Tu âs cirût la peraule
bilengâl monolengâl
Tu âs cirût la peraule
totalità
torne indaûr

bilengâl

totalità s.f.
  • 1a

    s.f. complès, plenece, interece, completece, globalitât, totalitât Copie

    [CO] (dut tal so complès, tal so jessi intîr)
    un'opera che ha significato nella sua totalità = une opare che e à significât te sô totalitât oppure te sô completece
  • 1b

    s.f. totalitât Copie

    [CO] (complès di robis o personis che si trate)
    una regola che vale per la quasi totalità dei casi = une regule che e vâl cuasi pe totalitât dai câs oppure in cuasi ducj i câs

monolengâl

complès s.m.
(com-plès)
Grup di personis, robis, elements che a àn carateristichis o finalitâts in comun o che a formin une struture sole
sinonims
agregât, conession, cumbinazion, insiemi, struture, union, grup, intun, intune
esemplis
"ancje deventant cristiane, la popolazion e implantà un complès di cerimoniis diferentis di chês che si fasevin a Rome e a Milan e di li e nassè la liturgjie aquileiese, che e mostrave ce clime di indipendence che al regnave chenti ancjemò in chê volte"
gjavât fûr di "Cuintristorie dal Friûl fin sot la Italie" di Josef Marchet
"ah, la vite! Ce complès di siums, di delusions, di fantasiis e di realtâts che si incuintrin e si slontanin fasint e disfant lis sperancis dai oms, come ondis di flum che simpri si mudin di forme"
gjavât fûr di "Il muc" di Roberto Ongaro
complès s.m.
(com-plès)
Grup che al fâs musiche
sinonims
grup
esemplis
"dut il program dal festival al è stât cambiât e no si sa cui che al sune… o miôr… tal daûr dai manifescj a son scrits a penarel i nons dai complès che a sunaran gratis dome intune des dôs alis, parcè che chê altre le àn sierade"
gjavât fûr di "La maree nere" di Checo Tam
"o fasìn part di un complès corâl"
complès s.m.
(com-plès)
[TS] (psic.) Insiemi di pinsîrs, ricuarts, desideris, in part o dal dut incussients, che si formin vie pe infanzie e che a condizionin in manieris diferentis la vite afetive e il compuartament dal om adult
complès s.m.
(com-plès)
Probleme o malstâ psicologjic
sinonims
claut, fisse, inibizion, lambic, manie, matetât, menade, ossession, paturnie, sbisie
esemplis
"nô no podìn decidi il destin dal mont. O podìn dome fâ la nestre part. Cun dignitât e cence complès"
gjavât fûr di "Identitât e mondializazion" di Antoni Beline
"o vin di lavorâ ancjemò tant par che ce che o vin tal cûr al rivi a diliberâsi dai complès di inferioritât e di perifarie che o vin tal cjâf"
gjavât fûr di "La autonomie e nas tal cûr, ma e cres tal cjâf" di Sandri Carrozzo
complès adi.
(com-plès)
Costituît de union di plui parts, ancje in ecuilibri delicât tra di lôr
sinonims
componût, articolât
esemplis
"un prin esempli di ce che al sucedeve fin a no tancj agns indaûr al è chel ploiis acidis che, tai agns '70 e '80 a jerin un probleme viodût nome de bande dal incuinament, cence pensâ che la atmosfere al è un sisteme complès, plen di retroazions"
gjavât fûr di "Clime e incuinament: prime l'ûf o la gjaline?" di Dario Bianchini Giaiotti, Fulvio Stel
"si à di vê biel clâr che la comunicazion in zornade di vuê e je une vore plui complesse di chê che e jere dôs gjenerazions indaûr, par vie che lis formis de comunicazion a son deventadis plui complessis par ducj, e no dome par une part minoritarie de popolazion"
gjavât fûr di "Memoriis di politiche linguistiche" di Adrian Cescje
"il procès di inricjiment dal urani al è une vore complès e al domande tecnologjiis sofisticadis di separazion dai isotops"
gjavât fûr di "Un mont cence armis nucleârs. Sfidis sientifichis e tecnologjichis" di Alessandro Pascolini
complès adi.
(com-plès)
Che par vie de sô composizion, struture, articolazion e v.i., al pues jessi dificil di capî
sinonims
complicât, dificil, dûr, elaborât, imberdeât, incrosât, intorteât, intrigôs, problematic, involuçât, ingredeât, grivi
esemplis
"se o viodês un politic, un slogan o un comunicât complès, sigûr che si cjatais devant di un faliment"
gjavât fûr di "Comunicâ la autonomie" di Sandri Di Suald
"no je une preclusion ae idee che la lenghe minorizade e puedi veicolâ ancje concets complès"
gjavât fûr di "Une esperience di plurilinguisim inte didatiche de matematiche" di Carlo Cecchini, Matteo Fogale
complès adi.
(com-plès)
[BF] Di persone, che e à pês in plui, che e je gruesse
sinonims
gras, grues, complen, tont, taront, toful, stolf
torne sù
torne sù