SuperDizionari

regolâ v.tr.
(re-go-lâ)

Meti une regule o un complès di regulis, di normis, imponi il rispiet di un ciert compuartament e v.i.

sinonims

normâ, dissiplinâ, guviernâ

esemplis

"al veve tignût dûr par un pôc, smaniôs di no vê ce fâ cun nissun, ma la leç che e regolave la vite dai zovins e jere plui fuarte de volontât di un sôl"

gjavât fûr di "Îr e doman" di Gianni Gregoricchio

"la Filologjiche e je par Cjanton la uniche istituzion titulade a decidi in cont de grafie de lenghe furlane, stant che e veve regolade “la grafie bielzà tal 1920”"

gjavât fûr di "Memoriis di politiche linguistiche" di Adrian Cescje

Viôt ancje: regonâ

regolâ v.tr.
(re-go-lâ)

Fâ corispuindi a une cierte regule o ben a un ciert ordin, criteri, misure, cuantitât e v.i.

sinonims

comedâ, ordenâ, rangjâ, sestâ, vuaiâ, justâ

esemplis

"regolâ i cops savoltâts dal burlaç"

gjavât fûr di "Il gjat" di Meni Ucel

"zontâ a pôc a pôc il brût bulint, simpri messedant. Regolâ di sâl"

gjavât fûr di "Jerbis salvadiis inte cusine furlane" di Giorgio Pascoli

regolâ v.tr.
(re-go-lâ)

Fâ che alc al sedi o al funzioni o al sucedi intune cierte maniere, cuntune cierte forme, misure, intensitât, dinamiche e v.i.

sinonims

justâ, sestâ, rangjâ, regjistrâ

esemplis

"lassìn che vadi il mont come che al va; / jo farai chel che o pues, / e prin di scomençâ / vês di permeti, che o regoli i imprescj"

gjavât fûr di "Il Strolic furlan par l'an 1847" di Pieri Çorut

"al veve man di fâ di dut e, finît di lavorâ, al veve simpri dopo ancjemò alc di sbisiâ: [...] al regolave la biciclete o la gurlete di sô none, al dave dongje un taulin, al dave di blanc in cjase, al tirave sù un mûr"

gjavât fûr di "Sul agâr" di Pieri Menis

"cuant che un camarin nol conservave ben il salam lu clamavin lui a sistemâ i barconuts a tramontan e a buere e a regolâ i aiars"

gjavât fûr di "I furlans e il mestri" di Riedo Pup

regolâ v.tr.
(re-go-lâ)

Viodi dai lavôrs che a coventin par tignî in ordin, net, furnît di ce che al covente ambients tant che la cjase, la stale o sim.

sinonims

guviernâ, rezi, stâ daûr, sestâ

esemplis

"la camarelute e ven a regolâ la stanze"

gjavât fûr di "Viaç a Vignesie" di Arturo Feruglio

regolâ v.tr.
(re-go-lâ)

Meti a puest alc che al è rot o che al à vût dams

sinonims

meti a puest, justâ

esemplis

"no stait a spietâ, se o vês di regolâ la cjase (pai cjargnei), se o veis di tornâle a fâ sù (pai furlans de zone plui pestade dal taramot), no stait a fidâsi dal stât! Se o podês, scomençait cui vuestris"

gjavât fûr di "In non di Diu scomençait!" di Francesc Placerean

regolâ v.tr.
(re-go-lâ)

Cjatâ une soluzion o dâ un compens par une situazion problematiche o di contrast

sinonims

justâ

esemplis

"e vin tropis robis ancjimò di regolâ fra di noaltris"

gjavât fûr di "Mariute" di Ercole Carletti

"il barba che jara scapul e veva sôl sola chê gnessa al mont, dopo vêsi sigurât dai sentiments di Nesto, jara lât cuntun auto a regolâ lis pendensis di Nesto e veva puartât gnovamenti la pâs tal cûr dai doi inamorâts"

gjavât fûr di "Nita e Nesto" di Ranieri Mario Cossâr

regolâ v.tr.
(re-go-lâ)

Dâ a cdn. ce che si merete, soredut une punizion, pachis o sim. (fig.)

sinonims

justâ, rangjâ

esemplis

"lasse che mi vegni pal viers e lu regoli ben jo"

monolengâl