Tu âs cirût la peraule
monolengâl
torne indaûr

monolengâl

alçâsi v.pron.intr.
(al-çâ-si)
Metisi sù in pîts
sinonims
dreçâsi, jevâsi, jevâ sù, jevâ, saltâ sù
esemplis
"viodint a rivâ chel siôr si alce dal scagnut dulà che al jere sentât"
gjavât fûr di "Un macet di sanmartinis" di Pieri Menis
alçâsi v.pron.intr.
(al-çâ-si)
Vê un moviment o un mudament di forme o dimension che al fâs stâ plui insù
esemplis
"la plete si alçave e si disbassave, sù e jù, in volte, daûr il respîr"
gjavât fûr di "La aghe da pît la cleve" di Dino Virgili
"la cinise si alçave [...]. Chel altri frut, cul so stec, al parave sù la cinise e al procurave di vuaiâle; ma jê si sglonfave, si sglonfave, tant che e scomençà a comparî la fuiace"
gjavât fûr di "La fuiace de Madone" di Catarine Percude
alçâsi v.pron.tr.
(al-çâ-si)
Tirâ sù alc di se stes, alc che si à intor o alc par se stes
sinonims
alçâ, tirâ sù, jevâ, jevâ sù, tirâsi sù
esemplis
"Baldo si alçà il cjâf des mans"
gjavât fûr di "Devant di dut il cîl" di Dino Virgili
alçâsi v.pron.intr.
(al-çâ-si)
Lâ insù
sinonims
jevâ, partî, lâ sù, svolâ sù, vignî sù
esemplis
"lis compagniis a scjampin a finî la fieste al Lido indulà che in rive dal mâr - mi capissial - a spietin di saludâ el soreli cuant che si alce, la matine"
gjavât fûr di "Viaç a Vignesie" di Arturo Feruglio
"un penacul di fum e di faliscjis si alce tal cîl"
gjavât fûr di "Lis leiendis di Buie" di Pieri Menis
"di Davian si alçavin i F16 americans e talians"
gjavât fûr di "Cuintristorie dal Nûfcent 1990-2000" di Angelo Floramo
"une stangje che si alce nome se tu âs la clâf"
gjavât fûr di "Faliscjis" di Cristina Noacco
alçâsi v.pron.intr.
(al-çâ-si)
Aumentâ di nivel, di cualtitât, di valôr e v.i.
sinonims
dâ sù, lâ sù, tirâsi sù, vignî sù, cressi
esemplis
"par diviers motîfs fisics, la temperadure de atmosfere si alce e si torne a sbassâ plui voltis"
gjavât fûr di "Notis di meteorologjie pal Friûl - Vignesie Julie" di Stefano Micheletti, Marcellino Salvador
alçâsi v.pron.intr.
(al-çâ-si)
Di alc di grant e alt, jessi intun ciert puest, vê une posizion o une forme di dominance, ancje in maniere di jessi viodût
sinonims
jessi, jevâ, jevâsi, dâ sù, vignî sù, imparêsi
esemplis
"parsore si alçave a plomp la crete e jù si viodeve la valade"
gjavât fûr di "Funerâl a Pâl Piçul" di Pieri Menis
"chê int e jere usade a viodi chel cjasament che si alçave su la piche dal cuc"
gjavât fûr di "La int" di Pieri Menis
alçâsi v.pron.intr.
(al-çâ-si)
Di sun, cjant e v.i. fâsi sintî (fig.)
esemplis
"la nestre vôs si alce clare e fuarte a berlâ cuintri ogni forme di prevaricazion"
gjavât fûr di "Cuintristorie dal Nûfcent 2000-2010" di Angelo Floramo
"e da dute chê int si alce gaudiôs e intonât prin il «Magnificat» po il «Pange lingua»"
gjavât fûr di "Corpus Domini" di Pieri Somede dai Marcs
torne sù