SuperDizionari

altece s.f.
(al-te-ce)

Grandece in verticâl, distance in verticâl tra doi ponts

esemplis

"a son stâts metûts inte aree 33 segnâi rifletôrs cilindrics (5 cm di diametri x 5 cm di altece)"

gjavât fûr di "Lis Termis Romanis e la Basiliche Patriarcjâl di Aquilee studiadis midiant lis modernis tecnichis di rilevament e di rapresentazion" di Domenico Visintini

altece s.f.
(al-te-ce)

Distance di tiere o posizion plui adalt rispiet ae tiere

sinonims

adalt

esemplis

"la altece che l'inglês si jere butât [cul parecjadudis] e jere intor dai cinccent metris e aromai i mancjave pôc par rivâ par tiere"

gjavât fûr di "Il muc" di Roberto Ongaro

altece s.f.
(al-te-ce)

Posizion di autoritât, di autorevolece, di superioritât jerarchiche (fig.)

esemplis

"se tu ur berlis la veretât in muse tu ju sbatis jù de lôr altece"

gjavât fûr di "Vieri e gnûf" di Pieri Piçul

"tu sês rivât adore di deventâ cuasi sergjent! Corponon, ce altece!"

gjavât fûr di "Lis predicjis dal muini" di Josef Marchet

"al fevelave de vite, che al varès vût inmò di frontâ, de altece dai siei undis agns"

gjavât fûr di "Il muc" di Roberto Ongaro

altece s.f.
(al-te-ce)

Determinazion gjeografiche de latitudin o ancje posizion gjeografiche in corispondence di un ciert pont di riferiment

sinonims

latitudin

esemplis

"il Po al à tracimat a la altece di Codigoro e al è parsore la vuardie in chel di Màntue"

gjavât fûr di "La arionautiche" di Josef Marchet

altece s.f.
(al-te-ce)

[TS] (astron.) Angul che al dîs la distance jenfri la posizion di une stele e l'orizont

esemplis

"leade al spostament dai ponts di jevade e amont e je ancje la variazion de altece massime di une cierte stele sul orizont"

gjavât fûr di "Archeoastronomie in Friûl" di Nando Patat

altece s.f.
(al-te-ce)

[TS] (fis.) Carateristiche di un sun in funzion de frecuence

esemplis

"la intonazion di une lenghe e je l'efiet acustic e percetîf che al ven dât de variazion de altece dai suns intune peraule o intune frase"

gjavât fûr di "La intonazion des frasis declarativis e des domandis polârs par furlan" di Paolo Roseano

altece s.f.
(al-te-ce)

[TS] (fon.) Carateristiche di une vocâl, definide daûr de posizion la lenghe che si svicine di plui o di mancul al cîl de bocje

esemplis

"la altece di /e/ e je medie"

monolengâl