Tu âs cirût la peraule
monolengâl
torne indaûr

monolengâl

ambizion s.f.
(am-bi-zi-on)
Ancje tal pl., volontât di jessi miôr o di rivâ a alc che al pues jessi calcolât dificil o impuartant, che al pues dâ onôr, ricjece, considerazion e v.i.
sinonims
aspirazion, brame, gole, pretese
esemplis
"l'è possedût da smisurâts desideris di ambizion e cjata simpri ostacui a sodisfâju"
gjavât fûr di "Il diau sul Studeniz" di Giovanni Luigi Filli
"cui aia clamât chê zent di un altri mont a puartâni la fin da la nustra puora vita, sensa pretesis, sensa ideâi, sensa na gota di ambizion?"
gjavât fûr di "I Turcs tal Friûl" di Pier Paolo Pasolini
"vueris di dinastiis e no di nazionalitâts, vueris di interès e ambizions di regnants e no di popui"
gjavât fûr di "No si à di judicâ il passât cu la mentalitât di cumò" di Josef Marchet
ambizion s.f.
(am-bi-zi-on)
[BF] Complasiment, ancje masse grant, di se stes
sinonims
braùre
esemplis
"vistût da gnûf, e cul cjapiel in bande / il nuviç marcje al pâr cun ambizion"
gjavât fûr di "La sdrondenade" di Pieri Çorut
detulis
"cuant che la ambizion e galope, la vergogne e monte in grope"
"la ambizion e incjoche tant che il vin"
torne sù