Hai cercato la parola
bilingue monolingue
Hai cercato la parola
tondeggiante
Torna indietro

bilingue

tondeggiante ,
  • 2

    adi. taront, tarondât, staronzât Copia

    [CO] (che al à une forme plui o mancul taronde)
    una finestra tondeggiante = un barcon tarondât

monolingue

taront adi.
(ta-ront)
Che al à forme di cercli, sfere o cilindri o che al somee un cercli, une sfere o un cilindri, ancje cence regolaritât perfete
sinonimi
tont
esempi
"su la taule taronde al jere un grant macet di rosis"
da "A scuele" di Pieri Menis
"taronde come un formadi tal cîl, la Lune e iluminave il Cormôr, la roie e i prâts dulintor"
da "La strie di Basandiele" di Christian Romanin
"un cjariesâr cul tronc taront e dret come une colone"
da "Prime di sere" di Carlo Sgorlon
Vedi anche: toront
taront adi.
(ta-ront)
Che al è caraterizât di une forme o di un profîl a arc
sinonimi
tont
esempi
"i mobii, di linie taronde, lustris, lis poltronis di vilût colôr mîl, cu lis franzis, a jerin robe che si viodeve nome al cine"
da "Ombris tal infinît" di Carlo Sgorlon
"lis ombrenis ponte cun ponte, mani cun mani, e i manis taronts voltâts parsot"
da "Il bal spasimât des ombrenis" di Maria Forte
"il Freikofel lontan, cuintri il cîl, nût e crût, cu la cime taronde come la cupule di une grande glesie di clap"
da "La vuere sul Freikofel" di Pieri Menis
taront adi.
(ta-ront)
Di numar, intîr, cence decimâi o justât su la desene plui dongje (fig.)
sinonimi
just, tont
esempi
"a fuarce di pocâ e di slungjâ francuts o rivi a dusinte francs taronts"
da "Viaç a Vignesie" di Arturo Feruglio
taront adi.
(ta-ront)
Che al da une sensazion o une impression di plenece e di armonie (fig.)
sinonimi
tont
esempi
"cirî chel [cacau] che i des ce che al voleve lui, la armonie perfete di fuarce e tenarece. Une fuarce plene, taronde, esplosive"
da "Gjelât di cjocolate" di Spirt Anonim
taront adi.
(ta-ront)
Che al è caraterizât di completece, perfezion (fig.)
sinonimi
tont
esempi
"no vin plui puescj dulà rivâ e robis di fâ. E che o stin ben achì, nô cussì cjocs di malvasie e refosc, che cjalant denant mi ven tal cjâf di dî: “taront”. Denant al è dut taront"
da "Donald dal Tiliment" di Stiefin Morat
"al provave une sodisfazion plene e taronde, che e rivave fin dentri la anime"
da "Ombris tal infinît" di Carlo Sgorlon
taront adi.
(ta-ront)
Che al è caraterizât di une ricorence o ripetizion (fig.)
sinonimi
tont
esempi
"alì sot, a vignivin a niâ lis cisilis: un svol taront dute la mari dal dì"
da "I arcs" di Maria Forte
"cidule, jù pe rivis tu sês / tu che tu impiis chist vivi taront"
da "Cidule" di Loris Vescul
taront adi., s.m.
(ta-ront)
Pôc inteligjent
sinonimi
tont, stupit, biât
esempi
"mi fasin vignî la fote chei tancj che a discorin simpri di cjochis [...] no capissin cetant mâl che a fasin e si tegnin in bon di fâlu. Si puedial jessi plui taronts di cussì?"
da "Lis predicjis dal muini" di Josef Marchet
taront s.m.
(ta-ront)
Cualsisei robe di forme taronde o cu la sezion circolâr
sinonimi
cercli, tont
esempi
"il taront colôr norance si ficjave tant che une lame di fûc tes montagnis turchinis de Istrie. Il riflès dal soreli tes aghis si distudave a planc"
da "Int no consumade" di Agnul di Spere
taront s.m.
(ta-ront)
[TS] (art) Tes arts figurativis piture dentri une forme taronde
sinonimi
tont
esempi
"cuatri taronts cui Profetis a mieç bust"
da "Storie de art in Friûl" di Bepi Agostinis
taront adi., s.m.
(ta-ront)
[TS] (tipogr.) Caratar latin normâl, dret, in oposizion a corsîf
sinonimi
roman
esempi
"la colone a çampe, in corsîf, e je par talian, chê a drete, in taront, par furlan"
da "La cundizion sociolinguistiche dal furlan" di Linda Picco
taront adi., s.m.
(ta-ront)
Zergon, lengaç segret dai stagnins (zerg.)
esempi
"cuatri sentesins cha a i bastavin justa pa la bocjada e il got dal vin, pa la contorta e il scàbit come che a si diseva par taront, il lengaç che a dropavin i stagnins tra di lour, che nissun ju capiva"
da "Il stagnin" di Novella Cantarutti
proverbi
"al vâl plui un pan taront che no un mus in taule"
"cui che al nas cuadri al crepe taront"
"i bêçs a son fats taronts par che a corin"
"i bêçs a son taronts: a stan pôc a lâ"
"il mont al è taront e a no savê nadâ si va a fonts"
"il mont al è taront e cui che al sa nadâ nol va a fonts"
"il sporc e il malmont a àn il cûl taront"
"la lune no je simpri taronde"
"soç e mont a fasin il cûl taront"
"sporc e mont a fasin il cûl taront"
Torna in Cima
Torna in Cima