Hai cercato la parola
monolingue
Torna indietro

monolingue

altece s.f.
(al-te-ce)
Grandece in verticâl, distance in verticâl tra doi ponts
esempi
"a son stâts metûts inte aree 33 segnâi rifletôrs cilindrics (5 cm di diametri x 5 cm di altece)"
da "Lis Termis Romanis e la Basiliche Patriarcjâl di Aquilee studiadis midiant lis modernis tecnichis di rilevament e di rapresentazion" di Domenico Visintini
altece s.f.
(al-te-ce)
Distance di tiere o posizion plui adalt rispiet ae tiere
sinonimi
adalt
esempi
"la altece che l'inglês si jere butât [cul parecjadudis] e jere intor dai cinccent metris e aromai i mancjave pôc par rivâ par tiere"
da "Il muc" di Roberto Ongaro
altece s.f.
(al-te-ce)
Posizion di autoritât, di autorevolece, di superioritât jerarchiche (fig.)
esempi
"se tu ur berlis la veretât in muse tu ju sbatis jù de lôr altece"
da "Vieri e gnûf" di Pieri Piçul
"tu sês rivât adore di deventâ cuasi sergjent! Corponon, ce altece!"
da "Lis predicjis dal muini" di Josef Marchet
"al fevelave de vite, che al varès vût inmò di frontâ, de altece dai siei undis agns"
da "Il muc" di Roberto Ongaro
altece s.f.
(al-te-ce)
Determinazion gjeografiche de latitudin o ancje posizion gjeografiche in corispondence di un ciert pont di riferiment
sinonimi
latitudin
esempi
"il Po al à tracimat a la altece di Codigoro e al è parsore la vuardie in chel di Màntue"
da "La arionautiche" di Josef Marchet
altece s.f.
(al-te-ce)
[TS] (astron.) Angul che al dîs la distance jenfri la posizion di une stele e l'orizont
esempi
"leade al spostament dai ponts di jevade e amont e je ancje la variazion de altece massime di une cierte stele sul orizont"
da "Archeoastronomie in Friûl" di Nando Patat
altece s.f.
(al-te-ce)
[TS] (fis.) Carateristiche di un sun in funzion de frecuence
esempi
"la intonazion di une lenghe e je l'efiet acustic e percetîf che al ven dât de variazion de altece dai suns intune peraule o intune frase"
da "La intonazion des frasis declarativis e des domandis polârs par furlan" di Paolo Roseano
altece s.f.
(al-te-ce)
[TS] (fon.) Carateristiche di une vocâl, definide daûr de posizion la lenghe che si svicine di plui o di mancul al cîl de bocje
esempi
"la altece di /e/ e je medie"
proverbi
"par rivâ a ciertis altecis o bisugne fâsi cais o ben jessi acuilis"
Torna in Cima