
  • tirâ a ciment, tirâle masse, stiçâCopia
    [CO] (creâ tension)
    • tirare la volata
  • tirâ la svolade, tirâ la volade, meti dut, vierzi la strade, vierzi il troiCopia
    [CO] (sacrificâsi par mandâ indenant un altri)
    è stato il padre che lo ha aiutato e gli ha tirato la volata = al è stât il pari che lu à judât e che i à tirade la volade oppure che i à viert il troi
  • tirâ la svolade, tirâ la voladeCopia
    [TS] (vierzi la stade a cdn. tes garis di bici)
    • tirare le cuoia
  • tirâ i sghirets, tirâ il pît, tirâ sù i scarpets, tirâ sù i stivâi, lâ su la bree, tirâ la gjambeCopia
    [CO] (murî)
    • tirare le fila
  • rivâ insom, fâ il struc, meti il tapon, tirâ incà il cjaveçCopia
    [CO] (cirî di sierâ un discors, un afâr e v.i.)
    tirare le fila della questione = meti il tapon ae cuistion
    • tirare le somme
  • fâ i contsCopia
    (fâ un belanç, calcolâ i risultâts di alc)
    tirando le somme risulta che è andata anche bene = a fâ i conts al ven fûr che e je lade ancje ben
  • fâ i contsCopia
    [CO] (rivâ ae conclusion di une discussion o, ancje, di une ativitât)
    adesso proviamo a tirare le somme di tutto quello che abbiamo detto = cumò viodìn di fâ i conts di dut ce che o vin dite tirare le somme dopo un periodo di prova = fâ i conts daspò di une dade di timp di prove
    • tirare mattina
  • fâ gnotolade, fâ vignî matine, fâ vignî dì, fâ vignî buinore, stâ sù dute la gnotCopia
    [CO] (stâ sù a divertîsi fin tart)
    • tirare notte
  • stâ sù dute la gnot, fâ straorisCopia
    [CO] (stâ sù fin tart)
    tira notte per studiare = al fâs straoris a studiâ
    • tirare per i capelli
  • tirâ pai cjaveiCopia
    (sfuarçâ)
    un paragone tirato per i capelli = un paragon tirât pai cjavei una tesi tirata per i capelli = une tesi tirade pai cjavei
  • tirâ pai cjaveiCopia
    [CO] (obleâ cdn. a fâ alc)
    l'ho tirato per i capelli in questo lavoro = lu ai tirât pai cjavei in chest lavôr
    • tirare per le lunghe
  • [CO] (vedi tirare in lungo)
    • tirare sera
  • fâ vignî gnot, passâ la zornadeCopia
    [CO] (fâ passâ la zornade cence fâ nuie)
    ha tirato sera gironzolando per la città = al à fate vignî gnot torzeonant pe citât
    • tirare su
  • tirâ suCopia
    [CO] (movi di jù insù)
    tira su quella saracinesca = tire sù chê persiane
  • tirâ suCopia
    (aspirâ la mucositât dal nâs)
  • tirâ suCopia
    (dai cjavei, petenâju sù)
  • tirâ su, arlevâCopia
    [TS] (educâ)
    i figli bisogna saperli tirare su = i fîs i vûl savûts tirâ sù
  • dreçâ sù, tirâ su, fa sùCopia
    [CO], [TS] (costruî)
    qui vogliono tirare su due condomini = ca a àn voie di tirâ sù doi condominis
  • tirâ su, rinfrancjâCopia
    [CO] (dâ spirt)
    la tua visita lo ha un po' tirato su = la tô visite lu à tirât sù un pôc
    • tirare tardi
  • tirâle lungje, fâ tart, stâ sù fin tartCopia
    [CO] (stâ sveât fin tart)
    il sabato tirano tardi = la sabide di sere le tirin lungje
    • tirare un sospiro di sollievo
  • tirâ flât, podê stâ solevât, stâ solevâtCopia
    [CO] (vê padin, liberazion di pinsîrs e preocupazions)
    dopo tanto preoccuparsi ha finalmente tirato un sospiro di sollievo = daspò di tant preocupâsi infin al à podût stâ solevât
    • tirare vento
  • sbuerâ, svintâ, vintâCopia
    [CO] (-)
    • tirare via
  • tirâ jù, gjavâ vie, tirâ vie, mandà jùCopia
    [CO] (gjavâ)
    devo tirare via la macchia dai pantaloni = o ai di mandâ jù la magle dai bregons tira via quel vaso di lì = gjave vie chel vâs di li
  • tirâ dilunc, tirâ vie, lâ diluncCopia
    [CO] (lâ cence fermâsi)
    davanti a casa ha tirato via = denant di cjase al è lât dilunc
  • tirâ vie, disbratâCopia
    [CO] (fâ alc in premure, cence cure)
    tirare via un lavoro = disbratâ un lavôr

monolingue

tirâ v.tr.
(ti-râ)
Cjapâ e fâ fuarce o movi in direzion di se alc o cdn
sinonimi
trai
esempi
"e cjalave ancje i pescjadôrs che sot sere a tiravin lis rêts cuntun sfuarç misurât e compagn, che al rivave a vinci il mâr"
da "Cjase di Dalban" di Maria Forte
"«Alore? Sêso daûr a fâ mirinde? Vino di stâ chi trop?» al domande Lele, intant che al fâs sigure al secont [scjaladôr], e al tire un pôc la cuarde par stiçâlu"
da "Faliscjis" di Cristina Noacco
"cualchi volte, dispetosat, i tirave i cjavei, i disfave la streçute, i robave il façolet"
da "La aghe da pît la cleve" di Dino Virgili
tirâ v.tr.
(ti-râ)
Fâ movi un veicul cuntune fuarce di tension
esempi
"a passavin un daûr l'altri i cjars dai «paurs» tirâts di cjavalons neris, ros e blancs"
da "Tal bosc di Kebespok" di Pieri Menis
"simpri a pâr da la sô Nina, la grant musse grise dal convent che e tirave il caret cjamât di sacs"
da "Fra Silvio" di Pieri Somede dai Marcs
tirâ v.tr.
(ti-râ)
Meti in tension, fâ stâ in tension
sinonimi
distirâ, slungjâ, tindi, trai
esempi
"dôs valîs che a vevin di pesâ parcè che i tiravin i braçs"
da "La tiere di Lansing" di Maria Forte
tirâ v.tr., v.intr.
(ti-râ)
Di vistiari o altris robis, strenzi
esempi
"ben ce biel che al è ancjemò, ancje se i tire le cjamese! Un pipin!"
da "Al Dacia Arena, l’importanza di far squadra contro l’Alzheimer" di Lisa Molaro
tirâ v.tr.
(ti-râ)
Fâ une azion, ancje indirete, che e compuarte une tension, une trazion, une cierte fuarce
esempi
"e tirà une grande frenade a risi di copâsi. Si azionà parfin l'airbag!"
da "Stalker" di Checo Tam
tirâ v.tr.
(ti-râ)
Convinci a stâ di une cierte bande (fig.)
sinonimi
puartâ, menâ
esempi
"ognidun dai partîts al scuen scombati, spindi e sudâ par tirâ de sô bande i eletôrs"
da "Votazions regjonâls" di Josef Marchet
"il conseîr Rizzi, che cun resonaments che no valevin nuie al jere rivât a tirâ de sô bande ducj chei altris"
da "Friûl e furlans te Histoire de ma vie di Giacomo Casanova" di Pierluigi Visintin
tirâ v.tr.
(ti-râ)
Fâ in maniere che un resonament, un discors e v.i. a ledin suntun ciert argoment o a rivin a di une cierte conclusion (fig.)
esempi
"cemût che il discors al podarà vignî tirât di chê bande, noaltris no lu savìn"
da "Trombis e tambûrs" di Josef Marchet
tirâ v.tr.
(ti-râ)
Vê atrative (fig.)
sinonimi
atrai, clamâ, ingolosî
esempi
"e jere une grande fieste che e clamave int di dutis lis bandis, [...] ce che al tirave soredut la int a jerin lis corsis dai cjavai"
da "Une letare par Bepo" di Pieri Menis
"ce lu aial tirât di particolâr viers Milan?"
da "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
tirâ v.tr.
(ti-râ)
Fâ alc che al vedi une cierte estension e che al sedi plan o slis
esempi
"al si sente dongje il banc di lavôr e al si met a tirâ un mani di falçâr"
da "Vilie di Nadâl" di Pieri Somede dai Marcs
"Micjeil al era marangon [...] i canais [...] a si incantesemavin a jodalu dâ di splana, lavorâ di fin cun limi e sgoibii e, pi di dut, manezâ cun sio fi la siea granda da segantin che a i meteva il sio biel timp a tirâ na brea"
da "Micjeil di Citia" di Novella Cantarutti
"tal passantdoman mi àn dade une cariole, une pale e un rali par tirâ place e tamesâ savalon"
da "Il gno prin pâr di scarpis" di Pieri Menis
tirâ v.tr.
(ti-râ)
Meti un implant, massime cun fîi, cablis, condots e v.i.
sinonimi
meti, meti jù, meti sù
esempi
"o vin decidût di fâ il caminet par scjaldâ l'ambient, dopo metût la grisiole sul sofit, piturât i mûrs, tirât i fîi pe musiche e lis cassis par sintîle"
da "Jo e Graziella" di Mario Beltramini
"chei disore a tiravin l'acuedot"
da "Disore e disot" di Pieri Menis
tirâ v.tr.
(ti-râ)
[TS] (tipogr.) Stampâ, soredut intun ciert numar di copiis
sinonimi
stampâ
esempi
"pecjât che une publicazion di chest gjenar no puedi sei tirade in trente cuarante mil copiis"
da "Memoriis di politiche linguistiche" di Adrian Cescje
"danadis dal ciclostîl, o jerin! Simpri a tirâ manifescj e circolârs, impeoladis cun argagns scuintiâts che si rompevin ogni moment"
da "Trê feminis" di Gianni Gregoricchio
tirâ v.tr.
(ti-râ)
Fâ lâ plui svelt, plui fuart e v.i. (fig.)
sinonimi
stiçâ, stuzigâ, sfuarçâ, sburtâ
esempi
"a tirâle, la machine e va ancje a 180 kmh"
tirâ v.tr.
(ti-râ)
Impegnâsi, sfuarçâsi, lavorâ a fuart (fig.)
esempi
"so nono Min che al à simpri tirât e tasût e cjapadis tant che un mus, fin cuant che pe sô strade al è colât, cu la anime monde e il voli clâr"
da "Il mus di Lise" di Ivano Urli
"scuegnial stâ sot i fîs cumò, … dopo che al à tant lavorât e tirât par ducj ancje cu la muart tal cûr?"
da "La tiere di Lansing" di Maria Forte
tirâ v.tr.
(ti-râ)
Rivâ a vê, spec. bêçs
sinonimi
cjapâ, scuedi
esempi
"al tire une buine paie cul so mistîr, tal stabiliment indulà che al va a vore"
da "Lis predicjis dal muini" di Josef Marchet
"i bêçs che a vevin tirâts intune maniere o in chê altre intant de vuere si jerin sfantâts come la fumate"
da "Chei di Muraie" di Pieri Menis
"a Sant Martin e colave la lôr oselade: in chê dì i parons a tiravin il fit"
da "I furlans e Sant Martin" di Riedo Pup
tirâ v.tr.
(ti-râ)
Otignî un risultât, une deduzion
sinonimi
trai, gjavâ
esempi
"e cun chest vuei tirâ la conclusion / che la mode no à vude mai rason"
da "Il Mus" di Pieri Çorut
tirâ v.tr., v.intr.
(ti-râ)
Tratâ par vê un scont
sinonimi
marcantâ, marcjadantâ, tratâ
esempi
"cuant che infin si tratà di paiâ, Nene, dopo di vê tirât il presi fin sul vues, si fase dâ, di prionte, une golarine"
da "Cretevierte" di Roberto Ongaro
tirâ v.tr.
(ti-râ)
[TS] (sport) In diviersis garis di velocitât in grup, metisi devant e imponi un ritmi (ancje ass.)
tirâ v.tr.
(ti-râ)
Vê une funzion di direzion intun moviment, intune dinamiche, intune ativitât (fig.)
sinonimi
movi
esempi
"Strassolt minor mi indicave tant che chel che al veve tirade la regjie des operazions plui rilevantis di politiche linguistiche viers la lenghe furlane"
da "Memoriis di politiche linguistiche" di Adrian Cescje
tirâ v.tr.
(ti-râ)
Dâ fuarce e lassâ alc che si à in man, o cun cualchi strument, di maniere che al svoli
sinonimi
butâ, lançâ, trai
esempi
"al pareve che la cidule che al veve tirât, saltant e cisant jù pe cleve, no ves vût plui di fermâsi"
da "Cidulis" di Gianfranco Pellegrini
"tal discoclub o vevi cirût di bussâle e jê mi à tirât la bire intor"
da "Queen Anastasia" di Checo Tam
tirâ v.tr.
(ti-râ)
Dâ, massime se di buride e cun violence
sinonimi
dâ, molâ, petâ
esempi
"mi buti in zenoglon e tiri un colp di tai cul fûr dal pît te sô gjambe"
da "Ah! la provincie" di Sandri Di Suald
"une pidade a scalç, come il mus cuant che al tire un pan"
da "La scuele dai fornasîrs" di Pieri Menis
tirâ v.tr.
(ti-râ)
Dî cun fuarce, cun rabie, cun disperazion e v.i.
sinonimi
tirâ jù, molâ
esempi
"al tirà un porconon cuant che al controlâ sul sfuei che al veve in man la consegne de zornade"
da "Light my Fire" di Franco Marchetta
"alore sì che e tirà un ciul potent!"
da "Trê feminis" di Gianni Gregoricchio
tirâ v.intr.
(ti-râ)
Di sostance, cjapâ plui consistence, fâ plui resistence
esempi
"la polente tirie o coventie plui farine?"
tirâ v.intr.
(ti-râ)
Dal aiar, passâ cuntune cierte fuarce
sinonimi
bugâ, jessi, menâ, svintâ, soflâ, svintulâ
esempi
"al tirave un garbin, di Cjampeon, di taiâ lis orelis"
da "Messe a straoris" di Meni Ucel
"la zornade e jere clare e nol tirave un fîl di aiar"
da "Prime di sere" di Carlo Sgorlon
tirâ v.intr.
(ti-râ)
Lâ di une cierte bande (ancje fig.)
sinonimi
butâsi, voltâsi, zirâ, butâ, lâ, cjapâ, voltâ, svoltâ
esempi
"e jere rivade a Bueriis e di chi, pai trois che e cognosseve ben, fûr pai palûts, e tirà viers il borc"
da "A uciei cu lis archetis" di Pieri Menis
tirâ v.intr.
(ti-râ)
Jessi di sucès, di mode e v.i. (zerg.)
sinonimi
lâ
esempi
"di un pôcs di agns incà chê strade e je chê che e tire di plui! Li a son i locâi che a van di plui, li al è plui zîr, plui marcjât, plui bêçs"
da "Donald dal Tiliment" di Stiefin Morat
tirâ v.intr.
(ti-râ)
Continuâ, lâ indevant a fâ alc
sinonimi
lâ indenant, lâ dilunc, parâ vie, parâ indenant, continuâ
esempi
"lui i veve cjapât la cjicare come sbaldît, tirant a fevelâ cul amì cence viodile ben, o le veve cjalade come che e passe la aghe su la piere"
da "Cjase di Dalban" di Maria Forte
"ma come spiegâ la reson par la cuâl in cjase se, cuant che o tachi a fevelâ, la femine e tire di fâmi cuintri?"
da "Viaç a Vignesie" di Arturo Feruglio
"i Micui a jerin une famee di bolpats che a tiravin a lavorâ fin tart"
da "La tiere di Lansing" di Maria Forte
proverbi
"a Sant Simon si tire sù la cjalce e il scufon"
"a tirâ masse la cuarde, si romp"
"al mangje plui vene chel mus che nol tire la carete"
"cui che al à mangjade la vene che al tiri ancje il cjar"
"cui che al mangje il vuadagn che al tiri l'argagn"
"cui che al mangje la vene che al tiri la carete"
"cui che al mangje te grepie, al scuen tirâ la carete"
"cui che al tire il cuartês che al puarti il pês"
"cui che al tire il vuadagn al tire ancje l'argagn"
"cui che le tire le nase"
"cul tirâ, la tele si romp"
"cul trop tirâ, la cuarde si romp"
"di istât o tirâ o nasâ"
"ducj tire la aghe al so mulin"
"dulà che il cûr al tire lis gjambis a puartin"
"e tire plui la naie che no cent pâr di bûs"
"e tire plui la nape che no cent pâr di bûs"
"e tire plui moscjis une gote di mîl che no un barîl di asêt"
"i bogns bocons a tirin in malore"
"il cjar si tire daûr la scarpe"
"il mus al tire"
"il sanc al tire"
"intant che i litighents a tirin la vacje, un pai cuars e un pe code, i avocats a molzin"
"la cuarde co e je trop tirade si romp"
"lis gjambis a puartin là che il cûr al tire"
"miôr tirâ che no nasâ"
"miôr un mus che al tiri che no un cjaval restîf"
"no bisugne tirâ il pêt plui grant de buse"
"no si à di tirâ flât e gloti che e va pe scjavace"
"no si discor che la vacje no tiri ma al è rot l'argagn"
"o tirâ o molâ"
"si fâs e si dîs e la muart e tire pai pîts"
"tirâ il pont tant che si po, ma dâi a ognidun il so"
"un mâl al tire chel altri"
"une peraule e tire chê altre"
Torna in Cima
Torna in Cima