Al è un cognon tipic di Timau in comun di Paluce (29 fameis tal 1937), dulà che si fevele un dialet todesc. Presint ancje a Ruvigne e Tumieç. Rapelli 1995 al ripuarte di Hornung 1989: di un sorenon locâl identic che tal sens vêr de peraule al vûl dî “cence pericul”, ven a stai “persone che dongje di jê no si cor nissun pericul, che e da sigurece”. Formis antighis a son Onfhierer tal 1519 e Unfierer tal 1554 (Quaglia, 1994-95). Tal 1793 Pietro Mattiz di Daniele e di Barbara Unferer di Cristof. q. Nicolò da Timau sposa Margarita Mattiz di Giac. q. Nicolò e di Margarita Unferer pure da Timau (Filze).