Tu âs cirût la peraule
bilengâl monolengâl
Tu âs cirût la peraule
vertere
torne indaûr

bilengâl

vertere v.intr.
  • 1

    v.intr.

    [TS] burocr. (di vertence, jessi vive, jessi in pîts)
    il contrasto verte sulle pensioni = al è contrast su lis pensions
  • 2

    v.intr. tocjâ, tratâ Copie

    [CO] (di discussion, cuistion e v.i., vê un ciert argoment)
    la conferenza verteva sull'ecologia = la conference e tratave di ecologjie oppure la conference e jere su la ecologjie oppure la conference e veve di teme la ecologjie

monolengâl

tratâ v.tr.
(tra-tâ)
Ve un ciert compuartament cun cdn. o cun alc
esemplis
"in cjase ducj a scomençarin a tratâle ben, a tignîle cont, e jê cun lôr si cjatave"
gjavât fûr di "Cjase di Dalban" di Maria Forte
"a mostravin di vêse par mâl che ju tratassin diferent di ducj chei altris"
gjavât fûr di "La aghe da pît la cleve" di Dino Virgili
"tu mi âs tratât simpri tant che un di famee, tant che un fi"
gjavât fûr di "Il muc" di Roberto Ongaro
tratâ v.tr.
(tra-tâ)
Dâ di mangjâ e di bevi ai ospits
esemplis
"crôt che ducj savaran / che soi solit ogni an, / come vuê, di tratâ / i parincj e i amîs cu un bon gustâ"
gjavât fûr di "Il Strolic mezan par l'an 1866" di Pieri Çorut
tratâ v.tr.
(tra-tâ)
Sometilu alc a cierts procediments
sinonims
lavorâ
esemplis
"e jere la sô prime opare di impegn, par grandece e pal mût di tratâ la figure a dut taront"
gjavât fûr di "La Madone de Pâs" di Maria Forte
"dal mês di Jugn al funzione un gnûf implant di purificazion de aghe contaminade, bon di tratâ 1200 m3 di aghe ogni dì"
gjavât fûr di "Il disastri de centrâl nucleâr di Fukushima Dai-ichi" di Alessandro Pascolini
"Daspò controlade la cualitât dai dâts, si ju à cjariâts tai sistemis informatics e a son stâts tratâts informatichementri cul program dBase 3+"
gjavât fûr di "La cundizion sociolinguistiche dal furlan" di Linda Picco
tratâ v.tr.
(tra-tâ)
Meti in vore un procediment che al covente par curâ, protezi, mantignî in salût, eliminâ cundizions negativis e v.i.
esemplis
"tratâ une infezion cun antibiotics"
"al lave jù, ben planchin, fin tal ort, par cjalâ Decimin che al butave il solfar, a insegnâi a tratâ cualchi vît che e jere scuasit a rap"
gjavât fûr di "Cjase di Dalban" di Maria Forte
tratâ v.intr.
(tra-tâ)
Vê a ce fâ cun cdn., spec. intune situazion di confront, di colaborazion, di convivence
esemplis
"o vin scugnût tratâ e scombati cun dutis lis razis dal gjenar uman"
gjavât fûr di "Cumò che o savìn..." di Josef Marchet
"[lant a vore a Udin] tu imparis a tratâ cu la int di citât"
gjavât fûr di "Par stradis lungjis" di Alan Brusini
"al veve tal fâ chel piç di polegane, chês manierutis cortesanis, [...] di tratâ cun int di ogni fate, simpri a muse da ridi, daûr dal banc"
gjavât fûr di "La aghe da pît la cleve" di Dino Virgili
tratâ v.tr.
(tra-tâ)
Comprâ e vendi une cierte marcjanzie o servizi
sinonims
tignî
esemplis
"une buteghe che e trate articui di regâl"
tratâ v.tr., v.intr.
(tra-tâ)
Frontâ un argoment
sinonims
esaminâ, esplicâ, esponi, ilustrâ, insegnâ, motivâ, tocjâ
esemplis
"al veve di meti a verbâl dut ce che si diseve o si tratave"
gjavât fûr di "Pre Pitin" di Antoni Beline
""Friûl che al vîf" al jere il titul sielt par un program che al tratave di storie, culture e atualitât furlane"
gjavât fûr di "Un Friûl difarent: i 90 mhz di Onde Furlane" di Max Mauro
"il libri al varès vût di struturâsi intune part economiche e istituzionâl [...], che le varès tratade Zorç Cjaval, intune part di storie di civiltât e leterarie [...], che le varès tratade Pieri Carli Begot, e intune di cuistions di culture e ideologjie in Friûl tal 1800 e 1900, che le varès tratade jo"
gjavât fûr di "Memoriis di politiche linguistiche" di Adrian Cescje
tratâ v.tr., v.intr.
(tra-tâ)
Discuti cirint un acuardi
sinonims
concuardâ, contratâ, negoziâ, patizâ, patuî, rangjâ, regolâ
esemplis
"al vûl comprâ la braide cul vignâl di siôr Simon che al è in vendite, e mi dîs di lâ a tratâ daurman"
gjavât fûr di "La tiere di Lansing" di Maria Forte
"a cjalavin la spongje, lis plui lichignosis le nasavin e cuant che a decidevin di comprâ a tratavin sul presit"
gjavât fûr di "Il cuader de none" di Pieri Menis
"si stave tratant une bestie e urlant o porconant par talian cun ducj i minuets dal mistîr"
gjavât fûr di "La aghe da pît la cleve" di Dino Virgili
"Cavedalis stes al ve la incarghe il 18 di Avost, insiemi cun Dataico Medin e Nicolò Priuli, di lâ a Mestre a tratâ cui todescs la fin des ostilitâts"
gjavât fûr di "Zuan Batiste Cavedalis - Une vite esemplâr" di Giovanni Pillinini
tratâ v.tr.
(tra-tâ)
Cun "di" e un infinît, impegnâsi par rivâ a un ciert risultât
sinonims
provâ, cirî
esemplis
"tratant di cuietâ l'om al zontà: «Chestis, Toni, a son robis passadis. Dibisugne lâ cul progrès vuê [...]»"
gjavât fûr di "La cjase di Toni" di Tarcisio Venuti
"pre Pieri al tratave di convincimi a restâ"
gjavât fûr di "Ricuarts e inlusions" di Enrico Martina
tratâ v.intr.
(tra-tâ)
In costruzions impersonâls, jessi argoment, cuistion, ocasion, oprtunitât e v.i.
esemplis
"si sa che la int no va tant pal sutîl, cuant che si trate di butâ la crôs su la schene di cualchidun"
gjavât fûr di "Il muc" di Roberto Ongaro
"«No si trate di fam: si trate di dâi ligrie al stomi …»"
gjavât fûr di "I colaçs" di Meni Ucel
detulis
"a jessi masse bogns, si è tratâts di piore"
"a tratâ cui gjats si reste sgrifignâts"
"a tratâ cun buinegracie no si fale mai"
"a tratâ cun creance no si fale mai"
torne sù
torne sù