Hai cercato la parola
monolingue
Torna indietro

monolingue

amâ v.tr.
(a-mâ)
Vê un sintiment profont di afiet e benvolence par cualchidun o par alc
sinonimi
volê ben, volê bon
esempi
"e amave la gneçute cun dut il so cûr grant"
da "Cjase di Dalban" di Maria Forte
"si jere sintude tradide di chei che plui e amave, di chei che jê e veve plui fiducie"
da "Il muc" di Roberto Ongaro
"no tremavial ancjemò come in chê volte nome a pensâ a chê frute fuarte e biele che al veve amade a vincj agn?"
da "Sul agâr" di Pieri Menis
"la veretât a è che ducj si ame il so paîs: là che si nas ogni jerbe pas"
da "Al marcjât di Vile" di Luigi Gortani
amâ v.tr.
(a-mâ)
Vê une grande passion o predilezion par une ativitât, par une dissipline, par un lûc, par un argoment e v.i.
sinonimi
vê passion
esempi
"[chel langobart] nol jere un popul che nol amàs la art, nol jere un barbar"
da "La nestre lenghe" di Francesc Placerean
amâ v.tr.
(a-mâ)
Vê une inclinazion, une vocazion o une bisugne (fig.)
esempi
"la vît e ame la culine"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
proverbi
"al è miôr fâsi amâ che no temê"
"ame cui che ti ame e rispuint a cui che ti clame"
"amôr e signorie no amin compagnie"
"bisugne temê Diu par amôr e no amâlu par timôr"
"cuant che si ame, si tem"
"cui che al ame al tem"
"cui che al ame ducj nol ame nissun"
"cui che al ame i gjats al ame ancje lis feminis"
"cui che al ame il Signôr al ame ancje i sants"
"cui che nol ame nol à cûr"
"il becjâr nol ame il pescjadôr"
"ogni simil al ame il so simil"
"se tu amis a son ducj bogns, se tu odeis a son ducj triscj"
"si amin tant che il cjan e il gjat"
Torna in Cima