SuperDizionari

a timp loc.av.

Cun anticip, ben prime che al sedi tart

sinonimi

par timp

esempi

"bisugne pensâ a timp ancje par l'Invier"

da "Il tor di Mueç" di Luigi Gortani

"no ai preparât nissune relazion parcè che par fâ chest bisugne jessi visâts a timp e no te vilie"

da "La veretât e va ben simpri dite" di Pieri Somede dai Marcs

a timp loc.av.

Daûr di un ritmi

esempi

"si sintivin pas misurâts che a batevin a timp come tun çondar, là difûr, te strade bessole"

da "Dome la cjampanute di Sant Bortul" di Maria Forte

"i rems a jentrin a timp te aghe e a vegnin fûr spergotant perlis al lusôr de lune"

da "La crepe" di Diego Navarria

a timp loc.adi.inv.

Di mecanisim o sisteme, fat par che al funzioni intun timp prefissât

esempi

"o pensi di sierâ chescj ricuarts intune capsule a timp. Une di chês che si vierzaran… metìn… ca di mil agns"

da "La maree nere" di Checo Tam

monolingue