Hai cercato la parola
bilingue monolingue
Hai cercato la parola
unire
Torna indietro

bilingue

unire
  • 1a

    v.tr. zontâ, unî, meti adun Copia

    [FO] (meti dongje doi o plui elements di mût che a costituissin o che a parin un dut un)
    unire due mucchi di ghiaia = zontâ doi grums di savalon
    unire due stanze abbattendo una paretina = meti adun dôs stanziis butant jù une paradane
    unire i pezzi di un mosaico = meti adun i tocs di un mosaic

    v.tr. unî, meti adun Copia

    (fondâ intune entitât sole, spec. politiche o economiche)
    unire due gruppi finanziari = meti adun doi grups finanziaris

    v.tr. zontâ, unî Copia

    (messedâ par fâ une misture uniche)
    unire i bianchi d'uovo alla farina = zontâ i blancs dal ûf cu la farine

    v.tr. zontâ, meti intune Copia

    (meti dongje alc cun ce che al è di interès principâl o al è di presentazion)
    unisci alla lettera anche tutta la documentazione = met intune cu la letare ancje dute la documentazion
  • 1b

    v.tr. unî, meti dongje, meti intune Copia

    [FO] (fondi)
    se unissimo le nostre capacità faremmo meglio il lavoro = se o metessin intune oppure dongje lis nestris capacitâts o fasaressin miôr il lavôr

    v.tr. unî, vê intune Copia

    (vê tal stes moment)
    unire forza e precisione = vê fuarce e precision intune

    v.tr. unî, tignî dongje, tignî adun Copia

    (vê in comun)
    ci unisce la voglia di imparare = nus ten adun la voie di imparâ
  • 2

    v.tr. unî, leâ, peâ Copia

    [FO] (leâ cuntun vincul morâl o materiâl)
    il contratto unisce in solido tutti i firmatari = il contrat al unìs in maniere solidarie ducj i firmataris
  • 3

    v.tr. unî, tacâ Copia

    [FO] (meti dongje doi elements lontans un cul altri)
    le due sponde sono unite da un ponte = lis dôs spuindis a son tacadis di un puint

locuzioni

    unire in matrimonio
  • leâ in matrimoni, unî in matrimoniCopia
    [CO] (maridâ, celebrâ lis gnocis)
    il prete ha unito in matrimonio i due sposi = il predi al à leât in matrimoni i doi nuviçs
    • unire l'utile al dilettevole
  • meti dongje il biel e il bonCopia
    [CO] (fâ alc di biel cun risultâts concrets o alc di concret che al plâs)

monolingue

peâ v.tr.
(pe-â)
Strenzi cuntune cuarde, un laç, un spali, un fîl e sim., une o plui cjossis o ancje personis par unî o tignî fer
sinonimi
inlaçâ, laçâ, tacâ, leâ
esempi
"cuatri lu vevin tignût dûr e chei altris lu vevin peât cuintri dal cjar. Lu vevin pacât sence remission"
da "Îr e doman" di Gianni Gregoricchio
"si ere inacuart diviersis voltis la matine che la barcje del paron no si cjatave precisamenti dulà che la veve peade la sere"
da "Un paîs misteriôs" di Luigi Gortani
"tai vignâi li ator a cuinçavin e a peavin lis vîts"
da "Prime di sere" di Carlo Sgorlon
peâ v.tr.
(pe-â)
Condizionâ e gjavâ libertât (fig.)
sinonimi
fermâ, inclaudâ, vincolâ, leâ
esempi
"la leç di fiar dal no podê tornâ indaûr la peave ancje jê, come ducj i muarts"
da "Il dolfin" di Carlo Sgorlon
peâ v.tr.
(pe-â)
Limitâ tai moviments (ancje ass.)
sinonimi
leâ, intrigâ, imberdeâ
esempi
"[la strade] e lave sù sot cjastinârs di mil agns, tra fratis, baraçs e cincinariis sui ôrs che ti peavin lis gjambis e ti sgrifavin la muse"
da "I colaçs" di Meni Ucel
peâ v.tr.
(pe-â)
Svicinâ o cumbinâ fin scuasi a fondi doi elements (fig.)
sinonimi
leâ
esempi
"di sigûr al è vivût tuna discusidura, cença rivâ adora a peâ il volê jessi, cu la vita cemont che a è"
da "Un pitour par me" di Novella Cantarutti
peâ v.tr.
(pe-â)
Svicinâ dôs o plui personis cun relazions afetivis, afinitâts di interès e sim. (fig.)
sinonimi
zontâ, dâ dongje, dâ adun, meti adun, unî, leâ
esempi
"a prin intro ju pee une glagn di amicizie e po, dì par dì simpri plui fuarte, une leande intiessude dal afiet di pari a fi"
da "Storie di Min" di Ivano Urli
peâ v.tr.
(pe-â)
Meti in comunicazion o in relazion (fig.)
sinonimi
zontâ, dâ dongje, dâ adun, meti adun, unî, leâ
esempi
"si sintive a tirâ, mo di une bande, mo di chê altre, dal fîl invisibil che al peave passât e presint"
da "Il sium di Lissandri" di Franca Mainardis
"lis ecuazions dal cjamp gravitazionâl [...] a pein la curvadure dal spazitimp [...] a la distribuzion di materie e a lis sôs interazions"
da "Teologjie algjebriche" di Sergio Cecotti
peâ v.tr., v.intr.
(pe-â)
Di robe di mangjâ, di bevi o sim., dâ une brute sensazion in bocje (fig.)
sinonimi
leâ
esempi
"pomis che si tirave jù dai arbui ancjemò gherbis, che ti inceavin la bocje e ti peavin i dincj"
da "Stagjons dal an e de vite. Sierade" di Antoni Beline
proverbi
"bisugne peâ il mus là che il paron comande"
"peâ il mus là che il paron comande"
Torna in Cima
Torna in Cima